Sa akong pamilya mao ang akong mama ug papa, ako, usa ka manghud nga lalaki, ug usa ka manghud nga babaye. Gimahal nako sila pag-ayo. Ang akong paborito nga butang kon ang akong papa modala namo sa kalingawan. Kada buntag ang akong papa mohimo og mga pancake alang nako dayon ihatud ko sa eskwelahan. Magtortilyas usab ko og itlog alang sa akong mama. Mapasalamaton ko nga ang akong papa mitudlo nako unsaon sa pagluto. Manghinaut ko nga ang akong pamilya magkauban sa kahangturan. Gusto kong magtuon sa mga kasulatan, mag-ampo kada adlaw, ug magsunod sa mga kasugoan aron akong makab-ot kana nga tumong.

Ako ang kinamagulangan sa upat ka mga anak. Gusto kong motabang sa akong mama sa gagmay nga mga bata, nga nag-edad og 4, 2 ug 11 ka mga bulan. Kantahan nako sila og mga kanta sa Primary. Ang usa nga ganahan kaayo nila mao ang “Ako Anak sa Dios.”

Ang akong mama miingon nga ako mao ang iyang “lifeboat.” Malipayon kaayo ko kon siya mosulti niana nako, tungod kay iyang gibuhat ang tanan alang sa akong mga igsoon ug kanako. Ang pagkahibalo nga ako makatabang mabati nako nga mas duol sa Espiritu.

Ang mga family home evening sa among balay nindot kaayo. Makatabang kini kanamo nga mobati nga duol sa Langitnong Amahan.