Komaron̄ Aiintok Israel!
Ilukkun jeļā kom̧ jodikdik kom̧ maron̄ kōm̧m̧ane men in kōnke kōn juon men kōn won kwe im kajoor eo ilo kom̧.
Ekepaak jilu iiō em̧ootļo̧k, Būreejtōn Russell M. Nelson kar karwainene aolep jodikdik ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata “n̄an koba ilo jarin tariņae eo an jodikdik ro an Irooj n̄an jipan̄ aiintok Israel” ilo jait ko ruo. Ekar ba, “Aiintok in ej men eo eļap an aorōk ej waļo̧k ilo laļ in rainin”1 Ilukkun jeļā kom̧ jodikdik emaron̄ kōm̧m̧ane men in—im lukkun em̧m̧an nej ami kōm̧m̧āne—kōnke (1) juon men kōn won kwe im (2) juon kajoor ilo kom̧.
En̄oul-juon iiō emootļo̧k, en̄jake eo an ruo mijenede jān Kabun̄ in ad kar tōl n̄an juon em̧ ilo New Jersey, ilo United State. Ilo iien eo, ekabwilōn̄lōn̄n̄, mama im baba im aolep ajri ro 10 rekar peptaij. Ilo naan ko an rikanaan eo, rekar “kōtļo̧k bwe Anij en anjo̧”2 ilo mour ko aer. Ij aikuj in ba “mour ko am.” Kar n̄ā kein kajilu. Kar 17 aō iiō ke ikar kalet n̄an kōm̧m̧ane juon kallim̧ur indeeo n̄an ļoore Jisōs Kraist. Bōtaab kōjeļā ke ta eo juon ikar kāālete? Iban kar jerbale juon mijenede. Ekar kanooj in ļap. Im menin kar jab maron̄ kōtmene jān n̄a, ejimwe ke? Ikar juon membōr in Kabun̄ in elukkuun kāāl. Ejjeļo̧k kar aō jāān. Ijello̧kin, men̄e ej kab mōj aō kadiwōjļo̧k jān juon high school epen tata ilo turin West Philadelphia im kar jelm̧ae iapan̄ ko rekaam̧jak, ikar leln̄o̧n̄ in em̧m̧akūt jān m̧weo ium̧win ruo iiō ko.
M̧ool In Won Kwe
Ak ij kab tōn kar ekkatak bwe n̄a im aolep armej kar mour ippān Jemedwōj Ilan̄ āinwōt ļaddik im leddik in jetōb ro nejin Jemedwōj Ilan̄ m̧okta jān ad ļotak. Ro jet rej aikuj kar jeļā, āinwōt aō kar jeļā, bwe E to an kōttar bwe aolep ajri ro Nejin ren lem̧ōņōņō kōn mour indeeo Ippān. Kōn menin, m̧okta jān an kar jabdewōt pād ioon laļ in, Ekar kwaļo̧k ippān aolep karōk in lo̧mo̧o̧r im m̧ōņōņō eo An eweppān, ippān Jisōs Kraist āinwōt ad Rilo̧mo̧o̧r. Ekabūrom̧ōjm̧ōj, Setan ekar jum̧ae karōk eo an Anij.3 Ekkar n̄an bok in Revelesōn, “Raar tariṇae ilo lan̄”!4 Setan ekar kapo juon m̧ōttan jilu in ajri in jetōb ro nejin Jemedwōj Ilan̄ bwe en e eo ej anjo̧ ijeļo̧kin Anij.5 Bōtab ejjab kwe! Rijilōk Jon ekar loe bwe kwar anjo̧ ioon Setan “kōn naan in [ami] kam̧ool.”6
Jeļā kōn m̧ool in won kwe, kar jipan̄ kōn kōjeraam̧m̧an in petraik eo aō, kar letok n̄an eō peran im tōmak n̄an bōk kūr eo an Būreejtōn Spencer W. Kimball n̄an aintok Israel.7 Enaaj ejja āinwōt n̄an kom̧, ro m̧ōtta jitōnbōro. Ilo ami jeļā kom̧ naaj anjo̧ ioon Setan kōn naan in kam̧ool eo ami m̧okta jān naaj jipan̄ kom̧ iakwe, kwaļo̧k, im karwainene8 kiiō im iien otemjej—n̄an kūr ro jet n̄an itok im loe, itok im jipan̄, im itok im uwaan, ejja āinwōt tariņae eo n̄an jetōb ko an ajri ro nejin Anij ej wōnm̧aanļo̧k wōt.
Tōmak eo Ekajoor ilo Kom̧
Ak kōn kajoor eo eļap ilo kom̧? Ļōmņak kōn menin: kom̧ kar lam̧ōj kōn lan̄lōn̄9 n̄an itok n̄an laļ in eo enana ijo aolep renaaj kar jelm̧ae mej ilo kanniōk im jetōb. Jeban kar n̄an jidik maron̄ anjo̧ kōn kōj make. Jemaron̄ kar jab en̄taan wōt jān jeraiwiw ko ad make ak barāinwōt jerawiwi ko an ro jet. Armej renaaj kar en̄jake aolep kain jekjek in būrom̧ōj im inepata ko10—aolep kōn juon rōn̄ōl in meļokļo̧k eo ilo ļōmņak ko ad im rikōjdāt eo eņana tata an laļ in ej wōmņaanļo̧k wōt n̄an kōpooj kōj im kapok kōj. Aolep kōjatdikdik n̄an ro̧o̧l kōn jerkakpeje eo im erreo n̄an im̧aan mejān Anij kwojarjar ej pedped ioon wōt juon Armej ilo an kōjparok kallim̧ur eo An.11
Ta eo ekar kōkajoor kom̧ n̄an bun̄ m̧aanļo̧k? Būreejtōn Henry B. Eyring ekar katakin, “Ekar bōk tōmak ilo Jisōs Kraist n̄an rie karōk in m̧ōņōņō eo im eddo eo an Jisōs Kraist ilo karōk eo ke ekar jidik wōt am̧ jeļā kōn nej apan̄ ko kwonaaj jelm̧ai ilo mour in.”12 Ke Jisōs Kraist ekar kallim̧ur Enaaj itok n̄an m̧our in im letok m̧our eo An n̄an kakobaik13 im lo̧mo̧o̧ren kōj, kwar jab lukkuun tōmak E. Kom̧ij “jetōb ko reuteij”14 ewōr “tōmak eļap” bwe kom̧ kar lo kallim̧ur eo An āinwōt an alikkar.15 Ejjab maron̄ riab, kōn menin kwar lo E āinwōt eļan̄n̄e Ekar kadede kōto̧o̧rļo̧k Bōtōktōk in kōn kwe, m̧otakļo̧k jān An kar ļotak.16
Ilo naan in kakōllā ko an Jon, kom̧ kar “bōk anjọ ioon [Setan] kōn bōtōktōkin Lamb.”17 Būreejtōn Dallin H. Oaks ekar katakin bwe ilo laļ jab eo “[kom̧] kar loe jem̧ļo̧kin in jinoin.”18
Baj ļōmņak bwe juon raan m̧okta jān am̧ ilo̧k n̄an jikuuļ, juon iaan ro jinōm̧ im jemam̧ ej kōm̧m̧ane juon kallim̧ur em̧ool bwe kwomaron̄ bōk m̧ōn̄ā eo enno tata ippam̧ n̄e kwoj ro̧o̧l n̄an m̧weo! Kolukkun em̧ōņōņō! Tōre eo ke kwoj pād ilo jikuuļ kwoj pijaikļo̧k am̧ kan̄ m̧ōn̄ā eo, im emaron̄ m̧ōj am̧ kadede nemake. Āinwōt kōtmene, kwoj kwaļo̧k ennaan eo em̧m̧an am̧ ippān ro jet. Ilo am ereimaanļo̧k n̄an rool n̄ān m̧weo ekōm̧m̧an bwe kwon m̧ōņōņō jon̄an teej ko im apan̄ ko ilo jikuul āinwōt remera. Ejjeļo̧k emaron̄ bōkļo̧k lan̄lōn̄ eo am̧ ak kōm̧man bwe kwon pere kōnke kōn jon̄an jeļā eo am̧ kōn kallim̧ur eo! Ejjeļo̧k oktak, m̧okta jān an jetōb euteij eo am kar lōtak, kwar katak n̄an loe kalim̧uur ko an Kraist ilo wāween eo em̧ool, im emōj am edjone kōn lo̧moor eo An.19 Tōmak eo am ej āinwōt majel ko ad rej kajoorļo̧k im kilepļo̧k ne eļap am exercise i, ak emōj aer ped lowaam kadede.
Ekōjkan am̧ karuj tōmak eo am̧ ekilep ilo Kraist im kōjerbale n̄an aintok Israel kiiō im anjo̧ ioon Setan bar juon alen? Jān bar ekkatak n̄an reim̧aanļo̧k im loe kōn ejja kam̧ool in wōt bwe kallim̧ur eo an Irooj n̄an aintok im lo̧mo̧o̧ren rainin. Eļap wōt an kōjerbal Bok in Mormon im rikanaan ro An n̄an katakin kōj kōn ekōjkan. Mokta jān Kraist, Rinipai “rikanaan ro, im … pris ro, im … rikaki ro … [kar kōketak armej ro] n̄an reim̧aanļo̧k n̄an Messaia, im tōmak ilo E n̄an itok āinwōt n̄e Eaar itok.”20 Rikanaan Abinadai ekar katakin, “Im kiiō eļan̄n̄e Kraist eaar jab itok n̄an laļ, im kōnono kōn men ko rej itok āinwōt n̄e raar moottok kadede, enaaj kar ejjeļo̧k pinmuur.”21 Āinwōt Alma, Abinadai “[ekar] reim̧aanļok kōn mejān tōmak,”22 im lo kallim̧ur eo em̧ool an Anij kōn lo̧mo̧o̧r āinwōt an kar kūrm̧ool kadede. Raar “anjo̧ ioon [Setan] jān būtōktōk in Lamb eo, im … naan in kam̧ool ko aer make” m̧oktaļo̧k jān an Kraist kar ļotak, ejja āinwōt kar kom̧. Im Irooj ekar leļo̧k n̄an er kajoor eo n̄an karuwaineneik im aintok Israel Enaaj kōm̧m̧ane ejja āinwōt n̄an kom̧ ilo ami reim̧aanļo̧k ilo tōmak, lo an Israel kar koba—ilo aolepān laļ in im ilo “doulul” eo ami make23—im karwainene aolep!
Buki mijenede ro rekar kalōk tōmak eo ilo mour eo m̧okta ekajoor ilo Kraist kōn pijaikļo̧k ro rekar ioon er ak katakin kar nuknuk ilo nuknuk in paptaij im tampeļ. Ilo kōnono kar taitōl in “Begin with the End in Mind,”24 Būreejtōn Nelson ekar kwaļo̧k waanjon̄āk ko an make kōn kōm̧m̧ane menin im kar rōjan̄ ritōļ ro an mijen n̄an katakin mijenede ro ad n̄an kōm̧m̧āne ejja men in Ilo jeļā bwe raar kōjerbal tōmak in eļap ilo Jisōs Kraist ilo mour eo m̧okta ekanooj in ļap an kar jipan̄ mijenede ro ad rejitōnbōro “ron̄jake E”25 im lujur tōmak eo aer ekanooj in ļap n̄an anitok Israel āinwōt an Irooj kar kallim̧ur.
Aaet, ļōmņak kōn an riab kakkure tōmak.26 Ro m̧ōtta, kar lōm̧ņak wōt in loe ļo̧k ak alooje men kein me rejjab jetjet ippān wōn lukkuun kom̧, eļap tata pija nana ko, enaaj kōm̧ōjņo̧ikļo̧k tōmak eo ami ilo Kraist im, ilo ejjeļo̧k ukweļo̧k, maron̄ kakkure. Jouj im kōjerbale kōļmenļo̧kjen ko ami n̄an kōļapļo̧k tōmak ilo Kriast, ejjab kakure.
Būrookraam̧ eo an Ajri ro im Jodikdik ro
Būrookraam̧ eo an Ajri im Jodikdik ro ej juon tuul in kanaan n̄an jipan̄ jodikdik kakōjoorļo̧k tōmak eo eļāp. Būreejtōn Oaks ekar katakin, “Būrookram in ej kōm̧m̧an n̄ān jipan̄ kwe erōm eļapļo̧k āinwōt Rilo̧moor ilo ilo 4 jikin ko: jetōb, ippen doon, anbwinin, im jelāļo̧kjen.”27 Ilo ami jodikdik ro tol—tol—ilo mour kōn gospel eo, kea kōn ro jet, karuwaineneik aolep n̄an bōk gospel eo, kobaik baam̧le ko n̄an indeeo, im karōk m̧akūtkūt ko rekalimomo,28 tōmak eo eļap ilo Kraist kōm kar bōke ilo mour eo m̧okta naaj bar waļo̧k im kōkajoor kom̧ n̄an kōm̧m̧ane jerbal eo An ilo mour in!
Barāinwōt, kōttōpar ko ami make, “eļaptata kōttōpar ko ekadu kitier,”29 rejipan̄ kom̧ bar jino tōmak eo ekajoor ami. Eļan̄n̄e kom̧ij kōm̧m̧ane juon kōttōpar em̧m̧an, kom̧ij reim̧aanļo̧k, ilo ami kar kōm̧m̧ane m̧okta, im lo ta eo Jememi Ilan̄ ekōņaan bwe kwe ak ro jet ren erom.30 Innem̧ koj karōk im lukkun jerbal n̄an kōttōpare. Elder Quentin L. Cook ekar katakin, “jab pere aorōk in pepe, karōk kōttōpar ko … , im [karwainene ro jet]—aolep kōn mejān tōmak.”31
Kāālet eo ej ami! Irooj ekar ba, “Kajoor eo [n̄an kālet] epād ilo er.”32 Elder Neil L. Andersen ekar kōm̧eļeļik, “Tōmak enaaj eddōk ļo̧k ejjab jān jide, ak jān kāālet.”33 Ekar kakobaba, “[Jabdewōt] kajjitōk ko aer rem̧ool [emaron̄ lon̄ ami] … renaaj waļo̧k kōn kijenmej im juon mejān tōmak.”34
Ij kam̧ool bwe (1) lukkun moolin kadkadūm̧ im (2) kajoor eo eļap ilo tōmak ilo Kraist ilo kom̧ enaaj kōtlo̧k bwe kom̧in “jipan̄ kōpooj laļ n̄an rooltok eo an Rilo̧mo̧o̧r ilo aer karwainene aolep n̄ān itok n̄an Kraist im boke kōjeraam̧m̧an in Pinmuur eo An.”35 Kōm̧m̧an bwe jen aolep kwaļo̧k lan̄lōn̄ eo kōn kallim̧ur eo an Bok in Mormon:
“Ro rejim̧we raar eo̧ron̄ … rikanaan ro, im … reim̧aanļo̧k n̄an Kraist ilo dim … mekarta matōrtōr otemjej … rej jamin jako.
“Ak [Kraist] … enaaj kōmour er, im renaaj wōr aer aenōm̧m̧an ilo E.”36
Ilo etan Jisōs Kraist, amen.