Fe ojejerure hag̃ua ha upéi ojejapo

Che hermano ha hermana-kuéra pohayhuetéva, che aguije ikatu haguére añe’ẽ penendive ko conferencia general sesiõ sábado pyhareguápe. Iñintroducción conferencia-hápe ko pyhareve, presidente Russell M. Nelson he’i pe “rrevelasiõ potĩ umi porandu pene korasõme oĩvape g̃uarã ojapóta ko conferencia taiporãve ha ojehesarai’ỹva. Ndapehekáirõ gueteri Espiritu Santo ministrasiõ penepytyvõ haĝua pehendúvo Ñandejára oipotáva pehendu ko’ã mokõi árape, poinvita pejapo haĝua ko’áĝa.”¹ Ahekákuri ko jehovasapy añembosako’ívo amog̃uahẽ hag̃ua rrevelasiõ ko visitarã penendive. Che ñembo’e añete ha’e peẽ tapehupyty rrevelasiõ Tupãgui.

Pe tape ñamog̃uahẽ hag̃ua rrevelasiõ Tupãgui naiñambuéi Adán ha Eva ára guie. Péicha avei opa umi oñehenoiva’ekue Ñandejára siervo-pe g̃uarã ñepyrũmby guie ko ára peve. Peicha avei peẽ ha chéve g̃uarã. Akóinte ojejapo oñemomba’apóvo fe.²

Mitãrusu José Smith oreko fe ohupytýva ojapo hag̃ua peteĩ ñeporandu Tupãme, oimo’ãvo Tupã ombohovaitaha hemikotevẽ añetevévape. Pe ñembohovái og̃uahẽ’akue omoambue múndo. Oikuaase mba’e tupaórepa ojoajuva’erã oñemopotĩ hag̃ua pekádogui. Ñembohovái omog̃uahẽva omokyre’ỹ chupe oporanduve porãve hag̃ua ha ojapo hag̃ua umi rrevelasiõ ouháicha.³

Ikatu upe ojehuva’ekue ojogua ko conferencia-pe. Peguereko ñeporandu oikotevẽva ñembohovái Peguereko upe fe ohupytýva pemog̃uahẽ hag̃ua ñembohovái Ñandejáragui Isiervokuéra rupive.⁴ Ndapeguerekóiramo jepe oportunida pejerure mbarete hag̃ua umi ñembohovái umi oñe’ẽvagui, ikatu peporandu pene Ru penderayhuetévape ñembo’e rupive.

Aikuaa experiencia rupi umi ñembohovái outaha peikotevẽháicha ha pene ñembosako’i espiritual-háicha. Peikotevẽramo peteĩ ñembohovái iñimportánteva pene ñeimeporã ijapyra’ỹvape g̃uarã térã ambuekuérape g̃uarã, ikatuve upe ñembohovái og̃uahẽ. Upevére, avei upéramo, ikatu pemog̃uahẽ, José Smith-cha, ñembohovái pene paciente hag̃ua⁵

Pende fe Jesucristo-re ojapo pene korasõ oñemohu’ũ expiasiõ rupive, ikatúta peñandu porãve umi Espíritu ñe’ẽmbegue pene ñembo’e ñembohováiramo. Che experiencia personal ha’e pe ñe’ẽpu mbegue ha ipy’aguapýva hi’añete, hesakã ha oñeikũmbyporã che apytu’ũme añandúvo peteĩ kirirĩ chepype ha peteĩ sumisiõ Ñandejára oipotávare. Upe umilda sentimiento ikatu omombe’u porãve mba’éicha “Ani ojejapo che volunta, sino nemba’éva.”⁶

Ko rrevelasiõ proceso ha’e pe mba’érepa pehendúta umi orador-kuéra ombo’évo ko konferenciahápe hérava Cristo doctrina.⁷ Rrevelasio og̃uahẽ ñandéve ñañeha’ãháicha jagueraha Cristo doctrina ñane korasõme ha ñamoĩ ñande rekovépe.

Penemandu’a Mormón Kuatiañe’ẽ ñanembo’ehague Nefi ñanembo’eha fe Jesucristo-pe ha’eha kláve añetegua rrevelasiõme g̃uarã ha kláve jareko hag̃ua pe jerovia jasegiha hína Salvador dirección. Nefi ohai ko’ã ñe’ẽ siglo onase mboyve Jesucristo hekove yvy áriguápe :

“Angel-kuéra oñe’ẽ Espíritu Santo pokatu rupive; upévare, oñe’ẽ hikuái Cristo Ñe’ẽ. Upévare, haʼe peẽme, penderory Cristo ñeʼẽme; ha péina ápe, Cristo ñeʼẽ heʼíta peẽme opa mbaʼe pejapovaʼerã.

“Upévare, koʼág̃a che añeʼẽ rire koʼã ñeʼẽ, ndaikatúiramo peikũmby haʼéta napeporandúi, ni napehenóigui; upévare, ndapejeguerúiramo tesapépe, pemanovaʼerã pytũmbýpe.

“Ha péina ápe, haʼe jey peẽme peikéramo tapépe, ha oñemeʼẽ peẽme pe Espíritu Santo, haʼe ohechaukáta peẽme opa mbaʼe pejapovaʼerã.

“Péina ápe, kóva haʼe Cristo doctrina, ha noñemeʼẽmoʼãivéima ambue doctrina haʼe ojehechauka rire peve peẽme hetépe. Ha ojehechauka vove peẽme hetépe, umi mbaʼe haʼe heʼítava pejapóta.”⁸

Ñandejára he’íta peẽme ha chéve umi mba’e Isiervokuéra rupi ko ára ha umi ára oútavape. Ha’e he’íta ñandéve jajapova’erã.⁹ Salvador ndosapukamo’ãi ñandéve umi mandamiento ni peẽme ni chéve. Elías ombo’e haguéicha:

“Ha ha’e he’i: Esẽ, ha eñemoĩ Jehová mónte ári. Ha péina ápe, Ñandejára ohasa, ha peteĩ yvytu tuicha ha imbaretéva omondoro umi mónte ha ojoka umi itaguasu Ñandejára renondépe; ha katu Ñandejára noĩrĩ yvytúpe; ha yvytu rire peteĩ yvyryrýi; ha katu Ñandejára noĩrĩ yvyryrýipe:

“Ha yvyryrýi rire peteĩ jehapy; ha katu Ñandejára noĩrĩ tatápe: ha tata rire peteĩ ñe’ẽpu mbegue ha ivevýiva.”¹⁰

Ñahendu umi ñe’ẽ odependéta ñande fe-gui Hese. Fe iporãmavare, jajeruréta dirección jarekóvo intención jahávo ha jajapo Ha’e ojeruréva.¹¹ Ñamongakuaa fe jaikuaa hag̃ua oimeraẽ mba’e Ha’e ojeruréva ohovasátava ambuépe, ha ikatúva ñañemopotĩ upe proceso-pe Imborayhu rupive ñanderehe.

Ñande fe Jesucristo-pe ñandeguerahátagui jajerure ñembohovái Túvape, pe fe avei oguerúta upe Salvador tóke vevýi ñahendu haguáicha Idirecciõ ha ñaime determinado ha emocionado ñaneñe’ẽrendúvo. Upéi japurahéita upe himno letra vy’a reheve, uvei pe tembiapo ipohýi jave: “He’ẽ’asy pe tembiapo, che Tupã, che Réi.”¹²

Jarekovévo jahávo Cristo doctrina ñande rekove ha ñane korasõme, hetave mborayhu ha jeguerohory ñañandu umi araka’eve ndorekoiva’ekuére fe Jesucristo-pe rovasapy térã oluchavahína omantene hag̃ua. Hasy Ñandejára mandamientokuéra ñeñongatu ha jajerovia Hese. Oñemokañývo ohóvo fe Salvador-re, ikatu uvei ojeataka Iñemoñe’ẽ, oñehenóivo iporãvape ivaíva ha ivaívape iporãva.¹³ Ja’evita hag̃ua ko jejavy vaiete, ifundamental pe revelación personal pensamiento ári ha tembiapokuéra toĩ umi Ñandejára ha Iprofetakuéra ombo’eháichandi.

Hermano hermana-kuéra, oñeikotevẽ fe oñeñe’ẽrendu hag̃ua Ñandejára mandamientokuérare. Oñeikotevẽ fe Jesucristo-re oservi hag̃ua ambuekuérape Chupe g̃uarã. Oñeikotevẽ fe oñesẽ hag̃ua oñembo’e Iñevanhélio ha oñekuave’ẽ umi tekove oiméne oñandu’ỹvape upe Espíritu ñe’ẽpu ha uvei onegáva pe mensaje añeguaha. Ñamomba’apóvo jahávo ñande fe Cristo-re ha jasegi Iproféta oikovévape, pe fe okakuaavéta opa mundopýre. Tecnología rupi, ikatu hetave Tupã ra’ykuéra ohendu ha ohechakuaa Tupã ñe’ẽ ko semána pahápe oimeraẽ ambue áragui historia pukukue.

Peteĩ fe tuichavévare ára ha ára ko tupao ha’eha Ñandejára mba’e ha rréino yvy ári, hetave miembro-kuéra opaga diezmo ha odona oipytyvõ hag̃ua oikotevẽvape, uvei ko’ã miembro-kuéra ombohováirõ ipruebakuéra. Fe oñehenoihague Jesucristo-re, misionero-kuéra opa mundogua ojuhu mba’éichapa osuperáta hikuái umi desafío oguerúva peteĩ pandemia, ojapóvo py’aguasu ha torýpe. Ha iñeha’ãvéme, ife oñemombarete.

Pe oposición ha prueba-kuéra ha’e heta ára aja peteĩ semillero okakuaa hag̃ua pe fe. Upéva akóinte upéichakuri, especialmente oñepyrũ guie pe Ñandejára Tupao Rrestaurasiõ ha fundasiõ.¹⁴

Pe presidente George Q. Cannon he’íva heta árama añete ko ára ha ha’étava ou peve Salvador personalmente odirihí hag̃ua Itupao ha Ipuéblo: “Pe Evangelio ñe’ẽrendu oraha [héntepe] peteĩ relación ag̃ui ha íntimava Ñandejárare. Omoĩ peteĩ conexión hi’ag̃uivéva kuimba’ekuéra yvyýpe ha ñande Creador tuichaitéva yvágape. Ome’ẽ kuimba’e apytu’úpe peteĩ sentimiento ojerovia porãva Todopoderoso-re ha Idisposisiõme ohendu ha ombohovái hag̃ua umi ojeroviáva Hese ñembo’e. Prueba ha dificulta árape, ko jerovia ndaiprésioiva. Umi problema oukuaa peteĩvape térã pueblo-pe, pe desastre ikatu o’amenasa ha opa esperanza humana ha’ete vaicha ojeity; upévere, hénte ojevaléva umi privilegio oguerúvare Evangelio ñe’ẽrendu, oreko peteĩ tenda segúro; umi ipy oĩ peteĩ itaguasu ári ikatu’ỹva oñemomýi.”¹⁵

Che testimónio ha’e itaguasu ñañembo’yha ári ha’éva ñane testimónio Jesús ha’eha pe Cristo, kóva ha’eha Itupao ha’ete odirihíva, presidente Russell M. Nelson ha’éha Iproféta oikovéva ko árape.

Presidente Nelson oheka ha omog̃uahẽ Ñandejára dirección. Ha’ chéve g̃uarã peteĩ ejemplo ohekáva upedirección determinación osegi hag̃ua reheve. Upe determinasiõ iñe’ẽrendu hag̃ua Ñandejára dirección-re oĩ avei opavave korasõ oñe’ẽva’ekue térã oñe’ẽtavape, oñembo’e térã opurahéitava ko Itupao conferencia general-hápe.

Añembo’e opa múndo ohecha ha ohendúva ko conferencia toreko pe Ñandejára mborayhu sentimiento hesekuéra. Túva Yvagagua ombohovái che ñembo’e añandu hag̃ua Túva Yvagagua ombohovaiha che ñembo’e ikatu hag̃ua añandu michĩmínte jepe pe Salvador mborayhu penderehe ha imborayhu Itúva Yvagaguáre, ha’éva ñande Ru Yvagagua.

Atestifika Jesucristo oikoveha; Ha’e ñande Salvador ha Redentor. kóva ha’e Itupao. Ha’e oĩ iñakãme. Ha’e, Itúva Yvagaguándi, ou ha’ete voi José Smith-pe peteĩ yvyra ka’aguy’í Nueva York-pe. Jesucristo evangelio ha Isacerdocio ojerrestaura mensajeros celestiales rupive.¹⁶ Espíritu Santo pokatu rupive, aikuaa añeteguaha.

Añembo’e ikatu hag̃uáicha pereko péichagua testimonio. Añembo’e ikatu hag̃uáicha pejerure Túva Yvagaguápe upe fe Jesucristo-re peikotevẽva pejapo ha peñongatu hag̃ua konveniokuéra ohejátava Espíritu Santo oĩ meme penendive. Aheja peẽme che mborayhu ha che testimónio segúro Jesucristo réra sagrado. Amén.