Haʻu, ʻo Muimui ʻIate Au
Ko e hā te tau lava ʻo fai ke muimui ki he palōfitá?
Tokāteline mo e Ngaahi Fuakava 12–13 Siosefa Sāmita—Hisitōlia 1:66–75
8–14 Fepueli
Naʻe tui ʻa Siosefa mo Poli Naiti ki he uiuiʻi fakaepalōfita ʻo Siosefa Sāmitá mei he kamataʻangá. Naʻá na poupouʻi ʻa Siosefa lolotonga ʻene liliu ʻa e ʻū lauʻi peleti koulá, pea naʻá na kau ʻi he fuofua niʻihi ne papitaisó.
Naʻe faʻa fakaʻauha ʻena koloá, pea mole haʻana kaungāmeʻa tokolahi, ka naʻe tui ʻa e fāmili Naití ki he ongoongoleleí pea tukupā ʻena moʻuí ke muimui ʻi he palōfitá pea mo hono fokotuʻu ʻo e Siasí.
Ko ha Fakahā maʻa Siosefa Naiti
ʻI he taʻu 1829, naʻe maʻu ʻe Siosefa Sāmita ha fakahā ki he founga ʻe lava ai ʻa Siosefa Naiti ʻo tokoni ʻi he ngāue ʻa e ʻOtuá. Naʻe fakahinohinoʻi ʻa Siosefa Naiti ke “feinga ke ʻomai pea fokotuʻu ʻa e ngāue ʻo Saioné” ʻi he loto-fakatōkilalo, ʻofa, tui mo e anga fakamaʻumaʻu (vakai, Tokāteline mo e Ngaahi Fuakava 12:6–8). ʻOku tokoni fēfē ʻa e ngaahi ʻulungaanga ko ʻení ke tau muimui he palōfitá pea tokoni ʻi he ngāue ʻa e ʻOtuá?
Ngāue Mateaki ʻi he Kotoa ʻo e Moʻuí
Naʻe ʻikai teitei mole ʻa e tui naʻe maʻu ʻe he fāmili Naití ki he ongoongoleleí pea naʻá na tuʻu taʻeueʻia ʻi he tafaʻaki ʻo Siosefa Sāmita. Naʻe hoko ʻena moʻuí ko e fakamoʻoni ki he meʻa naʻá na ʻilo ʻoku moʻoní. Naʻe fakamatala ʻa e Palōfita ko Siosefa Sāmitá fekauʻaki mo Siosefa Naiti ʻo pehē: “Kuó ne faivelenga mo faitotonu, mo taʻe filifilimānako mo tā-sīpinga lelei, anga haohaoa mo angaʻofa, pea ʻikai teitei aafe ki he nima toʻomataʻú pe ki he toʻohemá. Vakai ko ha tangata māʻoniʻoni ia” (History of the Church, 5:124).
Tā fakatātā ʻa Dan Burr; tā ʻa Kenneth Mays ʻo e faama ʻa e fāmili Naití