Sel Kmal Tokubets el Sengk er a Ngalek

Sera kunguiu er a Babier er a Mormon er a osisecheklek er a Come, Follow Me er a dirk mlo merek el terekel a skuul, e ak mlo mechas a renguk el kirel a cheldechedechal a Alma er a bol ungil medengei a rokui el kngtil, ng “dimlak a ngidi el tekoi el kmal tokubets osisiu el taem el mechuachedel uaia [ringelel].” ¹ Ak bleketakl el ouchais, sel mesaod er a tokubets el ringel a ngiuu osengek e leng uchul a ringel el kuldechelakl er ngii er se el sandei el mle seven-millimeter a klungel el bad er a delek. Ng dirkak a ta el chad el mo chuarm a “uaika el tekoi” el ualsa el mekekerei e beot el tekoi a dilubech. ²

A tekoi lolekoi a Alma a tilab ra medak ele a tekoi el tokubets, el oidel er a English er a Babier er a Mormon, a mesaod er ngii el tokubets el klebokel malechub eng diak a mouaia klebekelel. Ua tia el okesiu, a Joseph Smith a dodengelii el milekoi el kmo a anghel Moroni a uluubail er a mamed el kmal “tokubets el becheleleu,” “el chellelengel a diak a mo uai ngii er tia el beluulechad el bla lesang. ³ Engdi a tokubets a dirrek el sebechel losbech er ngii er a imis el uldirekork el teloi el diak lungil. Osisiu, a Alma me a ngar er bab el dictionary a omech er a tokubets el ringel el mo er a “chouarm,” “telemall,” kurusii,” me a “kurusii” el mo er a “kot er bab el dauch.” ⁴

A olechotel a Alma a ouchais er a meral klemerang el kmo a ta er a taem e a mui, e meringel el ouuchel el reng er a rokui el klengit el deruul a bo dolechesuar. A llemalt a mengeriil er ngii, me a Dios a diak el sebechel ngodechii. ⁵ A Alma er seral dobedebek a “rokui” el kngtil—tokuni aikel ngii a tilemall a klaumerang er a rebebil—a rengelel blar ngii a meringel el motekau, me a uldasuel el kmo ng mo dechor er a medal a Dios a mle er ngii el “diak a mouaingii el dakt.” Ng uluureng el kmo “bol ngemed a bedengel me a delbengel.” ⁶

Engdi, a Alma a dilu el kmo a rokui a ulemuchel el mengodech er a “uldesuel le mengai el mora” ulaoch el kirel a “sel llemei a di imong el Jesus Kristo … el mo melngakireng a kngtil a beluulechad” meng “lilangel er a chelsel a [rengul]: Oi Jesus, kau el Ngelekel a Dios, bom chebkak.” Tiaikid el imo el uldaus me a tial chimo el ongit, ea Alma mlo mui er a “tokubets” el deureng el ngii a “el muut el ngarab er a ringel el blar er [ngii].” ⁷

Ng meral diak el kired lobes el kmo a moktek er a ouchel reng a mo nguu a ringel a meltii el mo mechellings el dureng. Mereng a Sulel er a di “mereched el klungiolel,” ⁸ sel rechedel el de mei er a Kristo—e olecholt er a klaumerang el mo er Ngii me a meral beltel—ea melemall el berredel a kngtid a mo mengai er a ulked e mora Ulkel. Tiang a mo sebechel e le Ngii a diak a kngtil a mlo chouarm er a “diak a ulebengelel el ringel” ⁹ er a bek el klengit er a beluulechad el rokir er bab meou el Blebelel, el kirel a rokui el Blebelel—el klou el ringel, le rsechel a mlomaoch el metuobed er a bedengel. Meng tia el siliseb er ngii lomeruul, ea Osobel a omeklatk er kid, el ngara beches el chedaol llechukl, el kmo ng diak el sebeched el medengelii el kmo kmal “tokubets” el uangerang el “ongarm” a de borngii a lak de bo douchel. Engdi ngokiu a diak a smodii el blekokouii e Ngii a omeketakl el kmo “Ngak, el Dios, a mlo chuarm er a ikal tekoi el kirir a rokui, me lak bol siseb ra ringel alsekum me te mo ouchel a rengrir” ¹⁰ —el ouchel reng el ngii a ngoikid el mo “chormii” sel “ngarbab el deureng” el Alma a chirremii. ¹¹ Er a di tia el osisechakl, “E ak dechor el mechas a renguk.” ¹² E uaisei, el mengasireng, a Kristo a oldars a muut el betok.

Bebil er a taem e a tokubets el ringel a mei el diak el okiu a klengit ng bai ike el meral telitur, el omerollir a rebebil, me a lechub e ng tekoi el diak el sebeched el mekerang el kirel. Tiaikid el taem, eng sebechem el llemangel el uai ngikel melemalt el Psalmist:

“A renguk a oburek er a ringel: me a dektelek er a kodall a mla me er ngak.

“… El dakt el ngii a omekberaod er ngak.

“… Choi omkong mlar ngii a osebekek el uaia belochel! me ak suebek el mo er cheroid, e mo ngara ulengull.” ¹³

A re Omkar, me a counseling, malechub a ousbech ra llach lomeklemalt a sebechel ngosonges a a uaikal ringel. Engdi bo momtab, a rokui el ungil sengk—el uldimuk a ikang—a mlara Osobel el mei. ¹⁴ Ng diak el ior er a uchul a kot el meringel el ringeled me a chelam el rengud, ngike el kot el uchul a oldoseb a osisiu el: Jesus Kristo. Ng di Ngii el tang a oba mui el klisiich me a omekungil chilt el mo mesemechokl a rokui el telitur, omeklemalt a mechebirukel, remuul a diak el mecherrungel el mo ungil, omekchubs a rokui el kltkat, e onger a meoud el klengeltengat. El ua re sioning er a irechar, ak olecholt er a klaumerang er ngak el kmo “kid a diak a ngar er bab el badre el diak el sebechel el merutech el mo melechesuar a ringeled” ¹⁵ ng bai oubeltik el reng el Osobel el ngii a mle er eou er a Kingellel el ngar er bab e mlo “chuarm er a ringel me a ongarm me a ongetikaik er a rokui … , me ng sebechel medengei el kmo … ng mekera bo lolsobel er a rechedal.” ¹⁶

Mo er a ngidi el chad er chelechal el sils el mengarm a kmal meringel el ongarm el ngii a kmal ngodech el kau a omdasu el kmo ng diak a chad el sebechel el ungil medengei, ng ngar er ngii a ungil moktek er kau. Ng locha diak a rechedal a telungalek, sechelei, me a lechub eng merredel er a priesthood—el diak el ior er a kmo kmal uangerang el lomekerreu e ungil a moktek er tir—techa medengei el kmo ngera ke kmal el omelechesiu me a lechub e ng kmal medengei aikel kltukl el tekoi el mo ngosukau. Di bo modengelii tiang: ngar er ngii ngike el di Chimong el ungil medengei aike el om chelbangel, el ngii a “lmuut el mesisiich er a rokir el beluulechad,” ¹⁷ e ngii a “sebechel remuul a lmuut el betok e chengelakl er a ike el [kau] a olengit me a omomdasu.” ¹⁸ Tial teletelel a mo mekedmokl el ngara Rolel me a Temel, engdi a Kristo a blechoel el dechor e kldmokl el mo omekungil a bek el berredel me a teletelel a ringel el omongard er ngii.

Sel om kengei er Ngii, e ke mo mesang el kmo a ringelem a dimlak di bol mechoit. Mengedecheduch el kirir a rebetok el ungil rechad er a Biblia me aike el kngtil a rengrir, a Apostol el Paulus a melekoi el kmo a “Dios … a milsterir a bebil er a ungil tekoi el okiu a ringelir, le lak a ringel e ng diak el sebechir el mo mecherrungel.” ¹⁹ Momes, sel kmal teletelel a Dios me a moktek er ngii el kirel a klengar er kid er a beluulechad a deureng, ²⁰ e ng di ng diak el sebeched el mo cherrungel el chad er a chedaol deureng a lsekum e ng diak a tekoi el duubech el melasem er kid, a lebebil e ng kmal me subechii er a rengud. El Paulus a dirrek el millekoi el kmo a Osobel a Ngii a milruul el mo er a diak a ulebengelel “cherrungel [el ungil] el okiu a klechuarm.” ²¹ Me bom klekar er a omengelulau er a diablong el kmo sel sekum kau a kedung el chad, e ke mo imikr a ikal ongarm.

Ng kirem el dirrek el omtok er a blulak el tekoi el kmo ringelem a belkul a kmo ke dechor er a ikrel a retelukt er a Dios, el tir a le ualsa el dil kloi er a klengeltengat el mo er a tang. Ke bai, omes er kau el uaia Johanes el chad er a Ocholt el ngii a meral milsang a ocholt er a uriul el klebesei. El Johanes a milsa “a klou el cheldellir a rechad, el diak a chad el sebechel mochur, er a rokui el beluu, me a telungalek, me a rechad, me a ngor, [el tir] a mle dechor er medal a korone, me a Sib, el oubail a becheleleu el mamed, … [el tir] a lilangel el mo klou, el melekoi, Osobelam el mo er a Dios er kemam.” ²²

E sel loker: “Ngera tirka el tir a oubail a becheleleu el mamed? e mlarker el mei?” A Johanes a ngiluu a nger: “Tirka tirkel tilobed er a klou el ringel me a ongarm,e mla remisou a memedir, e remuul el mo becheleleu er a resechel a Sib.” ²³

Roda me a rodos, bom blechoel el medengei el kmo, a ngara ringel el kirel a llemalt a ngosukau meng mo sebechem, e bai diak el loleakl er kau er a, omelilt er a Dios. E remuul a yaksok er tir el mo yaksok er kau. A denguu er a Johanes, e kau “a mo diak molsengerenger, me a ka bol meched a rengum; me a sils a ka lo luiich er [kau], malechub a kleald. “Ele a Sib el ngara delongelir a mo omeka er [kau], e momekrael er [kau] el mora ngar el madedok: ea Dios a mo smuld a chiuosech er a [medam].” ²⁴

“E sei e ng mo diak a kodall, me a klengit el reng, me a langel, me a dirrek el ringel meng mo diak.” ²⁵

Ak sioning lekor kau el kmo ngokiu a uldirkork el klungiolel a Jesus Kristo me a cherechar el Tngakireng er Ngii, eng sebeched el imiu er a blad uker el ringel er a rengelel a klechad e momesisiich er a ringel er a klechad. Ngara cheungel a Derderel, e a chedaol el blingelem a tang el diak a tekoi el sebechel mo mengaisisiu er ngii e diak el sebeched el metebengii el deureng—el deureng el kmal klou e ungil el mo er kau, el kltukl el “bas” er kau el mo chemolt “el muut el chengelakl er a ngidi el tekoi er a beluulechad.” ²⁶ Me ke mo choremii tia el deureng e mo mui er ngii el mo cherechar, ak siotai er kau el mo meruul er sel luruul er ngii a Alma: el mecherei a uldesuem meng di ngii el orekedii sel tokubets el sengk er a Ngelekel a Dios el ngii a chemolt el okiu a ebangkelio er Ngii, el klemerang e ngar er ngii el Ikelesia er Ngii. El ngara a ngklel a Jesus Kristo, bol uaisei.