Ang Templo—Moadto Unya Ko Didto

Usa ka Dominggo sa miting sa pagpamatuod, ang nuebe anyos nga si Angie misulti sa kongregasyon nga ang iyang paborito nga kanta mao ang “Mga Pamilya Mahimong Manag-uban sa Hangtud.” Miingon si Angie nga pagkaanindot nga ang Langitnong Amahan adunay talagsaong plano alang kanato aron kita magkahiusa.

Ang mga ginikanan ni Angie wala pa mabugkos didto sa templo. Wala madugay human nianang adlawa, ang igsoong babaye ni Angie nga si Katie mibilin og sulat sa unlan sa ilang mga ginikanan, nag-awhag kanila nga moadto sa templo.

Si Angie ug si Katie gusto kaayo nga ang ilang pamilya mabugkos. Ang ilang mga ginikanan nag-ampo mahitungod sa pag-adto sa templo. Ang ilang pamilya naningkamot gayud sa pagpangandam. Sa dihang sakto na ang panahon, ang ilang pamilya nakahimo sa pag-adto ngadto sa templo ug nabugkos sa kahangturan.

Bisan og ang inyong pamilya wala pa mabugkos, sa umaabut kamo makaadto ra sa templo. Inig abut ninyo og 12, makahimo na kamo sa pagpahigayon og mga bunyag alang sa mga patay didto sa templo. Makasugod kamo sa pagpangandam karon pinaagi sa pagsunod sa mga sugo ug sa pagsunod sa Akong mga Sumbanan sa Ebanghelyo.

Guntinga ang mga pulong nga guntingunon sa pahina H8, ug ibutang kini sa panaksan, bag, o banga. Paggamit og gagmay nga mga bato o mga butones alang sa mga pisa sa dula. Magpuli-puli, pagpili og mga ginunting nga pulong, ug basaha kini og kusog. Dayon ipha pila ka mga pulong ang anaa niini, ug balhina ang imong pisa sa dula sa daghang luna kon pila ka pulong ang imong nakuha. Ipadayon hangtud ang tanan nga pisa sa dula nakaabut na sa templo.

Pagpabunyag ug pagpakumpirma

Pagsimba

Pag-ambit sa sakrament

Paghinulsol

Pagsunod sa Propeta

Pagmasulundon

Pagmabination

Pagbaton og maayong hunahuna

Pagbayad og ikapulo

Pagtuon sa mga kasulatan

Pag-ampo

Pagsunod sa Pulong sa Kaalam

Pagmatinuoron

Pasayloa ang uban

Pagtahud sa inyong mga ginikanan

Pagbaton og hugot nga pagtuo kang Jesukristo

Pagpakita og gugma ngadto sa inyong pamilya

Paghigugma sa Ginoo

Pagserbisyo sa uban

Pagbalaan sa Adlaw nga Igpapahulay

1. Ang akong pamilya mahimong mag-uban sa kahangturan pinaagi sa mga ordinansa sa templo. Samtang kamo magbasa sa Doktrina ug mga Pakigsaad 138:48, ipapaminaw sa mga bata kon unsay gibuhat diha sa mga templo nga maoy makahimong posible alang sa mga pamilya nga mag-uban sa kahangturan (“pagbugkos sa mga anak ngadto sa ilang mga ginikanan”). Ipakita ang Pakete sa mga Hulagway sa Ebanghelyo 417 (Elijah Mipahiuli sa Gahum sa Pagbugkos sa mga Pamilya alang sa Kahangturan). Itudlo ang mahitungod sa pagpakita ni Propeta Elijah didto sa Templo sa Kirtland aron ipahiuli ang gahum sa pagbugkos (tan-awa sa D&P 110:13–15). Aron sa pagtabang sa mga bata nga makasabut sa “gahum sa pagbugkos,” ipakita ang litrato sa templo sa inyong dapit ug ipasabut nga kon ang magtiayon maminyo didto sa templo ug motuman sa mga saad nga ilang gihimo didto, magtiayon gihapon sila human sila mamatay. Isulti ang istorya sa pamilya ni Angie ug Katie nga nabugkos sa templo (sa wala). Padrowinga ang matag bata og dako nga litrato sa usa ka templo. Dayon ipabali ang ilang mga papel ug padrowinga og gamay nga litrato sa pamilya o sa ilang umaabut nga pamilya. Kon mahuman na sila, paguniti nila ang ilang mga litrato pataas ngadto sa suga aron ilang makita ang ilang mga pamilya nga naa sa templo. Ipaambit ang imong pagpamatuod nga ang ilang mga pamilya mahimong mag-uban sa kahangturan.

2. Ang family history ug buhat sa templo makapanalangin sa tanang mga henerasyon sa akong pamilya. Hangyoa ang pito ka mga bata sa pag-anha sa atubangan sa kwarto. Ipapilit ang label nga Ako diha sa bata nga anaa sa tunga. Butangi og label ang mga bata sa iyang wala og Ginikanan, Apohan, Apohan sa tuhod. Butangi og label ang mga bata sa iyang tuo og Anak, Apo, Apo sa tuhod. Ipasabut nga ang matag tawo nagrepresentar sa usa ka henerasyon sa pamilya. Sultihi ang mga bata nga sa dihang gitukod sa Langitnong Amahan ang mga pamilya, Siya nagplano nga kita magtinabangay sa usag usa aron makapuyo uban Kaniya sa kahangturan. Basaha ang Malaquias 4:6. Ipasabut nga ang pagpabalik “sa mga kasingkasing sa mga amahan ngadto sa mga anak, ug ang mga kasingkasing sa mga anak ngadto sa ilang mga amahan” nagpasabut sa pagbugkos sa tanang mga henerasyon sa atong pamilya nga mag-uban sa kahangturan pinaagi sa mga ordinansa sa templo. Kana nga bersikulo nagpasabut usab sa gugma nga atong gibati alang sa atong mga katigulangan kon kita makaila na kanila. Sa pagtugot sa bishop o presidente sa branch, dapita ang usa ka apohan nga lalaki o babaye sa usa sa mga bata nga moanha sa Primary. Sa dili pa, pagsulat og mga pangutana diha sa piraso nga papel, ug papuli-puliha ang mga bata sa pagpili ug sa pagpangutana nga tubagon sa apohan. Sugdi ang matag pangutana og “Sa dihang ikaw sama sa akong edad …” (Posible nga mga pangutana: Unsay imong paborito nga tradisyon sa pamilya? Unsay imong gikalingawan ug sa imong mga higala?) Awhaga ang mga bata sa pagpangutana sa ilang mga ginikanan ug mga apohan aron makahibalo mahitungod kanila.