Sa ia aoao atu e uiga i le paia o le faaipoipoga. Sa Ia faamamafaina le taua o le filifilia o le ola e faavavau nai lo oa o le lalolagi ma aoao atu le faataoto i le aufaigaluega i le tovine. Sa muai tau mai e Iesu Lona maliu ma aoao atu Ona soo e auauna atu i isi.
Sa aoao atu le Faaola e uiga i le paia o le faaipoipoga.
Ata
talavou faatoa faaipoipo
Faaali se ata o se ulugalii fiafia ua faaipoipo ma sa faamauina i le malumalu. Ta’u i ai o le aoaoga faavae a le Alii e faatatau i le faaipoipoga ma le tete’a e ese mai le tele o talitonuga o le lalolagi.
O a ni nai talitonuga o le lalolagi e uiga i faaipoipoga ma teteaga? (Lapataiga: Taumamao mai le soona faaalu o le taimi i mafaufauga e ese mamao e pei o faaipoipoga a le itupa e tasi, lea e ono alu ai le taimi mo isi mataupu faavae taua i le lesona o le aso.)
Valaaulia le vasega a o latou suesueina le Mataio 19:1–12 e vaavaai mo aoaoga a le Faaola e uiga i faaipoipoga ma le teteaga ma mafaufau i le taua o nei aoaoga mo i latou.
Fai i se tagata e faitau leotele le Mataio 19:1–3. Fai atu i le vasega e mulimuli i le faitauga, ma vaavaai mo le fesili na fesili atu ai le au Faresaio ia Iesu. Valaaulia tagata aoga e lipoti mai mea latou te maua.
Faamatala o le fasifuaitau “faatea lana ava ona o mea uma”Mataio 19:3e faasino i se tagata e faate’a lana ava mo soo se mafuaaga, tusa lava pe o se mea itiiti pe manatu faapito.
Valaaulia se tamaititi e faitau leotele le Mataio 19:4–6 ma fai atu i le vasega e vaavaai pe o a mea na aoao mai e le Faaola e uiga i le faaipoipoga ma le teteaga.
O a upumoni e uiga i le faaipoipoga ua tatou aoao mai le tali a le Faaola i le au Faresaio? (E ono faailoa mai e le vasega ni upumoni se tele, ae ia mautinoa e faamamafa atu faapea o le faaipoipoga i le va o se alii ma se tamaitai o se sootaga paia na mamanuina ma faatuina e le Atua.)
Fai atu i se tagata o le vasega e faitau leotele le Mataio 19:7, ma fai i le vasega e vaavaai mo se isi fesili na fesili atu ai le au Faresaio i le Faaola.
O a mea na fesili atu ai le au Faresaio ile Faaola?
Valaaulia se tamaititi e faitau leotele le Mataio 19:8–9 ma fai atu i le vasega e vaavaai mo le tali a le Faaola.
E tusa ai ma le Faaola, aisea na faataga ai e Mose le faate’a o le ava i Isaraelu? (Ona o le maaa o loto o tagata.)
Ina ia fesoasoani i tagata o le vasega ia malamalama pe faapefea ona fesootai lenei aoaoga ma o tatou aso, valaaulia se tagata o le vasega e faitau leotele le faamatalaga lenei a Elder Dallin H. Oaks o le Korama a Aposetolo e Toasefululua:
Ata
Elder Dallin H. Oaks
“O le ituaiga o faaipoipoga e manaomia mo le faaeaga—e faavavau lona taunuuga ma e faaleatua i lona auau mama—e le aofia ai le tetea. I malumalu sa o le Alii, e faaipoipo ai ulugalii mo le faavavau atoa. Ae o nisi faaipoipoga e le agai i luma i lena tulaga. Talu ai ’le maaa o o [tatou] loto [Mataio 19:8], ua le o faamalosia ai e le Alii i le taimi nei ia taunuuga o le tulaga faaselesitila. Ua Ia faatagaina tagata ua tatala faaipoipoga e toe faaipoipo e aunoa ma le pisipisia i le le mama o loo faapatino mai i le tulafono maualuga atu(“Tatalaina o Faaipoipoga,” Ensign po o le Liahona, Me 2007, 70).
Fuafua e valaaulia le vasega e faasoa mai a latou molimau faapea na mamanuina e le Atua ma faatuina le faaipoipga o se sootaga paia i le va o se tane ma se fafine.
Ua aoao mai Iesu i le ola e faavavau ma tuuina mai le faataoto i le aufaigaluega i le tovine
Valaaulia ni tagata se toalua e o mai i luma o le vasega. Ta’u i le tagata afai e mafai ona ia faia ni push-ups se 10, o le a maua e ia se taui itiiti (e pei o ni lole se 10). A uma ona fai e le tagata ni push-ups se 10, tuu atu ia te ia le taui, ona fai atu lea mo se isi volenitia. Fai i le tagata lona lua e fai se push-up se tasi , ona fesili lea i le vasega pe o le a le taui ua latou manatu e tatau ona maua e le tagata lea ma pe aisea foi. Fai atu i tagata ia e toalua e toe foi i o la’ua nofoaga. Ta’u i le vasega o se taimi mulimuli ane o le lesona o le a maua ai le tagata lona lua se taui e fua i le mea e aoaoina e le vasega mai tusitusiga paia.
Otooto le Mataio 19:13–27, i le faamatala atu na fautuaina e Iesu Ona soo e saili mo le ola e faavavau nai lo oa o le lalolagi. Sa fesili Peteru po o le a le mea e maua e soo ona ua latou lafoai a latou oa o le lalolagi ia mulimuli i le Faaola. (Manatua: O mea e talanoaina i nei fuaiupu o le a aoao auiiliili i le lesona o le Mareko 10.)
Valaaulia se tagata e faitau leotele le Mataio 19:28–30. Fai atu i le vasega e mulimuli i le faitauga, ma vaavaai mo le tali a le Alii ia Peteru.
E tusa ai ma le fuaiupu 29, o le a le mea o le a fai ma tofi o i latou uma o e lafoai mea uma ae mulimuli i le Faaola?
Faamatala na aoao mai e le Faaola i Ona soo se faataoto e fesoasoani latou te malamalama ai i le finagalo o le Tama Faalelagi e avatu i Ana fanau uma le avanoa e maua ai le ola e faavavau. I le faataoto lenei, e faafaigaluega ai e se tagata i taimi eseese o le aso i lona tovine tagata faigaluega i le aso atoa. O se aso masani i ona po o le Feagaiga Fou e mai le 6:00 i le taeao e oo atu i le 6:00 i le afiafi, ma si eseesega itiiti o le uumi i vaitau eseese o le tausaga.
Kopi le siata lenei i luga o le laupapa, po o le tuuina atu i tagata o le vasega o se tufaaga:
Tagata faigaluega (Taimi Amata)
Totogi na Malilie I Ai
Itula na Faigaluega Ai
Aofaiga Na Totogi
Taeao po (6:00 i le taeao)
Itula lona tolu (9:00 i le taeao)
Itula lona 6 (12:00 i le aoauli)
Itula lona 9 (3:00 i le afiafi)
Itula lona 11 (5:00 i le afiafi)
Valaaulia le vasega e galulue i ni vaega toalaiti. Fai i ai e faitau le Mataio 20:1–7i a latou vaega, ma vaavaai pe o le a le umi sa galulue ai vaega taitasi o le aufaigaluega ma le totogi sa latou malilie i ai. (“O se pene” e faasino i se tenari, o se tupe siliva Roma pe tusa o le totogi lea o se tagata faigaluega i le aso.)
A uma ua lava se taimi, valaaulia ni nai tagata e o mai i le laupapa e faatumu ia koluma muamua e lua o le siata (pe valaaulia i latou e faatumu i kopi na tufa atu).
O le a sou manatu o ai sa tatau ona sili lona totogi?
Valaaulia se tamaititi e faitau leotele le Mataio 20:8–10 ma fai i le vasega e vaavaai mo le totogi na maua e vaega taitasi o le au faigaluega.
O le a le totogi na maua e vaega taitasi o le aufaigaluega? (A uma ona tali mai le vasega, tusi le1 penei pusa taitasi i koluma ua faaigoa “Aofaiga Na Totogi.”)
A na fai sa e iai i le aufaigaluega sa galulue i le aso atoa, o a ni mafaufauga po o ni lagona atonu na ia te oe ina ua tutusa le taui na e mauaina ma i latou sa na o se itula sa galulue ai?
Valaaulia se tamaitiiti aoga e faitau leotele le Mataio 20:11–14. Fai i le vasega e mulimuli ai, ma vaavaai mo mea na fai atu ai i latou sa galulue i le aso atoa i le alii o le tovine ma mea na ia tali atu ai ia i latou.
O le a le faitioga a i latou na faigaluega i le aso atoa?
O le a le tali a le alii o le tovine?
Na faapefea ona faamaoni (pe le faaituau) le alii o le tovine ia i latou sa faigaluega i le aso atoa?
Ina ia fesoasoani i le vasega e faailoa mai se upumoni mai lenei faataoto, faamatala o le totogi o le pene e tasi e mafai ona faatusa i le faavavau po o le ola e faavavau, e pei ona ta’ua i le Mataio 19:29. Tusi le faamatalaga lenei e lei maea i luga o le laupapa: E tuu atu e le Atua le ola e faavavau i tagata uma o e …
Afai o le taui i lenei faataoto e faatusa i le ola e faavavau, o le a le mea e ono faatusa i ai le galuega? (E ono tuu mai e le vasega ni tali eseese, ae ia mautinoa e faamamafa atu faapea o le galuega i le faataoto lenei e mafai ona faatusa i le faia ma le tausia o feagaiga paia ma le Atua. A uma ona tali mai le vasega, faamaea le upumoni o i luga o le laupapa faapea: E tuu atu e le Atua le ola e faavavau i tagata uma o e filifili e faia ma tausia feagaiga paia ma Ia.
Ta’u i ai e fesoasoani lenei upumoni tatou te malamalama ai i le alofa mutimutivale o le Tama Faalelagi mo tagata o e le vave osia ma tausia feagaiga i le olaga ma mo i latou e le maua le avanoa e faia ai sei vagana ua maliliu (tagai MF&F 137:7–8).
Aisea e te manatu ai e taua mo i tatou ona iloa e tuu mai e le Atua le ola e faavavau i tagata uma o e filifili e faia ma tausia feagaiga paia ma Ia, poo le a lava le taimi e ono tupu ai?
Faamantu i le vasega le tagata lona lua lea sa na o le tasi le push-up na fai, ma fesili:
O le a le taui tou te manatu e tatau ona maua e le tagata lea i le faia o le push-up e tasi? (Tuu atu i ai le taui e tutusa ma lea na e avatu i le tagata e 10 ana push-ups na faia.)
Valaaulia se tamaitiiti aoga e faitau leotele le Mataio 20:15–16 . Valaaulia le vasega e mulimuli ai, ma vaavaai pe na faapefea ona tali atu le alii o le tovine ia i latou sa faitio i lona agalelei i isi tagata faigaluega.
O le a sou manatu o le a le uiga ina ua fesili atu le alii o le tovine, “E te faauu mai ea ina ua ou aglelei?” (fuaiupu 15).
Faamatala na toefaaupuina e Elder Jeffrey R. Holland o le Korama a Aposetolo e Toasefululua le fesili lenei e faapea: “Aisea e te lotoleaga ai ona ua ou filifili e agalelei?” (“O Le Au Faigaluega i le Tovine,” Ensign po o le Liahona, Me 2012, 31).
o le a le uiga i le fuaiupu 16 “e toatele e [ua] talaiina, a e toaitiiti e ua filifilia”? (Ua talaiinao lona uiga o le valaaulia e auai i le faatinoina o le galuega a le Tama Faalelagi. Uafilifiliao lona uiga o le mauaina o Ana faamanuiaga—e aofia ai faamanuiaga o le ola e faavavau.)
O le a le mataupu faavae e mafai ona tatou aoaoina mai le fuaiupu e 16? (E ono faailoa mai e le vasega se aofaiga o mataupu faavae, e aofia ai ma lenei: Afai tatou te filifili e lotoleaga i faamanuiaga a le Tama Faalelagi i luga o isi, ona mafai lea ona tatou le maua o faamanuiaga e finagalo o Ia e tuu mai mo i tatou.
Faitau leotele le saunoaga lea a Elder Jeffrey R. Holland, ma valaaulia tagata e mafaufau pe mafai faapefea ona faaosoosoina i latou ia lotoleaga i faamanuiaga e tuu mai e le Tama Faalelagi i isi:
Ata
Elder Jeffrey R. Holland
“O le a i ai taimi i o tatou olaga o le a maua ai e se tagata se faamanuiaga e lei faamoemoeina pe maua se faamamaluga faapitoa. E mafai ona ou augani atu ia te outou ia aua nei tiga ai—ma mautinoa ia aua nei lotoleaga ai—pe a oo atu se manuia lelei i le isi tagata? E le faaitiitia ai o tatou manuia pe a tele ni mea e maua e le isi tagata. Tatou te le o i ai i se tū’uga e faasaga le tasi i le isi e iloa ai pe o ai ua sili ona mauoa pe sili ona talenia pe sili ona aulelei pe sili foi ona faamanuiaina. O le tuuga lea tatou te i ai moni lava, o le tuuga e faasaga i le agasala. …
“… manatu faapito, faauu, poo le faatoilaloina o se tasi e lefaamaualugaina ai loutulaga, e faapena foi lou faamaualaloina o se isi tagata ina ia tauleleia ai oe. O lea ia agalelei ai, ma ia loto faafetai aua e agalelei le Atua. O se ala lelei e ola ai” (“O le Aufaigaluega i le Tovine ,” 31, 32).
Faasoa atu lau molimau i upumoni na faailoa mai e le vasega a o latou suesueina le faataoto i le aufaigaluega i le tovine.
Tusi le faamatalaga lenei i luga o le laupapa: Tuu atu i le vasega se taimi e faauma ai le faamatalaga i a latou api o le vasega po o api talaaga mo le suesueina o tusitusiga paia. E fua i mea sa ou aoaoina mai lenei faataoto, o le a ou …
A uma ua lava se taimi, valaaulia ni nai tagata o e lagona le toafilemu e faasoa i le vasega mea sa latou tusia.
Sa muai ta’u mai e Iesu Lona lava maliu ma aoao atu Ona soo e auauna atu i isi
Otooto le Mataio 20:17–34i le faamatala atu na muai ta’u mai e le Faaola o le a faalataina o Ia ma faasalaina i le oti pe a toe foi atu o Ia i Ierusalema. Sa Ia aoao atu i Ona soo e faapea nai lo le taumafai mo tulaga ma le pule, e ao ona latou mulimuli i Ana faataitaiga ma auauna atu i isi.
Sa faamatala e Elder F. Burton Howard o le Fitugafulu, ua leva ona aoao mai e perofeta le matafaioi a le faaipoipoga i le fuafuaga a le Atua:
“O le faaipoipoga e faavavau o se mataupu faave sa faatuina a o lei faavaeina le lalolagi ma sa faatuina i lenei laueleele a o lei oo mai i ai le oti. Na tuu atu ia Atamu ma Eva o le tasi i le isi e le Atua i le Faatoaga o Etena a o lei i ai le Pau. Fai mai le mau, ‘O le aso na faia ai e le Atua le tagata, na ia faia o ia ua faatusa i le Atua; Na ia faia i laua, o le tane ma le fafine; na iafaamanuiaina foi i laua’ (Ken. 5:1–2; faamamafa faaopoopo).
“Na ogatusa lelei lava le aoao mai e perofeta o le elemene aupito maualuga ma le taualuga o le fuafuaga sili a le Atua mo faamanuiaga o Ana fanau o le faaipoipoga e faavavau” (“Faaipoipoga e Faavavau,” Ensign po o le Liahona, Me 2003, 92).
Na aoao mai e Sister Julie B. Beck, o le na avea ma peresitene aoao o le Aualofa, o le faaipoipoga e faauuina e le Atua.
“Ua tatou iloa i le taua tele i le muai olaga, sa tatou au ai ma lo tatou Faaola, o Iesu Keriso, e puipui lo tatou tulaga gafatia e avea o ni aiga e faavavau. … Tatou te talitonu i le faatulagaina o Aiga e Faavavau. O lona uiga, ua tatou talitonu e tatau ona faaipoipo” (“O le Mea Sili e Faia e Tamaitai o le Aupaia o Aso E Gata Ai: Tutu Malosi ma le Mausali,” Ensign or Liahona, Nov. 2007, 110)
Na saunoa Elder Dallin H. Oaks o le Korama a Aposetolo e Toasefululua e uiga i le aafiaga o aiga ona o le tatala o faaipoipoga:
“Ua toatele naua tagata o le Ekalesia ua tatala faaipoipoga. … Ua matou iloa e toatele outou o ni tagata taumamaina ua afaina fua—o tagata na faalataina pea lava pea e o latou toalua ia feagaiga paia pe lafoai pe ua mumusu e faia o latou tiutetauave o faaipoipoga mo se taimi faaumiumi. …
“… O i latou uma na oo i le tetea ua iloa le tiga ma le manaomia o le mana faamalolo ma le faamoemoe lea e maua mai i le Togiola. O loo i ai lena mana faamalolo ma lena faamoemoe mo i latou faapena foi mo a latou fanau. …
E le mafai ona tatou pulea ma tatou te le nafa foi ma filifiliga a isi, e tusa lava pe i ai ni aafiaga tiga tele ia i tatou. …
“Po o le a lava le taunuuga ma po o le a foi le faigata o ou aafiaga, ua ia te oe le folafolaga ole a le mafai ona teenaina oe mai faamanuiaga o mafutaga faavavau faaleaiga pe afai e te alofa ile Alii, tausi Ana poloaiga, ma tau lava ia fai le mea sili e te mafaia” (“Tatalaina o Faaipoipoga,” Ensign po o le Liahona, Me 2007, 70–71, 73).
Na faamatala e Elder Bruce R. McConkie o le Korama a Aposetolo e Toasefululua e faapea i ona po anamua sa i ai i nisi tagata se talitonuga sese faapea e tatau ona sailia se olaga e le faia ni toalua:
“Na manino o i latou sa faaeunukaina i latou o alii o tapuaiga faapaupau sa salaeseina i latou lava ma le faamoemoe o na mea o le a faateleina ai lo latou faaolataga. Ua manino o lena mea e le o se tulaga manaomia moni lea o le talalelei i soo se itu. E leai lava se mea faapena i le talalelei e ta’u o se aveesea ma le loto i ai o le malosiaga faatamatane; o lena ituaiga o manatu e soloia ai mataupu faavae moni uma o le foafoaina o le ola ma le faaipoipoga faaselesitila”(Mormon Doctrine, 2nd ed. [1966], 241).[1966–73], 241:549).
Mataio 20:1–16. O le faataoto i le aufaigaluega i le tovine
Na faasoa mai e Elder Dallin H. Oaks o le Korama a Aposetolo e Toasefululua se lesona taua e tatau ona aoaoina mai le faataoto i le aufaigaluega i le tovine.
“E faapei o isi faataoto, e mafai e lenei faataoto ona aoaoina ai isi mau mataupu faavae eseese. Mo le faamoemoega i le taimi nei, o le lesona o loo aumai ai, o le taui a le Matai i le faamasinoga mulimuli, e le fuafuaina i le umi na tatou galulue ai i le tovine. Tatou te le mauaina o tatou taui faalelagi i le oomiina o o tatou taimi faigaluega i le masini. O le mea e taua, o a tatou galuega i le fale faigaluega o le Alii e afua ai ona aveai tatou ma se tasi. O nisi o tatou, o lenei tulaga e manaomia ai se taimi e umi atu nai lo isi. O le mea e taua i le faaiuga, o le tulaga tatou te tulai mai ai pe ua avea ai foi i tatou ona o a tatou galuega” (“O Le Luitau ia Avea ma Se Tasi,” Ensign, Nov. 2000, 34).