Faamatalaga

E ese le alofa o lo tatou Tama i le Lagi i le saunia mo i tatou o mea uma tatou te manaomia e toe foi atu ai i Lona afioaga. Ua saunia e Ia mo i tatou le Liahona, o se mekasini matua matagofie, tutasi i lona ituaiga. O i latou uma taitoatasi o e faamaoni ma lotomaualalo i le sailia o le upumoni o le a ootia i le agaga e aumaia ai.

O taimi uma lava ou te faitau ai i le Liahona, ou te lagona o lea lava matou te miomio ma o’u uso ma tuafafine i le lalolagi atoa. O se faamanuiaga maoae.

Victorino F. Dela Cruz Jr., Filipaina

Matou te faafetai mo le lomiga matagofie o le Liahona, lea e naunau le matou aiga e maua ma faaaoga i lona atoatoa i masina taitasi. Mo se faataitaiga, i le lomiga o Iulai 2006, na matou fiafia i tala matagofie na fesoasoani ia i matou e saunia le ma tama tama mo le papatisoga ma le faamauga. O ata pue maoae le lelei e fiafia tele i ai le ma tama teine laitiiti, o le e lei iloa faitautusi ae ua mafai ona malamalama i savali o ata. I le aoauli o le Aso Sa na matou taaalo ai i le taaloga “Atigipusa o le Aso Sa: Faataavili le Penitala” ma fiafia tele ai. Na faamalolosia ai fesootaiga faaleaiga.

Aiga o Cazorla, Sepania

Ua ou faitauina pea lava pea le Liahona mo le tele o tausaga. Ou te faitauina ma le migao ma le fiafia tele, ma e faagaeetia ai a’u. Na ou lagonaina lava le faapitoa o le musuia ma le fesoasoani o le tala a Elder Dieter F. Uchtdorf ia Iulai 2006, “I Apaau o Aeto.”

Gernot Lahr, Siamani

Na ou faafetaia le tala na saunia e Peresitene Thomas S. Monson ua taua “O Le Fuafuaga a le Matai,” i le lomiga o Ianuari 2006. Na matua faagaeetia ai lo’u aiga, ma fesoasoani ia te a’u i a’u asiasiga o faiaoga o aiga.

Jaime Cruz, Nicaragua

Ua matua faamanuiaina i tatou aua ua i ai so tatou taiala ma se meafaigaluega—o le Liahona—e fesoasoani e faasaoina i tatou i lenei olaga faigata, lea o loo i ai le tele o lu’i ma faaosoosoga. O loo fesoasoani le Liahona ia i tatou e faateleina ma faamalosia lo tatou faatuatua.

O loo ou aoga nei i se aoga e na o a’u lava le tagata o le Ekalesia. O loo i ai tala i le Liahona e talafeagai ma lu’i o feagai ma a’u.

Mark Anthony Punongbayan, Filipaina

Na ou lafoina se kopi o le Liahona o Tesema 2006 i se uo, ma ina ua maea ona faitauina, na matua lelei ona lagona. Na faapea mai o ia, “Faafetai mo le aumaia o lenei meaalofa maoae. Ua suia lo’u olaga, ma ua ou sauni ou te auai i lenei Ekalesia matagofie.” Ma na ou fiafia e fesoasoani e aumaia se agaga ia Keriso.

Kwame Asante, Ghana

Ua sili atu ona fiafia lo’u olaga i le avea o se tagata o le Ekalesia ona ua avea le Liahona ma taiala i o tatou aso. O a’u o le faiaoga o le Aoga Sa mo le autalavou i la’u paranesi, ma ou te faaaogaina le Liahona, faatasi ma tusitusiga paia, i a’u lesona. Ua tele mea ua matou aoaoina ma la’u vasega. Faamalo atu i la outou galuega sili ona maoae.

Adeilson de Souza Nascimento, Pasila

I-meli mai lau faamatalaga i le liahona@ ldschurch.org. Po o le auina mai i le:

Liahona, Comment

50 E. North Temple St., Rm. 2420

Salt Lake City, UT 84150-3220, USA

E ono faapupuuina tusi mo le uumi ma le manino.