Oktubre 2019 nga Kinatibuk-ang Komperensya

Ang tanang numero sa pahina naggikan sa Nobyembre 2019 nga Liahona.

Palawuman Pa ang Pagtuon

Unsay Buot Ipasabut sa Pagkahimong usa ka Disipulo?

“Ang pagkadisipulo dili mahitungod sa perpektong pagbuhat sa mga butang,” miingon si Elder Dieter F. Uchtdorf, “mahitungod kini sa tinuyo nga pagbuhat sa mga butang” (“Ang Inyong Mahinungdanong Pagpanimpalad,” 87). Ang atong mga pagpili, siya ug ang ubang mga mamumulong sa kinatibuk-ang komperensya miingon, kay sa atong mga abilidad maoy magpakita kon si kinsa gayud kita.

“Kita ba tinuod nga mga sumusunod Niya nga mihatag sa tanan Niya alang kanato? … Mangamuyo ko sa tanan nga makabati ug makabasa niining mga pulong: Palihug, palihug ayaw og hunonga ang tibuok ninyong pasalig hangtud nga moabut kamo niini sa wala diha, umaabut pa nga panahon” (Elder Terence M. Vinson, “Tinuod nga mga Disipulo sa Manluluwas,” 11).
“Ang mga santos mao kadtong misulod ngadto sa pakigsaad sa ebanghelyo pinaagi sa bunyag ug naningkamot nga mosunod ni Kristo isip Iyang mga disipulo. Sa ingon, ‘ang hingpit nga kalipay sa mga santos” nagpasabut sa kalipay sa pagkahimong Kristohanon” (Elder D. Todd Christofferson, “Ang Hingpit nga Kalipay sa mga Santos,”15).
“Dapiton ko kamo sa pagpasalig og usa ka tibuok kinabuhi nga proseso sa pagkadisipulo. Himoa ug tumana ang mga pakigsaad. Ilabay ang karaan ninyong mga gawi ngadto sa lawom, nagbul-og nga mga busay. Ilubong sa hingpit ang mga hinagiban sa rebelyon nga dili na magsiwil ang mga pul-an” (Elder Dale G. Renlund, “Walay Pagkapaling nga Pasalig ngadto kang Jesukristo,” 25).
“Ang atong saad nga kanunayng mohinumdom sa Manluluwas naghatag kanato og kalig-on sa pagbarug alang sa kamatuoran ug pagkamatarung—maanaa man kita sa dakong pundok o sa atong pag-inusara, diin walay nasayud sa atong mga binuhatan gawas lang sa Dios” (Lisa L. Harkness, “Pagtahud sa Iyang Ngalan,” 61).
“Ang tinuod nga mga disipulo ni Jesukristo naghigugma sa Dios ug sa Iyang mga anak nga wala magpaabut og butang isip bugti. Higugmaon nato kadtong wala makapahimuot kanato, kadtong wala ganahi nato. Bisan kadtong motamay, moabuso, ug magtinguha nga mopasakit nato.” (Elder Dieter F. Uchtdorf, 88).

Mga litrato sa tawo nga anaa sa dalan pinaagi ni Judith Beck, nga nagtuon pinaagi ni Catherine Frost