Añembo’e Ha’e ñandepuru hag̃ua
Umi ñeha’ã joja oikóva michĩramo jepe ogueru heta mba’e porã, ombotuichave umi mba’e peteĩteĩ ojapóva Jesucristo discipulo-háicha.
Ko galletíta ojejapóva masa filo ha pistacho-gui ha’e peteĩ agradecimiento-rã. Ojejapova’ekue familia Kadado-re umi, dékadare, ha’eva’ekue mbohapy panadería jára Damasco, Siria-pe. Og̃uahẽvo guerra, peteĩ bloqueo ndohejái umi hi’upyrã ha suministro og̃uahẽ táva oĩháme hikuái. Kadado-kuéra oñepyrũ omano vare’águi. Ko situas ipy’aropuvehápe, Santokuéra Ára Pahapegua Karidakuéra ha peteĩ personal Rahma opa mundogua ipy’aguasúva oñepyrũ oservi peteĩ tembi’u aku ára ha ára, kamby reheve umi mitã michĩvévape g̃uarã. Peteĩ moménto hasyete rire, pe familia oñepyrũ hekove, upéicha avei ipanadería, peteĩ jeyve peteĩ tetã pyahúpe.
Ramoite, peteĩ galletíta káha og̃uahẽ Tupaogua oficina-pe ko mensaje reheve: “Mokõi mése aja, rohupyty tembi’u Santokuéra Ára Pahapegua Rahma-pegua kosinágui [Karidakuéra]. Hese’ỹ, romanova’erãmo’ã vare’águi. Peasepta ko … che tiénda jehechauka michĩmiramo jepe ohechauka peteĩ aguyjeme’ẽ. Ajerure Tupã ipu’akapáva tapenderovasa …opa umi mba’e pejapóvape.”1
Peteĩ galletíta aguyjeme’ẽ ha mandu’a rehegua. Iporãva peẽme g̃uarã Opa umi oñembo’évape ohechávo peteĩ historia noticia-pe, opa umi ojeofresévape voluntario-ramo okonveni’ỹ ramo jepe térã umi vy’a reheve ome’ẽva pirapire fondo humanitario-pe; ojeroviágui ojejapotaha peteĩ mba’e porã, aguyje.
Responsabilidad divina oñangareko hag̃ua imboriahúvare
Jesucristo Tupao oĩ mandato divino guýpe oñangarekóvo imboriahúvare.2 Ha’e peteĩva umi obra de salvasiõ ha exaltasiõ pilar.3 Pe añeteva’ekue Alma árape, añete avei ko’ág̃a: “Ha péicha, iñakãrapuʼãme, ndohejareíri hikuái avave ijopívova, térã iñembyahýiva, térã ijyʼuhéiva, térã hasýva, térã noñemongaruivaʼekuépe; ha haʼekuéra nomoĩri ikorasõkuéra umi pirapirére; upévare haʼekuéra ipojera opavave ndive, itujáva térã imitãva, ojejokuáva térã isãsóva, kuña térã kuimbaʼe, haʼéva tupaogua térã umi tupaoguaʼỹva ndive, ha ndojapói hikuái mbojoavy avavére oikotevẽramo.”4
Tupao ombohovái ko kárgope heta hendáicha, oikehápe:
-
Ministración ojejapóva Sociedad de Socorro, sacerdocio quórumes ha clase-kuéra rupive.
-
Ajúno ha ajunokuéra ofrenda jepuru.
-
Umi bienestar rehegua granja ha hacienda ganadera.
-
Centro de acogida-kuéra umi inmigrante-pe g̃uarã.
-
Rehabilitación umi oĩvape g̃uarã cárcel-pe.
-
Tupao ñeha’ã umanitario rehegua.
-
Ha pe aplicación JustServe, ombojoajúva umi voluntario ñeipytyvõ oportunida ndive.
Opa ko’ãva, oñemohenda sacerdocio rupi, umi ñeha’ã joja michĩmi orekóva tuicha impacto, ombotuichávo heta mba’e peteĩmi jajapóva Jesucristo discípulo-kuéraicha.
Profetakuéra oreko mayordomía opa yvy ári.
Profetakuéra oreko ikárgope opa yvy, ndaha’éi Tupao miembro-kuérante. Ha’ekuaa peẽme ahechaháicha mba’eichaite pevépa ha’ekueraite poriahuvereko reheve pe Primera Presidencia ojapyhy upe kárgo. Hetavévo ohóvo tekotevẽ, Primera Presidencia o’enkarga oréve torombotuichave ore alcance humanitario ohupytyve hag̃uáicha Oñeimporta chupekuéra umi mba’eguasu oikóva ha umi detálle michĩvéva.
Ramoite, rogueru chupekuéra peteĩva umi bata médica protectora Beehive Clothing ombovyvýva ojepuru hag̃ua umi hospital-pe pandemia aja. Médikoháicha, presidente Nelson oikuaasete. Ndaha’éi ohechasénteva. Otantease, ohecha umi ipúño ha ipukukue ha mba’éichapa oñeñapytĩ ijatukupépe. Upe rire he’i oréve, emoción iñe’ẽpu reheve, “Peñembyatývo umi tekove pene asignacion-pe, peagradese chupekuéra iñajúno, ijofrendakuéra ha iministerio Ñandejára rérape.”
Informe humanitario
Presidente Nelson dirección guýpe, amombe’u peẽme mba’éichaitépa Jesucristo Tupao Santokuéra Ára Pahapegua ombohovái hína umi huracan, terremoto, refugiados ñemongu’e avei peteĩ pandemia, umi Santos de los Últimos Días ha hetaite amígo amabilidad rupi. Umi 1,500 rasa de COVID-19 proyecto-kuéra ha’éramo jepe pe Tupao fóko pytyvõrã umi 18 mése ohasávape, tupao avei ombohovái 933 desastres naturales ha refugiado-kuéra crisis 108 tetãme. Ha katu estadística-kuéra nomombe’upái upe historia. Pehejami chéve takomparti cuatro ejemplo mbykymi ohechaukávo sabor michĩmínte jepe ojejapóvagui.
COVID alivio Sudáfrica-gua
Dieke Mphuti, dieciséis áño orekóva, Welkom, Sudáfrica-gua, operde ituakuérape ojapo heta áño, ohejávo chupe ha’eño oñangareko hag̃ua mbohapy iñermáno michĩvévare. Akóinte ijetu’u ojuhu hag̃ua tembi’u ohupytýva, ha katu pe COVID suministro ha cuarentena aja hasyvéntema. Py’ỹi iñembyahýi ikuái ha oikeve umi vesinokuéra py’aporãrente.
Peteĩ ára ikuarahývape agosto 2020-pe, Dieke oñesorprende peteĩ hokẽme ñembotáre. Oipe’a ha ojuhu mokõi oikuaa’ỹva: peteĩva, peteĩ Tupaogua representante oficina de área -pegua Johannesburgo-pe ha ambuékatu, peteĩ funcionario Departamento de Desarrollo Social Sudáfrica-pegua.
Mokõivéva organizacion ojoaju ogueraha hag̃ua tembi’u umi ogapy ohasa’asývape. Pe alivio omyenyhẽ Dieke-pe ohechávo ijaty avati ku’i ha ambue hi’upyrã oñeikotevẽva, ojejoguáva’ekue umi Tupao fondo humanitario-gui. Kóva oipytyvõta chupe omantene hag̃ua ifamilia heta semana aja ou peve peteĩ pakéte gobierno ñepytyvõ rehegua.
Dieke historia ha’e peteĩva umi mile apytépe ojehúva opa mundopýre COVID pandemia aja gracia umi pende consagrada contribucion-re.
Ñeipytyvõ afganistán-gua Ramstein-pe
Opavave jahechákuri ta’anga oikoramóvagui noticia-kuérape umi mile umi evakuádo rehegua oúva Afganistán-gui. Heta og̃uahẽ umi base aérea térã ambue henda sapy’águi Qatar, Estados Unidos, Alemania ha España-pe okontinua mboyve hapekuéra. Hemikotevẽ pya’ete hikuái ha Tupao ombohovái suministro ha voluntario-kuéra reheve. Upe Fuerza Aérea Base Ramstein Alemania-pe, Tupao heta omog̃uahẽ ñeme’ẽramo pañalekuéra, fórmula mitãra’ýpe g̃uarã, hi’upyrã ha sapatukuéra
Hermana-kuéra Sociedad de Socorro-pegua ohecha heta kuña afgana oipuruha hína imenakuéra kamisa ojaho’i hag̃ua iñakã umi igórro tapia okañýgui chuguikuéra sarambihápe Kabul aeropuerto-pe. Peteĩ amista rembiapo ohasáva umi frontera religiosa térã cultural, hermana-kuéra Primer Barrio Ramstein-pegua ijaty ombovyvy hag̃ua ao musulman tradicional kuñanguéra afgana-pe g̃uarã. Hermana Bethani Halls he’i, “Rohendu umi kuñanguéra oikotevẽha ao ñembo’épe g̃uarã ha rombovyvy hína ikatu hag̃uáicha [oñeñanduporã] oñembo’évo.”{5
Terremóto Haití-pe oñembohováivo
Ejemplo oúva ohechauka natekotevẽiha ñandepirapire heta térã ñandetuja ikatu hag̃ua oiko ñandehegui mba’eporã rembipuru. Marie “Djadjou” Jacques, dieciocho áño orekóva, ha’e Cavaillon sucursal-gua Haití-pe. Pe terremoto vaiete ombota jave ag̃ui itávagui agosto-pe, ifamilia róga ha’e peteĩva umi decena miles ho’ava’ekue. Ndaikatúi ñañeimagina upe py’aropu oúva operdévo hóga. Ha katu ho’arãngue py’aropúpe, Djadjou, ojerovia’ỹ haguáicha, omaña oka gotyo.
Prensa Asociada
Ohecha peteĩ ivesíno itujáva olucháva hína ha oñepyrũ oñangareko hese. Ha’e oipytyvõ ambuekuérape oipe’a hag̃ua umi escombro. Ikane’õitereírõ jepe, ojoaju ambue Tupaogua miembro-kuéra ndive ome’ẽ hag̃ua hi’upyrã ha kits ñemopotirã ambue tapichakuérape. Pe Djadjou historia ha’e peteĩnte umi hetaite ejemplo mbarete servicio oñeme’ẽva umi imitãva ha imitã kakuaávare oñeha’ã aja hikuái osegi Jesucristo ejemplo.
Alemán inundacion aja ñeipytyvõ
Sa’i semana terremoto mboyve, ambue imitã kakuaáva aty ojapohína peteĩ servicio peichagua ambue Atlántico ládope. Umi inundación ombotava’ekue Europa occidental-pe julio-pe ha’e umi ivaivéva dékadape
Umi y oguejýramo ipahápe, peteĩ comerciante upe táva ribereña Ahrweiler, Alemania-gua, ohechakuaa umi dáño ha opyta vaiete. Ko kuimba’e humilde, peteĩ católiko atã, oñembo’e mbeguemi Tupã ikatu hag̃uáicha ombou peteĩvape oipytyvõ hag̃ua ichupe. Upe rire pyhareve, presidente Dan Hammon Misión Alemania Frankfurt-pegua og̃uahẽ kállepe peteĩ aty michĩmi misionero-kuéra ndive omondéva ao sa’yju Manos que Ayudan-pegua. Pe y ohupytýkuri 10 pie pe comerciante parekuérare, ohejávo peteĩ kápa tuju iñanambusúva. Umi voluntario-kuéra oipe’a tuju peteĩ pálape, oipe’a upe alfombra ha umi paneles yeso-guigua ha omono’õmba kállepe ojerretira hag̃ua. Upe comerciante henyhẽva vy’águi omba’apo hendiekuéra heta hora pukukue, oñemondýivo Ñandejára ombouhague peteĩ siervo-kuéra aty ombohováivo iñembo’e, ha 24 hora-pe6
“Néi, añembo’e Ha’e ñandepuru hag̃ua”
Oñe’ẽvo umi ñeha’ã humanitario tupaoguágui élder Jeffrey R. Holland he’i peteĩ jey: “Umi ñembo’e oñembohovái … heta ára … Tupã oipurúvo ambue tekovekuérape. Néi, añembo’e Ha’e ñandepuru hag̃ua Añembo’e ñande ha’e hag̃ua ñembohovái umi tekove ñembo’épe g̃uarã.”7
Hermanos ha hermana-kuéra, iministerio rupive, donaciones, tiempo ha mborayhu, ha’eva’ekue ñembohovái heta ñembo’épe g̃uarã. Ha, upéve, oĩ heta ojejapova’erã. Tupao miembro-kuéra ikaraímavaicha, jareko konvenio ñañangarekóvo umi oikotevẽvare. Ñande ñeha’ã peteĩteĩ noikotevẽi katuete pirapire térã ñaime mombyry8oikotevẽ Espíritu Santo gía ha peteĩ korasõ he’íva Ñandejárape “Ápe aime, chembou.9
Pe áño oĩporãva Ñandejárape g̃uarã.
Lucas 4 omombe’u Jesús og̃uahẽhague Nazaret-pe, okakuaa haguépe, ha oñembo’y sinagoga-pe olee hag̃ua. kóva ojehu Iministerio terrenal ñepyrũme, ha Ha’e he’i peteĩ Isaías libro pasáhe:
“Ñandejára Espíritu oĩ che ári, che’unhigui apredika hag̃ua pe evangelio imboriahúvape; chembou amonguera hag̃ua umi ikoraso oñembyasývape, apredika hag̃ua liberación umi isãso’yvape, ha ombohecha jey hag̃ua umi ohecha’yvape, omoĩvo sãso umi herido-pe.
“Apredika hag̃ua pe áño iporãva Ñandejárape g̃uarã. …
“… Ko ára oñekumpli ko Escritura pende apysápe.”10
Atestifika Escritura-kuéra avei oñekumpliha ñane tiempo-pe. Atestifika Jesucristo ou hague omonguerávo umi ikorasõ ñembyasývape. Iñevanhélio ha’e ome’ẽ jey vísta ohecha’ỹvape. Itupao opredikava’erã liberación isãso’ỹvape, ha Idiscípulokuéra opa múndore oñeha’ã omosãso hag̃ua umi herido-pe.
Pehejami chéve tamohu’ã ha’e jeývo ko porandu Jesús ojapóva ijapóstol Simón Pedro-pe: “Cherayhúpa?”11 Pe evangelio esencia oĩ upe mba’éichapa ñambohovái ko porandu ñandejupe ha “ñambo’e [Ijo] ovechakuérape12 Tuicha reverencia ha mborayhu Jesucristo ñane Maestro-re, poinvita peteĩteĩme taha’e parte pe Iministerio hechapyrãvagui, ha añembo’e ñandepuru hag̃ua. Jesucristo réra sagrado-pe. Amén.