Sa Sagradong Dapit
Niining tuiga atong saulogon ang ika-200 nga anibersaryo sa Unang Panan-awon ni Joseph Smith. Gisugdan niini ang Pagpahiuli sa ebanghelyo ni Jesukristo sa matahum nga Sagrado nga Kakahoyan. Kana nga milagroso nga panghitabo nakausab sa dagan sa kasaysayan, lakip sa tanan natong kinabuhi. Apan ang labing importante alang kanako, nahimo kining personal ug makapausab sa kinabuhi.
Nagserbisyo uban sa akong bana didto sa New York/Pennsylvania Historic Sites Mission, migahin ko og daghang panahon nga naglakaw nianang sagradong dapit. Diha sa umahan sa pamilyang Smith sa Palmyra, New York, aduna koy pribilehiyo nga ilibut ang mga bisita gikan sa tibuok kalibutan ug sa lain-laing matang sa panarbaho.
Kitang tanan mahimong makat-on gikan sa mga ehemplo sa pamilyang Smith ug sa ubang unang mga miyembro sa Simbahan. Ang Unang Panan-awon ni Joseph Smith nagtudlo kanato unsaon sa pagdawat og pagpadayag, sama sa gipasabut ni Presidente Eyring diha sa pahina 12. Ang ubang mga General Authority mipamatuod sa katinuod niana nga panan-awon diha sa pahina 18.
Akong yano nga pag-ampo nga samtang magsaulog kita og 200 ka tuig sukad sa Unang Panan-awon, makahunahuna kita sa tanang panalangin nga atong nadawat isip kabahin niining nagpadayon nga Pagpahiuli sa ebanghelyo ni Jesukristo.
Sister Karen Russon Neff