Mokuyog Ko ni Jesus

1. Si Jesus nagsubay sa kamatuoran.

Mipakita Siya og gugma sa Dios ug sa tawo samtang batan-on pa.

Gusto ni Jesus nga mogiya kanako. Gipakita ni Jesus ang dalan,

Nagtawag kanako sa paglakaw uban Kaniya matag adlaw.

Samtang naglakaw ko uban ni Jesus ngadto sa akong panimalay sa ibabaw,

Mopanalangin Siya nako sa Iyang Espiritu ug mopuno nako sa Iyang gugma,

Usba ang akong kasingkasing sa hangtud ug tabangi ko nga klarong makakita.

Molakaw ko uban ni Jesus, ug molakaw Siya uban nako.

2. Makalambo ko sama ni Jesus. Maningkamot ko matag adlaw,

Mosaad nga molakaw ug magpabilin sa Iyang dalan.

Magbarug uban sa akong Manluluwas, luwas ubos sa Iyang pag-alima,

Mosunod ko matag lakang, ug mopaambit sa Iyang gugma.

3. Mosalig ko kang Jesus. Dad-on nako ang Iyang tawag.

Dili gayud Siya mobiya nako, bisan kon mapakyas ko.

Si Jesus mohatag nako og gahum, mobayaw ug mohupay kanako,

Motabang nako nga magpuyo ug molambo sa kahangturan.