“Ko e Maama ʻo Māmaní,” Liahona, Sānuali 2023.
ʻOku Talitali Lelei Kimoutolu ki he Makasini ko ʻEní
Ko e Maama ʻo Māmaní
Fakaikiikí naʻe toʻo mei he Tokanga Taha ki he Fiefiá , tā ʻe Michael T. Malm
ʻI heʻetau fononga ʻi he moʻui fakamatelié ni, ʻoku tau aʻusia ai ha ngaahi ʻahiʻahi, kau ai e ngaahi tūkunga faingataʻa ʻo e fāmilí. ʻE lava ke fakatupu ʻe he ngaahi faingataʻa ko ʻení ke tau ongoʻi liʻekina, hohaʻa, pe loto-mafasia. Kapau te tau tafoki ki he maʻuʻanga moʻoni ʻo e māmá, ʻa e Fakamoʻui ko Sīsū Kalaisí, te tau lava ʻo fakahaohao lelei ange ʻi hotau ngaahi tūkunga faingataʻá.
ʻI he makasini ko ʻení, ʻoku fakamatalaʻi ʻe Palesiteni M. Lāsolo Pālati ʻa e ngaahi founga te tau lava ai ʻo ʻilo hotau halá ʻi he ngaahi palopalemá. ʻOkú ne pehē, “ʻOku toʻo ʻe he maama [ʻa Kalaisí]… ʻa e ngaahi ʻata ʻo e māmaní mei hotau lotolotongá mo hotau ʻatamaí” (peesi 4).
ʻI heʻeku hoko ko ha tokotaha faifaleʻi kimuʻa ʻo e nofo-malí mo e fāmilí, naʻá ku ngāue mo ha ngaahi fāmili tokolahi ne nau fehangahangai mo ha ngaahi faingataʻa lahi. Naʻe maʻu ʻe he ngaahi fāmili naʻa nau tuku ha taimi ʻi he ʻaho takitaha ke fakaʻatā ʻa Kalaisi ki heʻenau moʻuí, ʻa e takaua ʻo ʻEne māmá mo e ʻofá ʻi heʻenau fehangahangai mo honau ngaahi faingataʻaʻiá. ʻOku ou vahevahe ha niʻihi ʻo e ngaahi talanoa ko iá ʻi heʻeku fakamatala ʻi he peesi 8.
ʻOku ou houngaʻia ʻi he faingamālie toputapu ne u maʻu, ʻi heʻeku ngāué, ke mamata ki he kau ʻa e ngaahi fāmilí mo e fakafoʻituituí mo e Fakamoʻuí ʻi he hala ke hoko ai ko ha kakai ʻo Saioné (vakai, Mōsese 7:18). Naʻá ku fakatokangaʻi ha kiʻi konga ʻo hēvani ʻi he taimi kotoa pē ne u mamata ai ki he toʻukupu ʻo e ʻEikí ʻi ha moʻui ʻa ha taha.
Fakafetaʻi,
Christy Monson