Moreked a Derngel a Udoud
Ng okiu a Jesus Kristo, e ng meskid a klisiich el mo meruul aika el diak a ulebengelel el bult. Sel ngariou e rengud e debo er Ngii, e Ngii a smisiich a teleteled el mo omult a rengud.
Rodos, ng klou el deureng el me obengkemiu.
Ka momdasu a mora stouang el mo omechar er a klalou. Alsekum e ng harau er a chad er a stoang el muut el klou er a cheral tia el klalou, e a chad er a stoang a muut el mesang a otsuri er ngii.
A King Benjamin a ulisechakl er a rechedal el ngara chuodel beluu er a Merikel er a klou el klengeltengat el dolai el ngara Osobel, el Jesus Kristo. Ngii a milebii a eanged me a chutem me a rokui el ngii a klebokel el doldeu a rengud er ngii. 1 Okiu a oubeltik el reng el Tngakireng er Ngii, Ngii a meskid a rael el kid a mo suobel er a kodall me a klengit. 2 Me sel doureng a saul el mo er Ngii lokiu a blakelreng el kiei loltirakl a llechul, eng di mereched lomekngeltengat er kid, me kede mo medechel el blechoel el di belsel.
Ngii a meskid a, kmal lmuut el betok er sel kid a odersii el mo er Ngii. Malesausei, e ngera sebeched el nguu el msang, Ngii el mlo mengkad er a mekreos el cheral a kengtid? Ng sebeched el msang a beltel a reng. Ng sebechel el msang a belted a rengud. Ng sebechel beltel a uldasu, bultel a blekeradel, malechub eng bultel omeroled. El sel ultechei el kirel a mekreos el cheral a kngtid el mo er Ngii, a Rubak a olengit er kid el kirel a bult el reng. Sel omelodech el Ngii a olengit er kid a diak el bo le Klungoiolel, ng bai merkid. Me a leuaisei, el diak el uai ngike el omechar a klalou er a stoang el ngii a mo ngmai a otsuri el kid el debsang, a chubechub el Osobeled a olengit er kid el di ngmai a otsuri.
Uriul er a lorrenges a tekingel a King Benjamin, ea rechedal a lilangel, e lolecholt el kmo a rengrir a mla mengodech el dilu el kmo, “Leng Reng er a Rubak lolab a bek el klisiich, a mla rullemam el morngii a klou el ngodech er kemam, … meng mla mo diak er a uldesuam el meruul a mekngit, e bai di mo blechoel el meruul a ungil.” 3 A chedaol llechukl a diak el dul uase te di mle mereched el mecherrungel, ngbai, sel ngii a sorir el mo obult a rirelterir el mo ouedikel kirel. A beltel a rengrir a belkul a mo mechei a di klechad el sechal malechub a redil e mo melasem el merael el mouaia Jesus Kristo.
A President Henry B. Eyring a olisechakl: “A meral bult a ultuir er a mimokl losiik el ngara klaumerang, loba blakelreng me a bebil er a ringel. Ea Rubak ngii ea sebechel lodars … a ongasireng er a omekbeches me a bult.” 4 Oldak er a blakelreng er kid me a Osobel el sebechel ngodechid, e kid a nguu a beches el klengar.
Sera kekerei, e ak ulemes er ngak el merael er a kongesachel, melemalt el rael el bedul a moktek er ngak el diak a ulebengelel klengar. Sel bek el taem el ngak a rulii malechub ak dulii a mekngit, e ak omelchesiu er ngak loltitenganged el bedul iou er tial rael, e kuk le muut er a uchelel omerolek. Ng kmeed el uasel de siseb er sel imol skak er sel klokolir a rengalek el Chites ma Ladders el kau oltitenganged ra chetebtel el meriou el mora uchelel a klekool. Ng meral mle mekngitl! Engdi sera korael el mo ungil medengelii a osisecheklel a Kristo 5 e mekera kusbech er a klengar rengak ra bek el sils, e ak mol metik er a reng er a oureng.
A Jesus Kristo a mla meskid a melemolem el teletael er a bult. Ngii a omekedong er kid el mo ngara klaumerang er Ngii , el ngii a mo mekrolid el mo ouchel a rengud—“le tial klaumerang me a ouchel reng a otebedii a beltel a reng.” 6 Me se el bo douuchel a rengud e debult a rengud el mo er Ngii, e kid a mo klou a rengud el soad el meruul e kiei er a chedaol telbiil. Kede outekangel el mo er a ulebengelel el melemolem el meruul aika el teletael er a chelsel a klengar er kid e olengit er a Rubak meng omult er kid. A outekangel el mora ulebongel a belkul a obult el moral ulebongel. Chelechang e ak mla mo medengei el kmong diak kumuchel er a uchelel a ikel bek el taem el di mlak el sebechek, engdi a ikel bek el taem el kulasem, e ak melemolem er a teletelel a beltek.
Ngarngii a mlukrael el tekoi el ngara sel moktek er a Rengeasek el Redil el mesisiich el tekoi el kmo, “ak mekreos er ngak a sengk er a ouchelreng me ak osiik rolel e merael moungil er a bek el sils.” 7 Ak meluluuch meng mo mekreos tial klebokel e kid a meral ngarngii ra rengud e mo obult. Sel bebil ea bult el kired el meruul a obengekel a oberaod el klengit. Engdi blechoel, kid a melasem meruul el moungil a blekerdeled lomeklemalk er kid er a blekerdellel a Jesus Kristo. A dolilt er a bek el sils a mo ngosukid malechub eng tomelii a omeroled el moungil. Mekekerei e ng di ng mesisiich, ea ikel dolodech a ngosukid el moungil. Lak bol seselk a rengum. A beltel a klengar er kid a kemanget. Ngungil a renguk e le a ikel ringel de siseb er ngii el mo obult, a Rubak a klou a rengul el kired.
Ng okiu a Jesus Kristo, e ng meskid a klisiich el mo meruul aika el diak a ulebengelel el bult. Sel ngariou e rengud e debo er Ngii, e Ngii a smisiich a teleteled el mo omult a rengud.
A uldekial tial klisichel omelodech el Tngakireng er a Osobel, a Chedaol Reng a mo olngeseu e mengetikaik er kid sel le blak a rengud. Ngii a mo ngusukid el mo medengei el kmo ngera ikel kired el mo melodech. Ng dirrek el sebeched el metik a ngesou me a odubech lokiu a klengeltengat er a priesthood, nglunguuch, me a mora templo.
Dirrek, a doumerang er tir el chad ra blid, roungerachel, me a resechelid a sebechir lolngeseu er a blakelreng er kid el mo obult. Sera le eai a rekid, ea obekuk, el Lee, me a ngak a blechoel milil lobengterir a re sechelimam er a rechelel a kerrekar er a belumam. Ng somam el dmak lobengterir a re sechelimam er a kerrekar el mechuu. A tara klebesei, ea Lee e rirebet er tial kerrekar el mecham chimal. Chelechal chelam chimal eng mle meringel er ngii el di ngii el ngoimeklii tial kerrekar. E ng di a klengar er a chetebtel tial kerrekar a diak el bolosisiu sel le dibus. Me a bebil er kemam a odubech er a ulekel e a rebebil a mengurs er tial lungil chimal, ng di mle beot, ea Lee a mocha er a chetebtel a kerrekar. A chimal a dirk chelam, eng ding liluut el me obengkemam lungil a rengul e mengiil ra chimal el mo mechubs.
Ak blechoel lomdasu er a teletelam er a ki mousekool el mora chetebtel a kerrekar el uaia bedengel a teletael er a chelsel a ebangkelio er a Jesus Kristo. Ngara ikel mechuu el rechelel, ea ki oldeu a rengmam er a klengeltengat lobengkel a telbilam. A rebebil a locha mla ruebet er a ikel ulekerreuil a telbilir e ousbech a ngelseuid el melemiakl el mora ulekereuil a ebangkelio. Ng sebechel mo meringel er tir el lemuut el mei sel dil tir. Kid ng sebeched el mekekokid el odbechii e ongesechii el mo er bab e olngeseu er tir el moungil e kaukledem lobengekd?
Alsekum ke meringel er a telmellem er sera omrebet, e kulengit me bechetiterir a rechad mel ngesukau el lemuut el mora ikel telbiil me a klengeltengat el ngarngii. A Osobel a sebechel ngosukau el mo ungil e mengodech e iliuekl er a rebetik a rengrir er kau.
Ak blechoel el mesterir a resechelik el dirkak kisterir el betok el rak. Sel bebil e te kmo, “Kau a meral dirkak ko mengodech!” Sel tal krengesii tiang, eng mengurs a bedengek, e le a kuureng el kmo ngak a mla mengodech er a ikal betok el rak. Ak kuureng el mla mengodech er sera chelii! Ak kuureng el kmo ak mla mo telkib el bekokouii, diak sal di merritel, e mengai el mla mo ubechubechad. Ak kuureng el mla mo mereched a ulengesouik el mora rousbech a ngesou, e oureng el kmo ak mla mo telkib el klou a renguk.
Ng meral soak el merael er a rois el kmeed er a blimam. Ak blechoel, el metichekl a mekekerel bad er a orecherek sel korael. Ma, kmo stob e sirsii a chorcherek. Eng ding mo mechas a renguk er ngak el mechikak me ak meketeket el di meringel e di merael ruchei er a bok stob ek ngebetii tial mengesang er ngak.
Sel dorael er a rael er a telbiil, a lebebil e kede ongatk a bad er a oechered el ngii a reua mekngit el kse, klengit, malechub a mekngit el blekeradel. Sel recheded el smirs el otobed er a klengar er kid, e ng meral mo mui er a deureng a klengar er kid.
A melemolem lomult a rengud a meringel lurreor. Ng diak el sebechek el medesuii a mo stob er a rael e lmuut el locha choecherek a ikal seselk a rengud er ngii lomeskid a ringel el chidudes el dirk de chiloit. Ng diak el soak el lmuut el rulii choua tiang el di uaia klebokel el bangikoi el diakl lolitl a lmuut el mor sel mle blil er a dirk lengais.
Ak kuuchais el kmo a Jesus Kristo ngii a uchul, e kid a sebeched el obult. Ng sebeched el merech a teleteled, ngmodech a uldesued, e miich a teleteled el meral mo uai Ngii. E okiu a ulengesouil, eng sebeched el melemolem el omult a rengud. El ngara a ngklel a Jesus Kristo, bol uaisei.