Mga Sakyanang Pangdagat sa Kasulatan

Itugma ang matag tawo sa ubos ngadto sa ilang istorya.

1. Ang Dios mipasidaan kanako nga Iyang lunupan ang yuta. Misugo Siya kanako sa paghimo og dakong barko nga gitawag og arka aron ang akong pamilya ug ang mga hayop maluwas.

2. Nagsakay kami sa sakayan uban ni Jesus sa dihang miabut ang unos. Gipakalma ni Jesus ang hangin ug ang mga balud.

3. Ang akong igsoon ug ako mihimo og mga barko aron mobiyahe ngadto sa gisaad nga yuta. Mihangyo ko sa Dios nga pasigahon ang mga bato aron makahatag namo og kahayag sulod sa among mga barko.

4. Dili makadunggo ang among barko tungod kay nahimong yelo ang tubig sa pantalan! Nangulo ko sa pag-ampo sa among grupo aron mangayo og tabang sa Dios. Nabuak sa igong gidugayon ang yelo aron makaagi ang among barko.

• Noe

• Mga disipulo ni Jesus

• Igsoong lalaki ni Jared

• Lucy Mack Smith

Gamita kini nga script sa pagdrama-drama sa mga parte sa 1 Nephi 17.

Narrator: Human mipanaw sa kamingawan ang pamilya ni Nephi, miabut sila sa usa ka dagat. Ang Ginoo misugo kang Nephi sa paghimo og mga himan ug sa paghimo og barko.

[Naghimo si Nephi. Si Laman ug Lemuel misulod sa eksena.]

Nephi: Mga igsoon, dali tabangi ko sa paghimo sa atong barko!

Laman: Dili! Dili ka kahibalo mohimo og butang nga sama niana.

Lemuel: Buangon ka, sama sa atong amahan.

Nephi: Ang Ginoo mogiya kanato ngadto sa gisaad nga yuta, sama nga gigiyahan Niya ang katawhan ni Moises. Nagguol ko nga dili kamo motuo sa mga saad sa Dios.

Laman: [masuk-anong milingi ngadto ni Lemuel] Ato ni siyang ilabay sa dagat!

[Misulay si Laman ug Lemuel sa pagbira kang Nephi, apan miatras si Nephi.]

Nephi: Makahimo ko sa bisan unsa nga isugo sa Dios nga akong buhaton.

[Gituyhad ni Nephi ang iyang kamot ngadto ni Laman ug Lemuel. Misugod sila sa pagkurog ug napaluhod.]

Laman: Gibati nako ang gahum sa Ginoo!

Lemuel: Ako pud! Nakapakurog kini kanako!

[Gitabangan sila ni Nephi nga makabarug.]

Nephi: Hinaut nga motuo kamo sa Dios. Karon magtinabangay ta sa paghuman niining barko.

Narrator: Si Nephi ug ang iyang pamilya mihuman sa ilang barko ug milawig ngadto sa gisaad nga yuta.

Aniay mga ideya sa paghimo og lain-laing matang sa mga barko. Unsa nga mga ideya ang imong mahunahunaan?

• Gamita ang panit sa tunga sa avocado isip lawas sa barko.

• Ipapilit o i-tape ang mga popsicle stick [nigpis ug lagpad nga stick] aron makahimo og balsa.

• Pagpilo og sakayan gikan sa papel.

• Paggamit og stick ug papel sa pag-adorno og makalawig nga espongha.