Fēfē Kapau ʻOku ʻIkai Peheni Hoku Fāmilí?
Tā fakatātaaʻi ʻe Michael Malm
ʻOku tau houngaʻia moʻoni ʻi he kau palōfita mo e kau ʻaposetolo moʻui naʻa nau tuku mai e “Ko e Fāmilí: Ko ha Fanongonongo ki Māmani” he taʻu ʻe 25 kuohilí. ʻOkú ne akoʻi mai e tokāteline taʻengata ʻo e fāmilí mo ʻomi e ngaahi tefitoʻi moʻoni ʻoku moʻui ʻaki ʻe he ngaahi nofo-mali mo e fāmili leleí.
Ka neongo ia, ʻe lava ke fifili ha kakai ʻe niʻihi ki he founga ʻoku kaunga ai kiate kinautolu e fanongonongó ʻi he taimi “ko honau tuʻunga lolotongá ʻoku ʻikai ke fenāpasi ia mo e fanongonongo ki he fāmilí.”1
Naʻe lea ʻa ʻEletā Lisiate G. Sikoti (1928–2015) ʻo e Kōlomu ʻo e Kau ʻAposetolo ʻe Toko Hongofulu Mā Uá fekauʻaki mo e hohaʻá ni ʻi he konifelenisi lahí, ʻo vahevahe e fakalotolahí ni: “Neongo kapau ʻoku ʻikai hoko he taimí ni ʻi hoʻo moʻuí ha ngaahi konga mahuʻinga [ʻo e palani ʻo e fiefiá], ka te ke maʻu ia ʻi he taimi pē ʻa e ʻEikí. ʻOku ou palōmesi atu foki te ke lava ʻo maʻu ha tupulaki mo e fiefia lahi he taimí ni ʻi hoʻo ngaahi tūkunga lolotongá. ʻI hoʻo hoko ko ha ʻofefine pe foha ʻo e ʻOtuá, moʻui ʻaki ha konga pē ʻo e palaní ʻi he lelei taha te ke ala lavá.”2