“Amin’ny fomba ahoana ny batisa no hoe maneho fankatoavana?” Liahona, Jan. 2023.
Avia, hanaraka Ahy
Amin’ny fomba ahoana ny batisa no hoe maneho fankatoavana?
Ny Mpamonjintsika no ohatra tonga lafatra amin’ny fankatoavana ny Ray any An-danitra raha nanambara Izy hoe: “Tsy mitady ny sitrapoko Aho, fa ny sitrapon’izay naniraka Ahy” (Jaona 5:30).
Natao batisa ny Mpamonjy mba hanehoana ny fankatoavany amin’ny antsipiriany ny Ray any An-danitra. Toy izany koa, rehefa maneho ny fankatoavantsika isika amin’ny alalan’ny fanaovana batisa antsika dia manao fanekempihavanana amin’ Andriamanitra fa ho mpianatr’i Jesoa Kristy feno fanolorantena sy fankatoavana. (Jereo ny 2 Nefia 31:5–13.)
Misy ohatra iray maneho ny fankatoavan’ny Mpamonjy hita ao amin’ny tantaran’ny nanaovana batisa Azy:
“Ary tamin’izay [Jesoa] dia avy tany Galilia ka tonga teo amoron’i Jordana, dia nanatona an’i Jaona Izy mba hataony batisa.
“Fa Jaona nandà Azy ka nanao hoe: Izaho no tokony hataonao batisa, ka Ianao indray va no mankaty amiko?
“Fa namaly Jesoa ka niteny taminy hoe: Ekeo ihany ankehitriny, fa izao no mety amintsika hahatanteraka ny fahamarinana rehetra” (Matio 3:13–15).
John Baptizing Jesus (I Jaona manao batisa an’i Jesoa), nataon’i Harry Anderson