“E Liliu atu e Tusitusiga Paia o Tatou Loto i le Atua,” Liahona, Iulai 2022.
Sau, Mulimuli Mai ia te A’u
E Liliu atu e Tusitusiga Paia o Tatou Loto i le Atua
Na saunoa Peresitene Spencer W. Kimball e faapea o le tala i le Tupu o Iosia, o loo maua i le 2 Tupu 21–23, “o se tasi o tala aupito sili ona matagofie i tusitusiga paia uma” (i le Sau, Mulimuli Mai ia te Au—Mo Tagata Taitoatasi ma Aiga: Feagaiga Tuai 2022, 129).
Auala na Maua ai e le Tupu o Iosia Tusitusiga Paia
O le Tupu o Iosia ua Faamamaina le Nuu o Tupua, © Look and Learn / Bridgeman Images
Na avea Iosia ma tupu o Iuta ina ua na o le valu ona tausaga. Sa ia mauaina se malo o tagata o e sa talitonu i atua ese, ae sa manao o ia e mulimuli i le Alii. I le tausaga lona valu o lana nofoaiga, sa ia faatonuina ai ia faaumatia fatafaitaulaga ma tupua o atua ese i Iuta atoa.
Iosia, Tupu o Iuta, ua Toefuataia le Tapuai i le Atua i Lona Malo, saunia e se tusiata e le mailoa, ata na saunia e Stefano Bianchetti / Bridgeman Images
I le sefulu tausaga mulimuli ane, sa ia talosagaina ai lona nuu e toefuatai le malumalu i Ierusalema, lea na maua ai e le faitaulaga sili o Hilikia ia tusitusiga paia. Ina ua faitau e le Tupu o Iosia le tusi, sa musuia o ia e mulimuli i ona aoaoga. Ona ia faapotopotoina lea o lona nuu ma faitau atu le tusi ia i latou.
Mo se taimi umi lava, sa faamaaa ai e tagata o latou loto e faasaga i le Atua. Ae sa fesoasoani tusitusiga paia e liliu loto o tagata e toe foi atu i le Atua. Sa folafola atu e le Tupu o Iosia i tagata o le a ia savali i ala o le Alii ma usitai i poloaiga.