“ʻOku Fakahaaʻi Fēfē Nai ʻe he Papitaisó ʻa e Talangofuá?,” Liahona, Sānuali 2023.
Haʻu ʻo, Muimui ʻIate Au
ʻOku Fakahaaʻi Fēfē Nai ʻe he Papitaisó ʻa e Talangofuá?
Naʻe folofola hotau Fakamoʻuí ko e sīpinga haohaoa ʻo e talangofua ki he Tamai Hēvaní, ʻo pehē, “ʻOku ʻikai te u fai ki hoku loto ʻoʻokú, ka ko e finangalo ʻo e Tamai naʻá ne fekau aú” (Sione 5:30).
Naʻe papitaiso ʻa e Fakamoʻuí ke fakahaaʻi ʻEne talangofua kakato ki he Tamai Hēvaní. Ko e meʻa tatau pē, ko e taimi ʻoku tau fakahaaʻi ai ʻetau talangofuá ʻaki ʻetau papitaisó, ʻoku tau fai ai ha fuakava mo e ʻOtuá ke hoko ko e kau ākonga faivelenga mo talangofua ʻa Sīsū Kalaisí. (Vakai, 2 Nīfai 31:5–13.)
ʻOku maʻu ha fakatātā ʻe taha ʻo e talangofua ʻa e Fakamoʻuí ʻi he fakamatala ki Hono papitaisó:
“Pea toki haʻu ʻa Sīsū mei Kāleli ki Soatani kia Sione, ke papitaiso ʻiate ia.
“Ka naʻe taʻofi ia ʻe Sione ʻo [ne] pehē, ʻoku ngali mo au ke u papitaiso ʻiate koe, pea ʻokú ke haʻu kiate au?
“Pea lea ʻa Sīsū kiate ia, ʻo pehē ange, Tuku ke fai ʻeni, he ʻoku taau mo kitautolu ke fai ki he māʻoniʻoni kotoa pē” (Mātiu 3:13–15).
Ko Hono Papitaiso ʻe Sione ʻa Sīsuú, tā fakatātā ʻa Harry Anderson