Aotelega Faasolopito

1805, 23 Tesema:

Na soifua mai i Sarona, Windsor County, Veremona, o le tamaitiiti lona lima o se fanau e toa sefulutasi i le aiga o Iosefa Samita, le Matua ma Lusi Maki Samita.

Tusa o le 1813: (7 tausaga le matua)

Maua i le fiva taifoi; o tulaga faigata o lona mai na manaomia ai le taoto o lona vae agavale. I le taimi lea, sa nonofo le aiga o Samita i Lepanona Sisifo, New Hampshire, o se tasi o le tele o nofoaga na siitia i ai le aiga i le va o le 1808 ma le 1816 aua le sailia o ni avanoa faigaluega.

1816: (10 tausaga le matua)

Siitia ma lona aiga i le nuu o Palamaira, Niu Ioka.

Tusa o le 1818–19: (12 pe 13 tausaga le matua)

Siitia ma lona aiga mai le nuu o Palamaira i se fale laau i le Taulaga o Palamaira, Niu Ioka.

1820, amataga o le tautotogo: (14 tausaga le matua)

Tatalo i le togavao latalata ane i lona fale. Asiasi mai i ai le Atua le Tama ma Iesu Keriso. Fesili pe o fea le lotu e tatau ona auai. Ua tau atu e le Faaola ia te ia e sese uma lava, ma e le tatau ona auai o ia i se tasi o na ekalesia.

1823, 21–22 Setema: (17 tausaga le matua)

Asiasi mai i ai Moronae, o le na tau atu ia te ia le galuega a le Alii i le lalolagi i aso gataaga ma le Tusi a Mamona. Vaai o ia i papatusi auro, ia sa tanumia i se mauga latalata ane, ae sa faasaina ona ia aveesea i lena taimi.

1825: (19 tausaga le matua)

Siitia ma lona aiga mai le fale laau i se fale laupapa fou i la latou faatoaga i le Taulaga o Manaseta, Niu Ioka.

1827, 18 Ianuari: (21 tausaga le matua)

Faaipoipo ia Ema Hale o Heremoni, Penisilevania; faaipoipo i laua i South Bainbridge, Niu Ioka.

1827, 22 Setema:

Maua papatusi mai ia Moronae, ina ua maea ona feiloai ma Moronae i le aso 22 o Setema i tausaga uma talu mai le 1823.

1827, Tesema: (22 tausaga le matua)

Siitia i Heremoni, Penisilevania, ina ia sola ese mai tagata faomea i Palamaira ma Manaseta o loo taumafai e faoa papatusi. E lei umi, ae amata ona faaliliuina le Tusi a Mamona

1828, Fepuari:

Faaalia e Matini Harisi se kopi o mataitusi mai papatusi auro i sikola lauiloa, e aofia ai Charles Anthon ma Samuel L. Mitchill i le Aai o Niu Ioka.

1828, Iuni–Iulai:

116 itulau tusitusia o le faaliliuga o le Tusi a Mamona na leiloloa a o ia Matini Harisi.

1829, 5 Aperila: (23 tausaga le matua)

Taunuu Oliva Kaotui i Heremoni e auauna ai o se tusiupu mo le Tusi a Mamona; toe amata le faaliliuga i le aso 7 o Aperila.

1829, 15 Me:

Faatasi ma Oliva Kaotui, taliaina le Perisitua Arona mai ia Ioane le Papatiso. Papatisoina e le tasi le isi o Iosefa ma Oliva i le Vaitafe o Susquehanna.

1829, Me–Iuni:

Faatasi ma Oliva Kaotui, taliaina le Perisitua Mekisateko mai Aposetolo anamua o Peteru, Iakopo, ma Ioane i tala ane o le Vaitafe i le va o Heremoni, Penisilevania, ma Colesville, Niu Ioka.

1829, Iuni:

Faamaeaina le faaliliuga o le Tusi a Mamona i le faatoaga a Pita Uitimera le Matua i le Taulaga o Faiete, Niu Ioka. Vaai Molimau e Toatolu i papatusi ma le agelu o Moronae i Faiete, ma vaai ma fetagofi Molimau e Toavalu i papatusi i le Taulaga o Palamaira.

1830, 26 Mati: (24 tausaga le matua)

Na maua ai uluai kopi o le Tusi a Mamona mo tagata lautele mai le faletusi o E. B. Grandin i Palamaira.

1830, 6 Aperila:

Faatulagaina aloaia le Ekalesia i le fale o Pita Uitimera le Matua i Faiete (tagai MFF 20:1). O le uluai igoa aloaia o le Ekalesia o le Ekalesia a Keriso. I le aso 3 o Me, 1834, na suia ai le igoa i le, O Le Ekalesia a le Au Paia o Aso e Gata Ai. I le aso 26 o Aperila, 1838, na suia ai le igoa e ala mai i le faaaliga i le, O Le Ekalesia a Iesu Keriso o le Au Paia o Aso e Gata Ai (tagai MFF 115:4).

1830, Iuni:

I se poloaiga mai le Alii, na ia amata ai se toe iloiloga musuia o le Tusi Paia, lea ua iloa nei o le Faaliliuga a Iosefa Samita o le Tusi Paia.

1830, 9 Iuni:

Faia le uluai konafesi a le Ekalesia i Faiete.

1830, Setema:

Sii mai Heremoni, Penisilevania, i Faiete, Niu Ioka. I le va o Tesema 1827 ma le taimi lea, sa nonofo Iosefa ma Ema i Heremoni, ae malaga Iosefa mai lea taimi i lea taimi i Maniseta, Faiete, ma Palamaira e galue ai i mataupu e faatatau i le faaliliuga o le Tusi a Mamona, fuafua le lolomiga o le Tusi a Mamona, faatulaga le Ekalesia, pulefaamalumalu i le uluai konafesi a le Ekalesia, ma auai atu i isi tiute faale-Ekalesia.

1830, Setema:

Maua le faaaliga faapea o faifeautalai e tatau ona “o atu i Sa Lamana” ma talai atu le talalelei (MFF 28:8; tagai foi 30:5–6; 32:1–3). Ia Oketopa, e toafa toeaina na o atu i misiona e aoao atu i le teritori o Initia, i sisifo o le setete o Misuri.

1830, Tesema: (25 tausaga le matua)

Talia se faaaliga faapea e faapotopoto atu le Au Paia i Ohio (tagai MFF 37)

1831, amataga o Fepuari:

Ina ua mavae se malaga i le silia ma le 250 maila mai Niu Ioka, ona taunuu lea i Katelani, Ohio.

1831, 20 Iulai:

I Independence, Jackson County, Misuri, talia se faaaliga e faailoa ai Independence o le “laumua” o Siona (tagai MFF 57:1–3).

1831, 2 Aokuso:

Pulefaamalumalu a o faapaiaina e Sidney Rigdon ia Jackson County, Misuri, o le nuu o Siona.

1831, 3 Aokuso:

Faapaiaina le nofoaga o le malumalu i Independence.

1832, 25 Ianuari: (26 tausaga le matua)

Lagolagoina o le Peresitene o le Perisitua Maualuga i Amherst, Ohio.

1832, 8 Mati:

Faatulagaina le Au Peresitene Sili i Katelani, o Sidney Rigdon ma Jesse Gause o fesoasoani. I le aso 18 o Mati,1833, suia e Frederick G. Williams ia Uso Jesse Gause.

1832, 27–28 Tesema: (27 tausaga le matua)

Talia se poloaiga e fausia se malumalu i Katelani (tagai MFF 88:119–20).

1833, Ianuari:

Amataina le Aoga a Perofeta.

1833, 2 Iulai:

Faamaeaina lana uluai galuega o le faaliliuga musuia o le Tusi Paia, lea ua lauiloa nei o le Faaliliuga a Iosefa Samita o le Tusi Paia. Mai lena galuega, na aumai ai le tusi a Mose ma le Iosefa Samita—Mataio, lea ua i ai nei i le Penina Tau Tele.

1833, 20 Iulai:

Faaleaogaina e tagata faatupu faalavelave le fale lomitusi i Independence, Misuri, a o lolomi ai le Tusi o Tulafono, ma faaleaogaina ai foi ma le tele o itulau ua maea ona lolomiina. Ia Setema 1835, na lolomi ai faaaliga mai le Tusi o Tulafono, faapea foi ma isi faaaliga, i Katelani i le uluai kopi o le Mataupu Faavae ma Feagaiga.

1833, 23 Iulai:

Faataatia maa tulimanu mo le Malumalu i Katelani.

671833, 18 Tesema:

Faauuina Iosefa Samita Matua e avea ma Peteriaka o le Ekalesia.

1834, Me–Iulai: (28 tausaga le matua)

Taitaiina le Tolauapiga a Siona mai Katelani, Ohio, e oo atu i Clay County, Misuri, e auina atu fesoasoaniga mo le Au Paia o e sa tutulieseina mai o latou aiga i Jackson County, Misuri. Toe foi atu i Katelani ina ua maua le faaaliga faapea e tatau i le Au Paia ona “faatali…mo ni nai aso mo le togiolaina o Siona” (MFF 105:9; 28).

1835, 14 Fepuari: (29 tausaga le matua)

Faatulagaina le Korama a Aposetolo e Toasefululua

1835, 28 Fepuari:

Faatulagaina se Korama a Fitugafulu.

1835, Iulai:

Mauaina tusi pa’u laau faa-Aikupito o i ai tusitusiga a Aperaamo ma Iosefa.

1836, 27 Mati: (30 tausaga le matua)

Faapaiaina le Malumalu i Katelani (tagai MFF 109).

1836, 3 Aperila:

Afio mai Iesu Keriso ia Iosefa Samita ma Oliva Kaotui i le Malumalu i Katelani ma taliaina le malumalu. Asiasi mai foi Mose, Elaia, ma Elia ma tuuina mai ki o le perisitua ia Iosefa ma Oliva (Tagai MFF 110).

1837, Iuni:

Auina atu toeaina mai Katelani ma Kanata i Luga e auauna o ni faifeautalai i Egelani, o le uluai misiona lea i fafo atu o Amerika i Matu.

1838, 12 Ianuari: (32 tausaga le matua)

Tuua Katelani mo Sisifo Mamao, Misuri, e sosola ese ai mai faiga saua a tagata leaga.

1838, 14 Mati:

Taunuu i Sisifo Mamao ma faavae ai le laumua o le Ekalesia iina.

1838, 27 Aperila:

Amataina le tusitusia o lona talafaasolopito, lolomiina i se faasologa o le “Talafaasolopito o Iosefa Samita” i totonu o nusipepa a le Ekalesia amata mai le 1842; mulimuli ane ua toe lolomiina o le History of the Church.

1838, 27 Oketopa:

Ua tuuina mai e le kovana o Misuri o Lilburn W. Boggs le “Poloaiga Faaoosala” ua lauiloa i le matautia. O lenei faatonuga ma sauaga matuia na mafua ai ona malaga ese le Au Paia mai Misuri ma o atu i Ilinoi i le taimi o le taumalulu ma le tautotogo o le 1838–39.

1838, 1 Tesema:

Falepuipui faatasi ma isi taitai o le Ekalesia i le falepuipui i Liperate, Misuri.

1839, Mati 20:

Mai le Falepuipui i Liperate, na ia tusia se tusi i le Au Paia, o nisi vaega o lenei tusi na mulimuli ane aofia ai i le Mataupu Faavae ma Feagaiga 121, 122, ma le 123

1839, ogatotonu o Aperila:

A o malaga i le suiga o le nofoaga mai Gallatin i Columbia, Misuri, na faatagaina o ia e leoleo e sola ese.

1839, Aperila 22:

Na toe faatasi atu i lona aiga i Quincy, Ilinoi.

1839, 10 Me:

Siitia ma lona aiga i se tamai fale laau i Commerce, Ilinoi. Na mulimuli ane toe faaigoaina le aai ia Navu.

1839, 29 Novema:

Asia Martin Van Buren, le peresitene o le Iunaite Setete, i Uosigitone, D.C., i le sailiga o se fofo mo faamasinoga le tonu i Misuri. A o i ai o ia iina, sa ia talosagaina foi se fesoasoani mai le Konekeresi a le Iunaite Setete.

1840, 15 Aokuso: (34 tausaga o le matua)

Faasilasilaina atu faalauaitele le mataupu faavae o le papatisoga mo e ua oti, i se sauniga o se maliu i Navu. O uluai papatisoga mo e ua oti na faia i le Vaitafe o Misisipi ma vaitafe laiti iina.

1840, Setema:

I se saunoaga a le Au Peresitene Sili i le Ekalesia, sa ia faasilasila ai faapea ua oo mai le taimi e amata ai ona fausia se malumalu i Navu.

1841, 4 Fepuari: (35 tausaga o le matua)

Filifilia e avea ma liutena sili o le Autau a Navu faatoa faatu, o se iunite o le fitafita a le setete o Ilinoi.

1841, 6 Aperila:

Faatulagaina ia maatulimanu mo le Malumalu i Navu.

1841, 21 Novema:

Faatinoina uluai papatisoga mo e ua maliliu i se vai papatisoga laupapa i le Malumalu i Navu na fausiaina ma faapaiaina a o lei maea isi vaega uma o le malumalu.

1842, Fepuari– Oketopa: (36 tausaga o le matua)

Galue o se faatonu o le Times and Seasons, le nusipepa a le Ekalesia i Navu.

1842, 1 Mati:

Lomia i le Wentworth Letter i le Times and Seasons; ia Mati ma Me, ua lomia foi le tusi a Aperaamo i le Times and Seasons.

1842, 17 Mati:

Faatulagaina le Sosaiete o le Aualofa a Tamaitai a Navu, avea ai Ema Samita ma peresitene.

1842, 4 Me:

Taitaia uluai sauniga mo faaeega paia i se potu i luga o lona Faleoloa Piliki Mumu.

1842, 19 Me:

Filifilia e avea ma pulenuu o Navu.

1843, 12 Iulai:

Faamaumauina se faaaliga e uiga i le feagaiga fou faavavau, e aofia ai le natura faavavau o feagaiga o le faaipoipoga (tagai MFF 132).

1844, 29 Ianuari: (38 tausaga o le matua)

Faasilasila lona avea o se sui tauva mo le tulaga peresitene o le Iunaite Setete o Amerika.

1844, Mati:

I se fonotaga ma Aposetolo e Toasefululua ma isi, na ia tuuina atu i Aposetolo le tiutetauave o le taitaiga o le Ekalesia pe a fai e maliu o ia, ma faamalamalama atu ai o lea ua ia tuuina atu i o latou luga sauniga, pule, ma ki uma e manaomia mo lea tiutetauave.

1844, 27 Iuni:

Maliliu faamaturo ma lona uso o Ailama i le falepuipui i Karefasi Ilinoi.

1844, 29 Iuni:

Falelauasi faatasi ma Ailama i Navu, Ilinoi.