Mga Ideya sa Family Home Evening

Kining mga sugyot sa pagtudlo mahimong gamiton sa klasehanan ingon man usab sa panimalay. Mahimo ninyong ipahaum kini nga mga ideya sa inyong pamilya o klase.

“Pag-abli sa mga Kalangitan,” p. 16: Human matingub ang artikulo alang sa inyong pamilya, paghimo og kalihokan nga makapalihok sa utok [brainstorm] kon unsaon sa inyong pamilya nga makahimo og sagrado nga kahimtang diha sa inyong panimalay. Kon ang mga sakop sa pamilya wala pa magbuhat, sulayi ang paghimo sa tambag nga gihatag ni Elder Yoshihiko Kikuchi. Ipakigbahin ang inyong mga kasinatian sa mosunod nga semana.

“Pagbantay batok sa mga Kakuyaw nga anaa sa Sulod,” p. 22: Hatagi ang mga sakop sa pamilya og pipila ka mga hulma nga kwadrado [block]. Samtang imong isaysay ang istorya, pahimoa sila og paril nga magrepresentar sa pagpanalipod sa pamilya. Hisguti unsay inyong mabuhat sa pagpalig-on sa espirituhanong mga paril sa inyong panimalay. Paghimo og lista sa “sekreto nga mga agianan” nga mahimong gamiton sa kaaway, ug hisguti unsaon sa pagpanalipod batok sa pagsulong. Basaha ang seksyon nga “Pagpalig-on sa Atong mga Pamilya,” ug tapusa pinaagi sa pagbasa sa kinutlo ni Elder L. Tom Perry.

“Nasobrahan ka Balaan?” p. 37: I-summarize ang artikulo, ug ipasulti sa mga sakop sa pamilya kon giunsa pag-usab ni Ian aron magpadayon nga lig-on ang iyang hugot nga pagtuo. Nagpasabut sa ikaduha ngadto sa katapusan nga paragrap, hisguti kon sa unsa nga paagi nga ang tambag ni Ian makatabang sa inyong pamilya nga “mahimong unsay gusto ni Jesus nga kita mamahimo—balaan.”

“Mga Tawo nga Angayang Sundon,” p. 38: Sugdi pinaagi sa pagpangutana sa mga sakop sa pamilya sa paglista sa ilang mga modelo sa ehemplo o sa pagdrowing og usa ka hulagway sa usa ka tawo nga ilang gidayeg. Ipakigbahin ang mga ehemplo sa mga modelo sa ehemplo gikan sa artikulo ni Elder Benson E. Misalucha, ug hisguti ang mga hiyas nga anaa sa usa ka modelo sa ehemplo. Tapusa pinaagi sa pagbasa sa katapusang tulo ka mga paragrap sa artikulo.

“Ang Pag-ikyas ni Jason,” p. H10: Paghimo og pagbansay unsay buhaton kon adunay sunog kauban sa imong pamilya, nga magpundok sa usa ka dapit sa gawas (mahimo kang mopasirbato o mobagting og bagtinganan aron sa pagpaalarma). Pagkahuman, ipangutana sa unsa nga paagi ang alarma makatabang sa inyong pamilya nga makahibalo kanus-a moikyas. Basaha ang istorya. Pangutana kon unsa nga mga matang sa makuyaw nga mga sitwasyon sa espirituhanong paagi ang mahimong masugatan sa mga sakop sa pamilya. Basaha ang kinutlo ni Presidente Henry B. Eyring, ug hisguti kon sa unsa nga paagi ang hugot nga pagtuo ug ang Espiritu Santo makatabang kanato nga makahibalo kanus-a moikyas.