សម្បថ និងសេចក្ដីសញ្ញានៃបព្វជិតភាព
សម្បថ គឺជាការស្បថបញ្ជាក់ថា ពិត ហើយស្មោះត្រង់ចំពោះសេចក្ដីសន្យាទាំងឡាយរបស់មនុស្សម្នាក់។ សេចក្ដីសញ្ញា គឺជាសេចក្ដីសន្យាមួយដ៏ម៉ឺងម៉ាត់រវាងបក្សពីរក្រុម។ បព្វជិតភាពអើរ៉ុន ត្រូវបានទទួលដោយសេចក្ដីសញ្ញាប៉ុណ្ណោះ។ អ្នកកាន់បព្វជិតភាពម៉ិលគីស្សាដែកទទួលបព្វជិតភាពបានដោយសម្បថសម្ងាត់ ព្រមទាំងដោយសេចក្ដីសញ្ញា។ កាលណាពួកអ្នកកាន់បព្វជិតភាពមានចិត្តស្មោះត្រង់ ហើយតម្កើងការងារបម្រើរបស់គេ ដូចដែលព្រះទ្រង់បង្គាប់ នោះទ្រង់ប្រទានពរដល់ពួកគេ។ អស់អ្នកណាដែលមានចិត្តស្មោះត្រង់ដរាបដល់ចុងបំផុត ហើយធ្វើនូវគ្រប់ការណ៍ទាំងអស់ដែលទ្រង់ឲ្យគេធ្វើ នោះនឹងបានទទួលនូវគ្រប់ទាំងអ្វីៗដែលព្រះវរបិតា ទ្រង់មាន (គ. និង ស. ៨៤:៣៣–៣៩)។