Iporã sensíllo —isensíllo porã

Poñemoĝuah͂e porãite opava peẽme pepartisipáva ko conferencia-pe.

Estedia amombe’use mokõi elemento Jesucristo evanhélio rrestaurado rehegua ha irundy ñemombe’u ñane korasõre opokóva Santokuéra Ára Pahapegua mundo jeréregui ohechaukáva umi principio jeipuru. Evanhélio rrestaurado elemento Peteĩha – Tupã rembiapo salvasiõ ha exaltasiõ rehegua – oñesentra umi responsabilida divinamente oñeme’ẽvape. Elemento mokõiha ñanemomandu’a pe evanhélio hesakã, hechapyrã ha isensílloha.

Jahupyty haĝua tekove opave’ỹva, “[ja]ju[va’erã] Cristo-pe ha [ña]nerekoporãmbaite ipype.”¹ Jajurõ Cristo-pe ha ñaipytyvõ ambuekuérape ou haĝua avei, japartisipa hína pe salvasiõ ha exaltasiõ rembiapópe, oñesentráva umi responsabilida divinamente oñeme’ẽvape.² Ko’ã respsonsabilida divina oñealinea umi sacerdocio llavekuéra ojerrestaurava’ekue Moises, Elias ha Elias pe proféta rupi oñemombe’uháicha Doctrina ha Konveniokuéra seccion 110-pe,³ ha pe mokõiha tuicha tembiapouka Jesucristo ome’ẽva’ekue ñandéve jahayhuva’erãha ñande rapichápe jajehayhuháicha.⁴ Ojejuhu umi mokõi páhina Manual Generalactualizado ñepyrũme, oĩva disponible opa miembro-pe ĝuarã.

Pehendurõ umi ñe’ẽ “Manual General” térã “umi responsabilida divinamente oñeme’ẽva” ha upéva penemopirĩmba peimo’ãgui hasyetereiha, ani upéicha. Umi responsabilida isensíllo, iñispirador, oporomokyre’ỹ ha ojejapokuaa. Ko’ãva ha’e :

1. Javivi Jesucristo evanhélio.

2. Ñañangareko umi oikotevẽvare.

3. Ñainvita opavavépe ohupyty haĝua pe Evanhélio.

4. Ñambojoaju familiakuérape tapiaite ĝuar͂a.

Ikatu pehecha umíva che ahechaháicha: peteĩ mapa jaha jey haĝua ñande Ru Yvagagua ñanderayhúvape.

Imágen – Ta’anga

Salvasiõ ha exaltasiõ rembiapo elemento-kuéra

Oje’e Jesucristo evanhélio “isencillo porãha ha iporã sencillo.”⁵ Ko mundo ha katu nahániri. Hasy, ijetu’u ha henyhẽ apañuãi ha ñorairõgui. Jajehovasa jajesarekóvo ani jaheja pe jetu’u oĩetéva múndo toike pe jarresivi ha jaipurulájape pe evanhélio.

Presidente Dallin H Oaks he’i: Jesucristo Evanhéliope ñañehekombo’e heta mba’e michĩ ha isensíllovagui. Tekotevẽ ñañemomandu’a umi mba’e vaicha michĩ ha isensíllova rupi, puku ára rirépe ojapo toiko tuicha mba’e.”⁶ Jesucristo-ite omombe’u Iyugo hasy’ỹ ha ikárga ivevui.⁷ Ñañeha’ãva’erã jaheja pe evanhélio taisensíllo: ñande rekovépe, ñande familia, ñande clase ha cuórum ha barrio ha estakakuérape.

Pehendúvo ko’ã ñemombe’u akompartítava penendie, pehechakuaami ojeiporavova’ekue jesarekópe oinspira ha avei omomaradu haĝua. Umi mba’e ojapova’ekue peteĩ teĩ ko’ã Santokuéra Ára Pahapegua ha’e peteĩ modelo ñandéve ĝuarã, oiporúvo ko evanhélio en forma hesakã, hechapyrã ha isensíllova, okumplívo avei upe jave peteĩ umi responsabilida divinamente oñeme’ẽva oñepresenta ramoitéva.

Peteĩha, Javivi Jesucristo evanhélio Jens, Dinamarca-pegua, oñembo’e meme ovivikuaa haĝua pe evanhélio ha ohechakuaa haĝua Espíritu Santo ñe’ẽmbegue. Oñemoarandu oactua pya’e haĝua oñandúvo Espíritu Santo guía.

Imágen – Ta’anga

Jens Dinamarca-gua

Jens okomparti kóva:

“Roiko peteĩ óga michĩ ha iporãva itecho kapi’iva peteĩ tava porãite mbytépe, peteĩ laguna ypýpe.

Imágen – Ta’anga

Táva porãite

Imágen – Ta’anga

Távagua estanke

Peteĩ pyhare, pe verano danés clima iporãvéva ikatúva ñaimo’ã, okẽ ha ventana nandi, ha opa mba’e ohechauka py’aguapy ha trankilida. Ore verano pyharekuéra hesakã ha ipuku rupi, che ndajapuráikuri akambia haĝua peteĩ foko ore koty de servicio-pegua.

Imágen – Ta’anga

servicio kotypegua tesape

“Areko sapy’a peteĩ temiandu atã akambiava’erãha pya’eterei upéva! Uperõite avei, ahendu che rembireko, Mariann, cherenóivo ha umi mitãme avei rojepohéi haĝua cena oĩma haguére lista!

“Amenda puku porãma aikuaa haĝua ndaikatuiha ajapo mba’eve ndaha’eirõ ajepohéi, ha katu añehendu ha’évo Mariamm-pe, ahatahánte pe tienda-pe ajogua haĝua peteĩ fóko pyahu. Añandu hatã ahavaerãha upepeite.

Pe tienda ajoguatahape fóko opyta pe estanke ypýpente. Roguata jepi upepeve, ha katu estedia ajagarra che bicibleta. Ahasa jave pe estanke rupi che resa yképe ahecha peteĩ mitã’i orekóne 2 año, oguatáva ha’eño pe estanke rembe’ýre, aĝuiete pe ygui—ha ho’a sapy’a! Peteĩ minuto-pe oĩ upépe ha ambuévape ohoma katu!

Avave ndohechamo’ãikuri pe oikova’ekue ndacheirõ. Ajepoi che bicicleta-gui, añani ha apo pe estankepe. Pe y rova oñemboty umi mba’e oĩva hi’ari reheve, ha ndaikatúi ojehecha mba’eve pe y rupive. Añandu upérõ peteĩ omỹiva ijyképe. Amoinge che jyva pe ýpe, ajagarra peteĩ kamiséta ha amopu’ã pe mitãme. Oñepyrũ hasẽ, ihu’u ha hasẽ. Pya’e uperire, pe mitã oĩ ituvakuéra ndie.

Imágen – Ta’anga

Jens ha ifamilia

Hermano Jens oñembo’évo káda pyhareve ñeipytyvõre ohechakuaa haĝua Espíritu Santo ñe’ẽmbegue, jepe peteĩ temiandu okambia pya’e haĝua peteĩ fóko, ha’e oñembo’e avei tojeipuru chupe tembiporu ramo ojehovasa haĝua Tupã ra’ykuérape. Jens ovivi pe evanhélio ohekávo guía divina ára ha ára, oñeha’ãvo hekojoja haĝua, ha upéi ojapo opa ikatumíva osegui haĝua upe guía oĝuahẽ vove.

Ape peteĩ ejemplo ñañangarekóvo umi oikotevẽvare. Peteĩ ára, peteĩ Estaca-gua Presidente, Estaca Cucúta, Colombia-pe, oho Mujeres Jovenes Estaca-gua presidenta ndie ovisita haĝua mokõi imitãkuñamikuérape, ha avei iñermano mayor adolescente—ohasáva hína jehasa’asy vai rupi. Ramoite omanókuri ituvakuéra ha isy omano ojapo un áño. Mbohapy joyke’y opyta ha’eñoite hóga’imi ha iñumíldevape. Umi tapia ojejapóva táblagui ojeforra vosa plástico reheve ha pe techo chápaguigua omo’ã pe tenda okehápente hikuái.

Upe ivisíta rire, umi lider oikuaákuri oikotevẽha hikuái ipytyvõre. Consejo de Barrio rupive oñepyrũ osẽ pe plan oñeipytyvõ haĝua chupekuéra. Umi barrio ha estaca-gua liderkuéra, Sociedad de Socorro, Cuórum de Elderes, hombres jóvenes, mujeres jóvenes—ha heta familiakuéra, oñemoĩ hembiaporã ohovasávo upe familia-pe.

Imágen – Ta’anga

Óga oñemopu’ãva

Imágen – Ta’anga

Óga oñemopu’ãva

Umi barrio-gua organización oñe’ẽ umi barrio-gua miembro omba’apóva construcción-pe ndie. Oĩ umi oipytyvõva diseño reheve, ambue ome’ẽ itiempo ha hembiapo, ambue ojapo tembi’u ha ambue ome’ẽ umi material oñeikotevẽva.

Imágen – Ta’anga

Óga oĩmbámava

Opa vove pe ógami, ha’ékuri peteĩ jevy’a ára umi oipytyvõvape ĝuarã ha avei umi mbohapy barrio-gua miembro imitãva. Umi mitãkuña ha mitãrusu tyre’ỹ oñandu jojau kyrỹi ha oporomoangapyhýva ibarrio-gua familia ndie oikuaávo naha’eñoiha hikuái ha Tupã oĩha tapiaite upépe chupekuéra ĝuarã. Umi oipysova’ekue ipo oñandu pe Salvador mborayhu upe familia-re ha oactua Ipo ramo oservívo chupekuéra.

Arovia peguerohorytaha ko ehemplo ñainvitávo opavavepe orresivi haĝua pe evanhélio. Cleiton, Cabo Verde-gua, orekóva diecisiete áño, noimo’ãiete ojehútava ha’e ohohaguére ibarriogua seminario clase-pe peteĩ ára. Ha katu hekove ha avei ambuekuéra rekove oñemoambuéta tápiate ĝuarã upéva ojapohaguére.

Cleiton, isy ha iryke’y, oñemongaraiva’ekue Tupaópe ojapoma un tiempo, ha katu ifamilia ndohovéi tupaópe. Pe úniko acto ohohague seminario-pe ha’éta peteĩ punto imba’eguasúva ifamiliape ĝuarã.

Ambue mitãrusukuéra Seminario clase-pe iñamable ha omoĝuahẽ porãite chupe. Oñanduka hikuái Claiton-pe hógape guáicha ha omokyre’ỹ chupe oho haĝua ambue actividakuérape. Upéicha ojapo ha’e ha pya’e oñepyrũ oho ambue tupaogua reuniõnguérape. Peteĩ obispo arandu ohecha Cleiton potencial espiritual ha oinvita chupe iñasisténte ramo. “Upe guive” he’i obispo Cruz, “Cleiton ha’ékuri peteĩ ehémplo ha influencia ambue mitãrusukuérape ĝuarã.”

Pe peteĩha Cleiton oinvitava’ekuépe oho jey haĝua tupaópe ha’ékuri isy, ha upéi iryke’ýpe. Upéi ombotuicha ikora iñangirũnguérape. Peteĩ umi iñangirũ ha’e peteĩ mitãrusu orekóva ijedáicha, Wilson. Reuniõ peteĩhápe misionero-kuéra ndie, Wilson he’i oñemongaraiseha. Umi misionero opyta impresionado ha oñemondýi hetaite mba’éma Cleiton okompartima ra’e Wilson ndie.

Imágen – Ta’anga

Mitãkaria’y Cabo Verde-gua

Imágen – Ta’anga

Ambuekuérape ñeinvita ou haǧua tupaópe.

Imágen – Ta’anga

Mitãrusukuéra activo aty okakuaáva hína

Cleiton ñeha’ã ndopái upépe. Oipytyvõ ambue miembro-kuéra menos activo-pe ou jey haĝua, avei okomparti pe evanhélio iñangirũnguéra ambue religión-gua ndie. Ko’áĝa pe barrio oreko 35 jóvenes oĩva activo, peteĩ Seminario programa ohoporãitereíva, ha heta umíva Cleiton ñeha’ã rupi oporohayhu, okomparti ha oinvita haĝua. Cleiton ha iryke’y Cléber, oñembosako’i hína oservi haĝua peteĩ misión de tiempo completo.

Ipahápe, pepermitimi chéve takomparti peteĩ ejemplo oñembojoajúvo familiakuéra eternidad-re. Lydia, Kharkiv, Ucrania-gua, oñemoarandu peteĩha jave templo-gui umi misionero rupi. Pya’e Lydia oñandu ohosetereiha templo-pe, ha iñemongarai rire, oñepyrũ oñembosako’i ohupyty haĝua peteĩ recomendación templo-pe ĝuar͂a.

Lydia oho Freiberg, Alemania-gua templo-pe orresivi haĝua iñinvestidura ha upéi ohasa heta ára upépe ojapóvo obra vicaria. Kiev, Ucrania-gua templo ojededika rire, Lydia py’ỹiete oho upe templo-pe. Ha’e ha iména, Anatoly, ojesella eternamente ĝuarã upépe ha uperireve oñehenói oservi haĝua templo-gua misionero ramo. Oñondie ojuhu hikuái hetave 15.000-gui ijypykuéra réra ha omba’apo ome’ẽ haĝua chupekuéra umi templo-gua ordenánsa.

Imágen – Ta’anga

Pareha Ukrania-gua templo-pe

Oñeporandu vove chupe hemiandu templo rembiapo rehe Lydia he’i, ¿Mba’épa arresivíkuri Témplope? Ajapókuri konvénio pyahukuéra Ñandejára ndive. Che testimonio oñemombarete. Añemoarandu ahupytykuaa haĝua rrevelasiõ personal. Ajapokuaa umi ordenánsa salvasiõrã che ypykuéra omanova’ekuére. Ha ahayhu ha aservikuaa ambuekuérape. Ambopaha ko momorandu añete reheve: “Ñandejára ñanderechase py’ỹi témplope”

Añeñandu inspirado ko’ã Santokuéra Ára Pahapegua py’aporã rehe, pete͂i te͂i orekóva diferente antecedente ha enfóke ko’ã irundy ñemombe’úpe. Heta ñañemoarandukuaa umi milagroso resultado ojehupytývagui jaipuru sensillo porã rupi umi Evanhélio principio isensíllova. Opa mba’e ha’ekuéra ojapova’ekue oĩ avei ñane alkánsepe.

Tañamantene simple pe evanhélio jajapyhývo ñande ári ñande responsabilida divinamente oñeme’ẽva tajavivi Jesucristo evanhéliotañahendukuaa umi Espíritu Santo ñe’ẽmbegue ojapohaguéicha Jens Dinamarca-pe. Tañañangareko umi oikotevẽvare, ohechaukaháicha umi miembro estaca Cúcuta, Colombia-gua, ome’ẽvo peteĩ refugio umi barrio-gua miembro ityre’ỹvape. Tañainvita, opavavépe ohupyty haĝua pe evanhélio, Cleiton, Isla africana Cabo Verde-gua ojapohaguéicha iñangirũ ha ifamiliakuéra ndie. Ha ipahápe, tañambojoaju familiakuérape tapiaite ĝuarã, ohechaukahaguéicha hermana Lydia Ucrania-gua, umi templo ordenánsa ijehe, historia familiar rembiapo ha templo-gua servicio rupive.

Jajapóvo upéicha añetehápe oguerúta ñandéve vy’apavẽ ha py’aguapy. Kóvagui Che atestifika—ha Jesucristo-gui, ñande Salvador ha ñane Redentor ramo—Jesucristo rérape. Amén