“Бошиглогч Елиша,” Хуучин Гэрээний түүхүүд (2022)
“Бошиглогч Елиша,” Хуучин Гэрээний түүхүүд
2 Хаад 2; 4
Бошиглогч Елиша
Их Эзэний гайхамшгууд
Их Эзэн бошиглогч Елиагаар дамжуулан Елишаг дараагийн бошиглогч болоход бэлтгэсэн. Дараа нь Их Эзэн Елиаг тэнгэр өөд авав.
Бурхан Елишад олон гайхамшгийг үйлдэхэд тусалсан. Елиша нэгэн удаа ядуу эмэгтэйн тосоор олон савыг дүүргэн адисалсан. Тэгээд тэр эмэгтэй тосоо зарж, өрөө төлөв.
Өөр нэгэн удаа, итгэлтэй эмэгтэй Елишад үйлчилж, түүнд маш сайхан сэтгэлээр ханджээ. Елиша түүнд үйлчилж болохын тулд юу хийж чадахаа асуув. Тэр хүүхэдтэй болохоор хүсэн хүлээж байлаа. Елиша эмэгтэйг болон түүний нөхрийг хүүтэй болохоор адислав.
Гэвч хэдхэн жилийн дараа хүү нь өвчин тусаж, нас барав. Эмэгтэй Елиша хүүг нь аварч чадна гэдэгт итгэж байсан учраас түүнийг хайхаар явав. Елиша ирж, хүүг адислан, хүү дахин амьдрав. Бурхан Елишад олон гайхамшгийг үйлдэхэд тусалжээ. Тэрээр Их Эзэний агуу бошиглогч байлаа.