Dokai Koya

Kemuni na taciqu kei na ganequ, au doka vakalevu na noqu mai tiko kemuni ena mataka nikua. Au masulaka mena vakalougatataki au tiko na Turaga.

Na mataqu sa sega ni vaka e liu. Au lairaica na vuniwai ni mata, au tukuna, “niu sa sega ni raica rawa na teleprompter.”

A tukuna mai, “Io, sa qase na matamu. Ena sega ni rawa ni veisau.

Au cakava na noqu vinaka taucoko.

Au vinakata meu wasea vei kemuni eso na ka au vakasamataka tiko. Vica na vula sa oti au vakananuma tiko na Parofita Josefa. Au dabe ka vakasamataka tiko na lagilagi ni nona itavi me mai parofita, ena ivakataotioti ni taucoko ni gauna.

Au vakasamataka na vinaka nida sa mai lewe ni Lotu i JIsu Karisito ni Yalo Dodonu Edaidai nio Josefa Simici, na cauravou ka gadreva me kila na cava me cakava me vosoti kina na nona ivalavala ca, ka nuidei me lako ena vei vunikau volekta na nona vale i Palmyram New York, ka tekiduru ena masu ka—ena veika e tukuna—e masucake ena imatai ni gauna (raica Josefa Simici—Ai Tukutuku 1:14).

Ena gauna oya, ni tekiduru o Josefa ena vanua e vakatokai me Veikau Tabu, e tadola o lomalagi. Rua na tamata, na kedrau serau e uasivita na rarama ni matanisiga, e rau rairai vei koya. E dua vei rau e vosa vei koyatukuna, “[Joseva,] oqo na Noqu Gone ni Toko. Mo Rogoci Koya!” (Josefa Simici—Ai Tukutuku 1:17). Na gauna oya sa tekivu kina na Vakalesuimai ni Taucoko ni Kosipeli i Jisu Karisito.

Baleti Jisu, na noda iVakabula kei na noda Dauveivueti e vosa vua na cauravou o Joseva ka tadolava na ivakataotioti ni gana eda bula kina nikua, eda lagata, “Dokai koya ka kilai Jiova!” (“Dokai Koya,” iVolanisere, no. 15). Vinaka Turaga baleti Josefga Simici kei na nona nuidei me lako ena vei vunikau ena 1820, volekata nona vale i Palmyra, New York.

Au vakasamataka tiko na veika vinaka eda kila kei na veika kece eda rawata. Kemuni na taciqu kei na ganequ, na noquivakadinadina veikemuni ena mataka nikua nida sa kalougata nida mai kila kece nida kila baleti Josefa Simici, na parofita ena vakataiotioti ni gauna qo.

E da kila ni tiko na inaki ni noda bula, se ocei o keda.

Eda kila ocei na Kalou, eda kila ocei na iVakabula, baleti Josefa, e gole ena vei vukunikau ni se cauravou, ni vakasaqara me vosoti ni nona ivalavala ca.

Au nanuma ni oya edua na gauna lagilagi ka talei ni dua ga ena vuravura qo erawa ni kila—ni Tamada Vakalomalagi kei na Turaga Jisu Karisito e vakatakilai Rau ena vakataotioti ni gauna nio Josefa e susugi cake me vakalesui mai vua na taucoko ni vakataotioti ni Kosipeli ni Turaga.

Sa Tu vei Keda na iVola i Momani. Sa ka talei ni tiko kei keda na iVola i Momani vei keda na lewe ni Lotu. E dua tale na ivakadinadina, dua tale na ivakadinadina i JIsu Karisito. E tiko vei keda baleta nio Josefa e bula kilikili me lako ka lai kauta mai na peteti, e vakuqeti mai lomalagi me vakadewataka ena isolisoli kei na kaukauwa ni Kalou ka solia na ivola ivuravura.

Ia na noqu vosa ena mataka nikua e matata, e titobu, ka sinai ena loloma vua na Parofita Josea SImici kei vei ira kece, kemuni na taciqu kei na ganequ, ka tokoni koya ka rawa ni tokoni koya ni se tabagone.

Ena mataka nikua au via vakavinavinakataki tinana. Au dau vakasamataka tiko na totoka ni gauna e lko yani kina ivale o Joseva ni oti mai na veika e sotava ena Veikau Tabu ka tukuna na eika e yaco veika e yaco, e vakabauti koya o Lucy Mack Smith.

Au vakavinavinakataki nona ta kei na tukana kei na ganena kei nona matavuvale, era tokoni koya ena itavi bibi e vakacolata vu ana Turaga me mai parofita ka vakalesui mai na taucoko ni vakatakotioti ni kosipeli i Jisu Karisito vakaduatale ivvuravura.

Na noqu ivakadinadina ena mataka oqo niu kila ni Jisu Karisito na iVakabula ka Dauveivueti ni vuravura. Au kila tale ga ni Tamada Vakalomalagi kei na Turaga Jisu Karisito e rairai ka vosa vei Joseva ka vakarautaki koya me parofita.

Au qoroya, au vakadeitaka ni vaka kina vei kemuni, ni kalougata nida mai kila na inaki ni noda bula, na cava eda tiko kina eke, na cava meda cakava ka rawata ena veisiga ni noda bula. E lakova ka tovolea tiko meda vakavakarautaki keda, ena veisiga, meda vinaka cake, meda dau loloma, me vakavakarau kina siga oya, ena lako dina mai, nida na lesu tale ena matana na Tamada Vakalomalagi kei na Turaga Jisu Karisito.

Sa voleka sara tiko vei au. Voleka meu 95. Ratou tukuna na luvequ ni ratou nanuma niu sa qase, ia e VINAKA. Au tovolea tiko ga na noqu igu taucoko,

Ia voleka ni 50 na yabaki, taciqu kei na ganequ, e noqu na madigi meu wavokiti vuravura ena noqu lesilesi vaka Vakaitutu Raraba ni Lotu. Sa dua na veivakalougatataki totoka. Au kila niu sa voleka meu lako wavoliti vuravura. Au sotavi ira na lewe ni Lotu e veiyasai vuravura.

Isa, noqu lomani kemuni. Sa dua na ka na kena lagilagi—meu raica na matamuni, tiko maliwai kemuni, ka vakila na nomuni lomana na Turaga ka vaka kina na Vakalesui mai ni kosipeli i Jisu Karisio.

Me maroroi keda na Tamada Vakalomalagi ka vakalougatataka na vei soqoni kece ni koniferedi oqo. Ka me tiko kei keda na Yalo Tabu ni Turaga ena yaloda, kei na noda taleitaka na kosipeli i Jisu Karisito—na noda iVakabula, Jisu Karisitio—me tubu ena noda sasaga meda qaravi Koya me tiki i noda mai soqoni ena koniferedi raraba. Na vanua cava ga o tu kina ena vuravura qo, me vakalougatataki kemuni na Kalou. Me tiko vata kei kemuni na Yalo ni Turaga. Meda vakila na kaukau mai lagi ena oda veiqaravi vata ena soqoni ni koniferedi qo.

Au ssolia na noqu ivakadinadina ka vakadinadinataka niu kila nio Jisu na Karisito. Sai Koya na noda iVakabula, na noda Dauveivueti. E noda itokani taleitaki o koya. Ena yaca tabu i Jisu Karisito, emeni.