Te tau lava fēfē ʻo fanongo ki he leʻo ʻo e ʻOtuá?

Naʻe fakatahataha takatakai e kakai Nīfaí ʻi he temipale ʻi he fonua ko Mahú (vakai, 3 Nīfai 11:1). Naʻa nau maʻu ʻi he feituʻu toputapu ko iá ha faingamālie ke fanongo ki he leʻo ʻo e ʻOtuá.

Te tau lava fēfē nai ʻo teuteu ke ʻalu ki he temipalé pea fanongo ki he leʻo ʻo e ʻOtuá ʻo fakafou ʻi he Laumālié?

ʻI he kamataʻangá, naʻe fanongo e kakai Nīfaí ki ha “kihiʻi leʻo-siʻi” ka “naʻe ʻikai mahino kiate kinautolu ʻa e leʻo” (3 Nīfai 11:3). Ko e leʻó ni “naʻe mahuhuhuhu ai ʻa e loto ʻo kinautolu naʻe fanongó pea ongo moʻoni ki honau lotó” (3 Nīfai 11:3).

Te tau lava fēfē ʻo ongoʻi e mālohi ʻo e “kihiʻi leʻo mālie” ʻo e Laumālié? (vakai, 1 Ngaahi Tuʻi 19:11–12).

Hili e fanongo e kakai Nīfaí ki he leʻó ʻi hono tuʻo tolú, naʻa nau “fakaava honau telingá ke ongoʻi ia” (3 Nīfai 11:5). Naʻa nau fakavaivaiʻi kinautolu mo loto-fiemālie ke fanongo.

Te tau lava fēfē ʻo fakavaivaiʻi kitautolu ke fanongo ki he leʻo ʻo e ʻOtuá ʻo fakafou ʻi he Laumālié?

ʻI hono fakaava pē ʻe he kakai Nīfaí honau telingá, naʻa nau “sio fakamamaʻu ki he langí, ʻa ia naʻe haʻu mei ai ʻa e leʻó” pea “naʻe mahino kiate kinautolu ʻa e leʻo naʻa nau fanongo ki aí” (3 Nīfai 11:5–6).