Ang Gahum sa Family Home Evening
Ang akong bana, si Luiz Antonio, ug ako adunay dakong pagpamatuod sa gahum sa family home evening ug sa abilidad niini sa paghimo sa among mga pamilya nga mas malig-on diha sa ebanghelyo. Dili kanunay sayon ang paghimo sa pagsulay, apan sulod sa dugay nga panahon nakahimo kini sa tanang kalainan alang kanamo ug sa among upat ka anak.
Usa sa labing espesyal nga nahitabo diha sa family home evening mao nga sa dihang ang among anak nga lalaki, si Renan, nangandam aron mabunyagan. Ang among duha ka mas magulang nga anak nga mga babaye, sila si Cynthia ug Lilian, mitanyag sa pagtudlo sa mga leksyon sa bulan sa dili pa moabut ang iyang ikawalo nga tuig sa adlaw nga natawhan. Ang akong bana ug ako nahimuot pag-ayo nga nagtan-aw kanila nga nagtudlo sa kahulugan ug katuyoan sa bunyag—sama nga mga leksyon nga among gitudlo kanila samtang sila nangandam sa ilang bunyag. Upat ka tuig ang milabay si Renan misunod sa mga ehemplo sa iyang magulang nga mga babaye ug mitudlo sa mga leksyon kabahin sa bunyag ngadto sa iyang manghud nga babaye, si Ellen.
Ang family home evening nagpadayon sa pagpanalangin kanamo ug sa among mga anak pinaagi sa mga hagit sa mga tuig sa ilang pagkabatan-on. Kini nakatabang kanila sa pagpatunhay sa ilang mga pagpamatuod ug sa pagpabiling matinud-anon diha sa ebanghelyo. Karon ang among anak nga lalaki usa na ka returned missionary, ug ang among mga anak nga babaye naminyo sa templo ug nakabaton na og ilang kaugalingong mga anak.
Ang among pagpamatuod mao nga ang family home evening mao ang usa sa labing maayo nga mga programa sa Simbahan. Kami nasayud nga ang pagsunod sa propetikanhon nga direksyon sa makanunayong paghimo og family home evening nakadala og talagsaong mga panalangin sa among kinabuhi, ug kami nasayud nga kini makadala og mga panalangin ni bisan kinsa nga andam mosunod niana nga direksyon. Kami miila nga kini nagkinahanglan og daghang pagtrabaho ug pagplano, apan alang kanamo ang mga panalangin sa kahangturan angayan lamang sa matag minuto niadtong mga paningkamot.