ប្រែរូប, ការប្រែរូប
ជាលក្ខណៈនៃជនទាំងឡាយណា ដែលបានប្រែប្រួលរាងកាយ និងសភាពមួយរយៈ — គឺថា បានលើកឡើងទៅឯស្ថានភាពខាងវិញ្ញាណដែលខ្ពស់ជាង — ដើម្បីឲ្យពួកគេអាចទ្រាំទ្រវត្តមាន និងសិរីល្អនៃពួកពលសួគ៌ាទាំងឡាយបាន។
ការប្រែរូបនៃព្រះគ្រីស្ទ
ពេត្រុស យ៉ាកុប និងយ៉ូហានបានឃើញព្រះអម្ចាស់ទទួលភាពរុងរឿង ហើយប្រែរូបនៅចំពោះពួកគេ។ ព្រះអង្គសង្គ្រោះបានសន្យាពីមុនថា ពេត្រុសនឹងបានទទួលកូនសោទាំងឡាយនៃនគរស្ថានសួគ៌ (ម៉ាថាយ ១៦:១៣–១៩; ១៧:១–៩; ម៉ាកុស ៩:២–១០; លូកា ៩:២៨–៣៦; ២ ពេត្រុស ១:១៦–១៨)។ នៅព្រឹត្តិការដ៏សំខាន់នេះ ព្រះអង្គសង្គ្រោះ ម៉ូសេ និងអេលីយ៉ា បានប្រគល់កូនសោទាំងឡាយនៃបព្វជិតភាព ដែលបានសន្យាទុកឲ្យទៅពេត្រុស យ៉ាកុប និងយ៉ូហាន។ ដោយសារកូនសោទាំងឡាយនៃបព្វជិតភាពនេះ ពួកសាវកបានអំណាច ដើម្បីបន្តកិច្ចការនៃនគរ បន្ទាប់ពីព្រះយេស៊ូវទ្រង់យាងឡើងទៅលើ។
យ៉ូសែប ស៊្មីធបានបង្រៀនថា នៅលើភ្នំនៃការប្រែរូប ពេត្រុស យ៉ាកុប និងយ៉ូហាន ក៏បានប្រែរូបដែរ។ ពួកគេបានឃើញការនិមិត្តមួយអំពីផែនដី ដែលនឹងមានរូបរាងដ៏ប្រកបដោយភាពដ៏រុងរឿងនៅអនាគតកាល (គ. និង ស. ៦៣:២០–២១)។ ពួកគេបានឃើញលោក ម៉ូសេ និងលោកអេលីយ៉ា ជាពួកអ្នកដែលបានប្រែរូប ហើយបានឮសំឡេងនៃព្រះវរបិតា។ ព្រះវរបិតាមានព្រះបន្ទូលថា « នេះជាកូនស្ងួនភ្ងាអញ ជាទីពេញចិត្តអញណាស់ ចូរស្ដាប់តាមចុះ » (ម៉ាថាយ ១៧:៥)។