Peteĩ óga oñemohenda porãva

Che profesión-pe ha che servicio Tupaópe, ajapo hetaiterei handápe umi mba’e—ha péina araka’eve ko’ã quince kuimba’e oguapy’ỹre che rapykuépe. Añandu pene ñembo’e, ha iñembo’ekuéra.

Che ha’e Tonga rréinogua, Pacifico Sur-pe, ha katu akakuaa Norteamérica-pe. Pandemia ndohejái cientos, térã katu miles karia’y ha kuñatãi misionero Tongáno, oservíva opaite hendápe, ohojey hag̃ua hetã ohayhuetévape, frontera oñembotýre. Oĩ mbovymi élderes tongano oimévakuri imisiónpe mbohapy ary aja, ha hermana-kuéra, mokõi ary aja! Oha’arõ hikuái py’aguapy ha jerovíape, ore retãme rojekuaaháicha. Upe aja, ani peñemyanguekõi, oimerõ umíva apytépe oservíva pende barrio térã estákape, chejoguave ohóvo ára ha ára chéve—itujáma ha iñakãrague morotĩgui. Ñaime aguijépe misionero-kuéra opaite hendapeguáre, iservicio dedikádore, jepe ipuku térã mbykyvérõ ha’ekuéra oha’arõva’ekuégui, pandemia rupive.

Peteĩ domingo, ha’erõguare che diákono, aimerõguare tupãópe, arrepartívo Santa Cena, ahecha peteĩ kuñakarai oikévo tupãóme. Responsablemente, añemboja hese ha ambohasa chupe che bandeha. Ha’e oñakãity, opukavymi, ha ojapyhy chehegui pe y. Og̃uahẽ tardetereíma ojapyhy hag̃ua pan. Upe tembiasakue riremi, che mbo’ehára orientador, Ned Brimley, cherekombo’e heta umi aspecto ha jehovasa Jesucristo evanhélio rehegua, oñeme’ẽha ñandéve peteĩ orden secuencial-pe.

Upe rire, upe semánape, Ned ha iñirũ, og̃uahẽ ore rógape peteĩ lección ndaikatúivagui ore resarái. Ned oremomandu’a oĩha peteĩ orden, Tupã ojapo haguéicha ko yvy. Ñandejára ojepy’apyete omyesakã hag̃ua Moisés-pe upe orden Ha’e ojapo haguéicha yvy. Ñepyrurã, Ha’e oñepyrũ oipe’ávo tesape pytũgui, upéi, y yvýgui. Omoĩ yvyramáta ha mymbakuéra, omoĩ mboyve, Hembiapo tuicháveva upe planeta ojaporamóvape: pe humanidad, oñepyrũvo Adán ha Eva-re.

“Ha ojapo Tupã yvypórape, ha’éicha, ojoguáva chupe ojapo; kuimba’e ha kuñáva ojapo. …

“Ha oma’ẽ Tupã opa mba’e ojapova’ekuére, ha, péina ápe, ojuhu iporãitereiha” (Genesis 1:27, 31).

Ha Ñandejára oimékuri vy’ápe. Ha opytu’u pe séptimo día-pe.

Orden secuencial ojejapo haguépe ko yvy, ndaha’éi ohechaukánteva ñandéve mba’épa imba’eguasuvéva Tupãme, ha katu mba’ére ha mávape g̃uarã ojapo ko yvy.

Imágen – Ta’anga

Ned Brimley ha ifamilia

Ned Brinley oñe’ẽ hekombo’e inspirádo aja, kóicha: “Vai, Tupã róga ha’e peteĩ óga oñemohendáva. Ha’e oha’arõ ndehegui revivi nde rekove ñemohendápe. Ñemohenda porãme. Ha’e oipota reservi peteĩ misión remenda mboyve. Ko mba’ére, Tupãogua lider-kuéra ohekombo’e, “Ñandejára oha’arõha opaite mitãrusu toñembosako’i oservi hag̃ua. … Kuñatãinguéra … oserviséva avei oñembosako’ikuaa” (Manual General: Jaservívo Jesucristo Tupao Santokuéra Ara Pahapeguápe, 24.0, ChurchofJesusChrist.org). Hermano Brimley osegi he’ívo: “Tupã oipota remenda, mitã reguereko mboyve. Ha Ha’e oipota redesarrolla nde talento repyta’ỹre, reguerekóvo peteĩ formación académica”. Peiporavórãmo pevivi penderekove upe secuencia’ỹre, pende jeijo ko yvy ape ári hasyvéta ha ijetu’uvéta.

Hermano Brimley avei ore rekombo’e, Salvador, i-sacrificio expiatório rupive, ñaneipytyvõ ñamohenda hag̃ua ñande rekove, isarambíva ha noiméiva hendápe, ñande decisión vaíre, térã ambue decisión vaíre.

Upe guive, aguereko peteĩ fascinación tuicháva “orden secuencial” rehe. Adesarrolla kostumbre ahekávo patrones secuenciales tekovépe ha evanhéliope.

Elder David A. Bednar ohekombo’e ko principio: “Ñañemoarandúvo, jaikuaa ha javivi Jesucristo evanhélio, secuencia hetave hendápe oguereko instrucción. Peñamindu’umi ko techapyrãre, umi lección ñaikũmbýva umi prioridad espiritual-gui, pe orden oiko haguéicha umi mba’e tuichavéva, Salvador evanhélio ojerrestaurarõguare, ko’ã ára pahápe”.

Élder Bernard oipapapy primera visión ha aparición ñepyrurã Moroni-gui José Smith-pe, mitãrusu proféta ombo’e haguéicha, Tupã naturaleza ha carácter, upéi omobe’u mba’e función-pa ojapóta Mormón Kuatiañe’ẽ ha Elias upe Proféta, Israel ñembyatýpe, ambue vélo gotyo ko dispensasiõ pahápe.

Elder Bednar ombopaha: “Ko secuencia inspiradora ha’e peteĩ instrucción umi mba’e espiritual de suprema prioridad Deidad-pe g̃uarã” (“ Ta’yrakuéra korasõ, , oujeýta”, Liahona, Nov. 2011, 24).

Peteĩ observación che ajapova’ekue ha’e, pe “orden secuencial“ ha’eha peteĩ manera sencilla, natural ha eficaz, Ñandejára ñanembo’e hag̃ua, Ita’yrakuéra ramo, umi principio iñimportánteva.

Jajúkuri ko yvy ape ári ñañemoarandu hag̃ua, ha jaguereko hag̃ua tembiasakue, ndaikatumo’ãiva jaguereko ambue hendáicha. Ñande jekakuaa ha’e exclusívo ha individual opavavetépe ha ha ’e peteĩ componente vital, Túva Yvágagua plan-pe. Ñande jekakuaa físico ha espiritual oñepyrũ etapas-re, ha ojedesarrolla mbeguekatúpe jajapyhývo tembiasakue secuencialmente.

Alma ome’ẽ peteĩ poderoso sermón de fe—oñe’ẽvo peteĩ semilla ra’ỹire, oñeñangarekórõ ha oñenutrírõ hendapete, heñoitaha chugui peteĩ yvyramáta kakuaa, yvyramáta okakuaapyre, ome’ẽva yva hetereíva (tojehecha Alma 32:28–43). Ojeikuaaukaséva Ko’ápe ha’e, pende jerovia okakuaataha pemohenda ha peñangarekóramo pe yvara’ỹire—térã Tupã ñe’ẽre—pene korasõme. Pende jerovia okakuaáta Tupã ñe’ẽ oñepyrũgui “ombotuicha pene ánga” (verso 28). Ha “oñembotuicha, ha hoky, ha oñepyrũ okakuaa” (verso 30)mokõive, ikatu ojehecha ha ñanerekombo’e. Upéicha avei oñemohenda.

Ñandejára ñanerekombo’e idividualmente ñande kapasida ñañemoaranduháicha ha mba’éichapa ñañemoarandu. Ñañe crecimiento odependepaite ñane disposición, curiosidad natural, nivel de fe ha comprensión rehe.

Nefi-pe oñehekomboʼe, José Smith-pe ojehechaukáva, 2.300 ary upe rire: “Ha péina ápe, péicha heʼi Tupã Ñandejára: Ameʼẽta yvypóra raʼykuérape saʼi saʼi, mboʼepy mboʼepy ári, michĩmi ápe ha michĩmi amo; ha ojehovasa umi ohendúva che mboʼepy, ha ojesarekóva che ñemoñeʼẽre, oñehekomboʼétagui arandúpe” (2 Nefi 28:30).

Jaikuaa “saʼi saʼi, mboʼepy mboʼepy ári, michĩmi ápe ha michĩmi amo”, ha’e avei secuencial.

Pejesareko ko’ã declaración rehe, ñahendúva opaite ñande rekove aja: “Ñepyrũmegua iñepyrurãme”, térã “He’uka chupekuéra kamby, so’o mboyve”. Ha mba’épa pe, “Jaguatava’erã ñañani mboyve”? Opaite umi mba’e ohechauka peteĩ mba’e ha’éva secuencial.

Milagro-kuéra oiko peteĩ orden secuencial-háicha. Milagro-kuéra oiko ñamomba’apo vove ñande jerovia primera vez. Jerovia oñemotende milagro rehe.

Mitãrusunguéra avei oñe’ordena Sacerdocio Aarónico oficio-kuérape secuencia rehe, pe oñe’ordenáva edáicha: diácono, maestro ha ha upéi sacerdote.

Umi ordenansa salvasiõ ha exaltasiõ rehegua, ojehechauka en secuencia. Ñañemongarai jarresivi mboyve don Espiritu Santo rehegua. Ordenansakuéra témplogua ha’e avei secuencial. Ha katuete, che angirũ Ned Brimley cherekombo’e haguéicha arandúpe, Santa Cena ha’e secuencial—oñepyrũ pan-re ha upéi pe y.

“Ha okaru aja hikuái, Jesús ojapyhy pe mbujape, ohovasa, ha omboja’o ha ome’ẽ hemimbo’ekuérape, ha he’i, Kóina pe’u; kóva ha’e che rete.

“Upéi ohupi pe kópa, ha ome’ẽ aguije, ha ombohasa chupekuéra, he’ívo, Pey’ujoaite kóvagui;

“Kóva ha’e che ruguy konvénio pyahy rehegua, oñeñohẽva hetáre, ojejora hag̃ua angaipakuéra” (Mateo 26:26–28).

Jerusalén ha Amérikape, Salvador omoĩva’ekue Santa Cena, peteĩchaguaite orden-pe.

“Péina ápe, che róga ha’e peteĩ óga oñemohendáva, péicha he’i Tupã Ñandejára, ha ndaha’éi sarambi róga” (Doctrina ha Konveniokuéra 132:8).

Arrepentimiento ha’e secuencial. Oñepyrũ jerovia Jesucristo rehe, jepe taha’e michĩmi. Jerovia oikotevẽ humildad, ha’éva mba’e oñeikotevẽtéva, jaguereko hag̃ua peteĩ “korasõ oñembyasýva ha espíritu imirĩva” 2 Nefi 2:7).

Añetehápe, umi cuatro principios del evangelio oguereko secuencia. “Jaguerovia, ñepyruhã principios ha ordenanzas Evangelio rehegua ha’eha: peteĩha, Jerovia Ñandejára Jesucristo rehe; mokõiha, Arrepentimiento; mbohapyha, Ñemongarai inmensión rupive, pekadokuéra rremisõrã; irundyha, Imposición de manos oñembohasa hag̃ua Espiritu Santo don”. (Articulos de Fe 1:4).

Rey Benjamín ombo’e itavayguakuérape ko imba’eguasúva añetegua: “Ha pehecha tojejapopa ko’ã mba’e arandu ha hekoitépe; ndojejeruréigui peteĩ yvypórape oñani hag̃ua pya’eve pe ipu’aka ome’ẽvagui chupe. Ha avei, iporã ojesareko, upéicha ohupyty hag̃ua pe hembiapo repy; upévare, opa mbaʼe ojejapovaʼerã hendaitépe”. (Mosíah 4:27).

Tajavivi ñande rekove orden-pe, ha tajaheka jasegí secuencia Ñandejára omoĩva’ekue ñandéve g̃uarã. Jajehovasáta jahekávo ha jasegívo umi modélo ha secuencia, Ñandejára ohekombo’eha iñimportantevéva Chupe g̃uarã. Jesucristo réra marangatúpe. Amén.