Kabatan-onan
Litrato pinaagi ni Bruno Lima
Sa sinugdanan naghunahuna ko nga lisud ang seminary. Kinahanglang mobalhin ko og eskwelahan, ug ang seminary ipahigayon sayo sa buntag. Wala ko magtuo nga mahimo kini tungod kay daghan ko og homework ug uban pang mga butang nga nahitabo.
Apan sa dihang misugod ko sa pagtambong sa seminary, basta na lang nga napaigo ang akong panahon. Karon duna akoy igong panahon kanunay alang sa akong homework. Ug kanunay kong maghinam-hinam nga mobangon pagkasunod adlaw ug mobalik sa seminary. Ang akong mga higala ug ako nagsuporta sa usag usa ug daghan og nakat-unan samtang anaa mi didto.
Ang kalipay nga akong gibati sa seminary susama sa kalipay nga akong gibati kon naa ko sa templo. Sa wala pa ko mag-11, ang akong mga igsoon ug mga higala nakaadto tanan sa templo apan wala pa ko kaadto.
Sa dihang igo na ang akong pangidaron aron makasulod ug mohimo og mga bunyag, mibati ko og dakong kalinaw. Bisan tuod ang akong pamilya ug mga higala mihulagway kanako sa pagbati nga maanaa sa templo, nalipay kaayo ko nga nabati nako kana alang sa akong kaugalingon.
Sofia D., edad 14, Colombia