Jahasa ñande huracán espiritual jaroviávo Crísto-pe.
Jahasaporãvéta ñande huracán espiritual jaroviávo Crísto-pe ha ñaneñe’ẽrendúramo Hembiapoukapykuérare.
Ojapóma sei áño, Ann ahayhúvandi roiko Texas-pe, Golfo costa jerére, upépe huracán túichavéva ohupyty jepi Estados Unidos, ohejávo hapykuerépe tuicha destrucción ha avei tapicha omanóva. Ñembyasyrã, ko’ã mése ohasávape avei orerupyty umi mba’e ivaietéva. Ore mborayhu ha ñembo’e iñasãi opavave opáicha ohasavaiva’ekuépe 2017-pe, rohasa huracán Harvey, oguerúva ama tuichaitevéva ohupytýva 60 pulgada (150 cm).
Umi léi natural oisambyhy umi yvytutarova. Océano-gua temperatura ohupytyva’erã 80 grados Fahrenheit (27 grados Celsius), ojepysóva 165 pies (50 m) pe océano ape gúype. Yvytu ojotopáramo océano-gua ytakúndi, ojapo pe y otimbo ha ojupi atmósfera-pe, ojelikua hag̃ua. Upéi oñepyrũ árai ha yvytu omoñepyrũ peteĩ espiral-cha océano ape ári.
Huracán tuichapajepéva, ikatu ohasa 50.000 pies (15,240 m) térã tuichave atmósfera-pe ha ohupyty 125 millas (200 km) jepeve. Curiosamente, pe huracán ojávo yvýre, oñepyrũ ikangyve noirivéimagui océano ytaku ári oikotevẽva imbareteve hag̃ua.1
Ikatu araka’eve ndapehasái peteĩ huracán vaietére. Jepeve, peteĩteĩva ikatu ombohovái térã ombohováita huracán espiritual oamenasáva ñande py’aguapy ha omoĩva prueba-pe ñande fe. Múndo ko’ag̃aguápe, ha’etévaicha ojupivéva ha imbaretevéva. Ñande vy’arã, Ñandejára ombosako’i tape isegúrova ñagana hag̃ua vy’ápe. Ñañeñe’ẽrendúramo Jesucristo evanhélio rehe oje’asegura ñandéve “ou jave ñande ári umi problema arai hũ peligro ha oipe’aséva ñandehegui py’aguapy, oĩ esperanza opukavy mimbíva ñande rovake.”2
Presidente Russell M. Nelson omyesakã:
“Santokuéra ovy’áta toime oimehápe hikúai. Ikatu javy’a jarekóramo jepe peteĩ ára vai, peteĩ semána vai, ha peteĩ áño ivaíva ave!
“… Vy’a ñañandúva nodepéndei mba’e circunstancia-pepa ñaime ñande rekovépe, ha orekópa enfóke jaguerekóvare ñande rekovépe.
“Ñamohenda ramo ñande rekove … Jesucrísto ha iñevanhéliore, ikatu ñañandu vy’a, jepeve opa mba’e oiko porãva— térã ndoikoporãivo mba’éve—ñande rekovépe.”3
Umi léi natural oisambyhyháicha umi huracán, umi léi divína oisambyhy vy’a ñeñandu ojehasa jave huracán espiritual. Vy’a térã vy’a’ỹ ñañandúva jahasa jave tekovépegua huracán rupive ojegueraha léi Tupã omohéndava’ekuéndi. Presidente Nelson okomparti, “héra tembiopoukapy, ha hi’añete avei pe léi omopu’ãva, pe lei graveda rehegua, [ha] ha pe léi omomba’apóva pe korasõ tytýi.”
Presidente Nelson okontinua, “Kóva ha’e peteĩ fórmula isensíllova: pe vy’a hag̃ua, peneñe’ẽrenduva’erã tembiapoukapykuérare.”4
Pe jerovia’ỹ ha’e pe vy’a ha fe enemígo. Upe océano ytaku ha’eháicha pe omopu’ãva huracán, jerovia’ỹ ha’e avei pe omongakuaáva ñande huracán espiritual. Pe fe ha’eháicha peteĩ desisiõ, avei ha’e pe jerovia’ỹ. Jaiporavorámo jerovia’ỹ, jaiporavo ojeactua ñande’ári upévare, oñeme’ẽvo pu’aka enemigo-pe, ha upéicha ñandereja ñanekangy ha ja’areipa.5
Satana oñeha’ã ñandegueraha pe oñeñotỹhápe jerovia’ỹ. Oheka ñandepy’a hatã anive hag̃ua jajerovia.6 Pe oñeñotỹha jerovia’ỹ ikatu ñande py’ara’ã jahecha rupi pe y osyryihápe haku’asýva noikotevẽiha jaikove “opa ñe’ẽ osẽva Tupã jurúgui.”7 Peichagua ýpe Sataná ñande py’ara’ã japytu’u hag̃ua ñande jesareko espiritual-gui. Upe ñangareko’ỹ ikatu oiko noĩrĩ rupi convicción espiritual, ndahaheihápe ni “ñandero’ýva ni ñanembyry’áiva.”8 Ndajajekóiramo Cristo rehe, duda ha imimbikue ñandegueraháta kaigue rapére upépe ndajatopaichéne milagro, vy’apavẽ “py’aguapy [ñane] ángape g̃uarã.”9
Pe huracán ikangyháicha ojávo yvýre, jerovia opyta pe dúda rendaguépe ñamopu’ã aja ñane fundaménto Cristo-pe. Uperire, jahechakuaavéta huracán espiritual, ha ñande kapasida jasupera hag̃ua tuichavéta. Upéicha, “pe aña ombou vove ijyvytu vai, heẽ, hakuáva yvytujerépe, … anichéne oguereko puʼaka … [ñande] yvykua tekoʼasy ha jehasaʼasy opaveʼỹvape, ita peñemopuʼãhague ári [ñaime] rupi, haʼéva peteĩ pyenda atã.”10
Presidente Nelson ombo’ékuri:
“Pe fe Jesucristo-re ha’e opa jeguerovia pyenda ha pu’aka divíno guerahaha. …
“Ñandejára noikotevẽi jareko peteĩ fe iporãmbáva ikatu hag̃ua jaike iporãmbávapu’akápe. Ha katu ojerure ñandéve tajaguerovia.”11
Conferencia general abril-guie, che familia-ndi roheka romombarete ore jerovia Jesucristo ha Iñexpiasiõ rehe ore pytyvõ hag̃ua “romoambuévo ore desafío peteĩ ñemongakuaa ha oportunida ijojaha’ỹvape.”12
Ore nieta, Ruby, ojehovasa peteĩ tembipota imbaretéva irresponsable hag̃ua. Onase jave, ijesófago ndojoajúi ipy’áre. Ruby, imitãvérõ ituvakuéra pytyvõ rupi, ohasa prueba py’aguasu reheve. Ruby oreko 5 áño ko’ág̃a. Imitãramo jepe, ha’e tuicha techapyrã ani hag̃ua jaheja ñande situasiõ odetermina ñande vy’apavẽ. Ha’e akóinte ovy’a.
Mayo ohasava’ekuépe, Ruby ohasajey peteĩ huracán-re hekovépe. Ha’e onaseva’ekue avei peteĩ ipo ndokakuaapáivare ha oikotevẽva cirugía. Ojejapo mboyve ko operación ijetu’uva, rovisita chupe ha rome’ẽ peteĩ ta’ánga ohechauka porãitéva ha’eva peteĩ mitã po ojagarráva Salvador po. Roporandúvo chupe ha’épa inerviosa, py’ae ombohovái: “Nahaníri, che avy’a!”
Ha roporandu chupe, “Ruby, mba’é he’íse péva?”
Ruby vy’ápe ombohovái, “Che aikuaa Jesús ojagarrataha che po.”
Ruby ojerrekupera milagrosamente, ha ha’e oikove vy’ápe. ¡Mba’éichaitépa iñambue ko mitã jerovia ha pe dúda ñande py’ara’ãva ñande tujavévo jahávo!13 Ñande ikatu ko mitãícha jaiporavo jaheja tapykuépe ñande jerovia’ỹ. Ha’e peteĩ jeiporavo isénsíllova.
Peteĩ túva ohayhúva ojerure’asy Salvador-pe, “Nde ikatúva ejapo opa mba’e, … orepytyvõmi.”14
Jesús upe rire he’i chupe:
“Ikatúramo reguerovia, ogueroviavápe opaite mba’e ikatu ohupy.
“Ha py’aete túva … osapukái, ha he’i tasẽme: Che aguerovia; eipytyvõmi che jerovia’ỹ.”15
Ko túva imirĩva oiporavoporã Crísto-re ojeroviávo odudarãngue. Presidente Nelson ombo’e, pende jerovia’ỹ añónte ojokóta Tupã penderovasa hag̃ua milagro reheve pemomýi hag̃ua umi yvyty pende rekovépe.”16
Mba’eichaitépa tuicha Tupã poriahuvereko omoĩ rupi ijerovia ñande rehe ha ndohejái rupi ko’ã mba’e odepende mba’e jaikuaávare.
Alma ombo’e:
“Ojehovasapyre opa umi ogueroviáva Tupã ñe’ẽ.”17
“[Ha] Tupã iporiahuvereko opa umi ojeroviáva hérare; upévare ha’e oipota peteĩha hendápe, opavave umi ojerovia hese.”18
Heẽ, peteĩha hendápe, Tupã oipota jajejorovia Hese.
Ñambohovái porãveta ñande huracán espiritual jajeroviavo Crísto-re ha ñaneñe’ẽrendúramo Hembiapoukapykuérare. Ñande fe ha ñe’ẽrendu ñande mbojoaju pu’aka yvateguándi ñagana hag̃ua “[mba’e] oikóva— térã ndoikóiva—ñande rekovépe.”19 Heẽ, Tupã “pya’e [ñande] rovasa” jaguerovia ha ñaneñe’ẽrendúramo.20 Añetehápe, ohasávo tiempo javy’ave, ha “Cristo rupive ñande retia’eve” jarekoramo ñande jerovia Hese ha ñaneñe’ẽrendúramo Hembiapoukapykuérare.21
Che hermano ha hermana-kuéra, ko ára ikatúta jaiporavo“ ani jaduda sino jaguerovia.”22 “Pe tape porãve ha’e Cristo-re jerovia.”23 Ñande “ñaime grabado … [I]pópytépe.”24 Ha’e ñande Salvador ha Redentor oĩva okẽme ha ohenói.25 Jesucristo rérape, Amén.