Unsaon Nato sa Pagbuntog ang Kamatayon?

Ang Pagkapukan ni Adan ug Eva mipasiugda sa pisikal ug espirituhanon nga kamatayon ngadto sa kalibutan (tan-awa sa 2 Nephi 9:6).

Sa pagtapos sa atong mortal nga kinabuhi, makasinati kita sa “kamatayon sa lawas,” o pagkabulag sa espiritu gikan sa lawas (tan-awa sa 2 Nephi 9:4–7, 10).

Ang sala, ang “kamatayon sa espiritu,” mopahimulag kanato gikan sa Dios (tan-awa sa 2 Nephi 9:8–10).

Ang Pag-ula ni Kristo nagbuntog sa pisikal ug espirituhanong kamatayon aron makasulod kita og balik sa presensya sa Dios (tan-awa sa 2 Nephi 9:11–12, 21–23). Human sa Pagkabanhaw, ang atong mga espiritu ug mga lawas mahiusa pag-usab. Aron mahimong takus sa kinabuhing dayon, kinahanglang magbaton kita og pagtuo sa Dios, maghinulsol sa atong mga sala, ug matinud-anong mosunod sa ebanghelyo.