“ʻOku Fakamoʻoni Fēfē Nai e Ngaahi Fakataipe Ko ʻEní kia Sīsū Kalaisí?” Liahona, Tīsema 2022.
Haʻu, ʻo Muimui ʻIate Au
Kilisimasí
ʻOku Fakamoʻoni Fēfē Nai e Ngaahi Fakataipe Ko ʻEní kia Sīsū Kalaisí?
Naʻe ʻikai ngata pē ʻi he angamaheni ʻa e ngaahi fakataipe ko ʻeni ʻo Sīsū Kalaisí ki he kakai ʻi Hono kuongá, ka ne nau fakamoʻoni ki Hono fatongia ʻi heʻetau moʻuí he ʻaho ní.
ʻŪ tā fakatātā ʻa Andrew Beck
Ngata Palasá
“Pea hangē [ko e] hiki hake ʻe Mōsese ʻa e ngatá ʻi he toafá, ʻe pehē hono hiki ʻa e Foha ʻo e tangatá ki ʻolungá:
Koeʻuhí ko ia kotoa pē ʻoku tui kiate iá ke ʻoua naʻa ʻauha ia, kae maʻu ʻa e moʻui taʻengatá” (Sione 3:14–15).
ʻOku tokoniʻi fēfē koe ʻe hoʻo sio ki he Fakamoʻuí ke ke kātekina ai ho ngaahi ʻahiʻahí?
Maná
“He ko ia ʻa e mā ʻa e ʻOtuá ʻa ia ʻoku ʻalu hifo mei he langí, ʻo foaki ʻa e moʻuí ki māmani” (Sione 6:33).
Hangē ko e kau ʻIsileli ne nau tānaki ʻa e maná he ʻaho takitahá, ʻe lava fēfē ʻe hoʻo tānaki e ngaahi folofola ʻa e ʻEikí ʻi he ʻaho takitaha ʻo fafanga ho laumālié?
Vai
“Ko e vai te u foaki kiate iá, ʻe ʻiate ia [ha] matavai [ʻe] mapunopuna hake ki he moʻui taʻengatá” (Sione 4:14).
ʻI hoʻo toʻo ʻa e mā mo e vai ʻo e sākalamēnití, fakakaukau ki he founga ʻoku tokoniʻi ai kitautolu ʻe he ngaahi akonaki mo e Fakalelei ʻa Sīsuú ke tau taau mo e moʻui taʻengatá.
Lami
“[Huhuʻi] ʻaki ‘a e taʻata‘a maʻongo‘onga ʻo Kalaisí, ʻo hangē ha lami taʻe hano ʻila, pea taʻe hano melé” (1 Pita 1:19).
Ko hono feilaulauʻi ʻo e fanga monumanú ʻi he Fuakava Motuʻá ko ha fakataipe ia ʻo e feilaulau ʻa e ʻEikí maʻatautolú. Ko ʻetau feilaulau he ʻaho ní ko hono foaki ia kiate Ia ha “loto-mafesifesi mo [ha] laumālie fakatomalá” (3 Nīfai 9:20). Ko e fē ha taimi kuó ke ongoʻi ai kuó ke fai e feilaulau ko iá?