Tupao réra noñemoambuekuaái
Jasegi kyre’ỹvo Ñandejára rekombo’e orrevelaháicha Iproféta oikovéva rupive, especialmente ohórõ ñane pensamiento inicial kóntrape, oikotevẽvo humilda ha sacrificio, Ñandejára ñanderovasa pu’aka espiritual adicional reheve.
Conferencia de prensa-pe Agosto 16, 2018-pe Presidente Russell M. Nelson he’i: “Ñandejára oinspira che apytu’ũme importancia oguerekóva pe téra Ha’e odecretava’ekue Itupaópe ĝuarã, jaikuaaháicha, Jesucristo Tupao Santokuéra Ara Pahapegua.1 Jaguereko mba’apo ñanerenondépe ñañemoĩ haĝua en armonía hembipota ndie.”2
Mokõi ára rire, Agosto 18-pe, aĩ presidente Nelson ndie Montreal Canada-pe. Ore miembro reunión rire Palacio de Congré hechapyrãvape, presidente Nelson ombohovái umi periodista porandu. Ohechakuaa “ha’etaha peteĩ desafio [romoĩ porã pe tupao réra ha] roipe’a [peteĩ] tradición 100 año guare.” Ha katu, he’ive: “PeTupao réra noñemoambuekuaái.”3
Siete semana rire, ha’e oñe’ẽ conferencia general-pe: “Ñandejára oinspirahaguére che apytu’ũme importancia oguerekóva pe téra Ha’e odecretava’ekue Itupaópe ĝuarã, jaikuaaháicha, Jesucristo Tupao Santokuéra Ara Pahapegua. … Ha’e pe Salvador-ete he’iva’ekue: ‘Péicha oñehenóitagui che tupao ára pahápe’” Upéi Presidente Nelson he’i jey: “Tupao réra noñemoambuekuaái.”4
Peteĩ porandu porã
Osẽ peteĩ porandu porã: ¿Mba’ére piko ko’áĝa? Heta dekada aja jajapyhyrõkuri upe jehero “Mormón”? “Coro del Tabernáculo Mormón“, pe video “Soy mormón“, primaria-gua purahéi “Soy un niño mormón“?
Cristo doctrina oñemoambue’ỹ ha ijapyra’ỹva. Upevére umi específico ha mba’eguasu jeguata pe Salvador rembiapópe ojerrevela hi’araitépe. Ko pyharevépe Presidente Nelson he’i, “Restauracion ndaha’éi peteĩ acontecimiento ha katu peteĩ proceso.”5 Ha Ñandejára he’i “opa mba’e oikova’erã hi’araitépe.”6 Ko’áĝa ha’e ñane momento, ha ñamoĩporã jey hína pe tupao réra ojerrevelava’ekue.
Jesucristo Tupao Santokuéra Ara Pahapegua identida ha destino oikotevẽ tañañehenói Hérare. Ramoite aĩkuri Kirtland, Ohio-pe, Proféta José Smith, pokã tupaogua miembro ndie, oprofetisa: “Ko tupao omyenyhẽta Norteamérica ha Surdamérica—omyenyhẽta ko mundo.”7 Ñandejára odeskrivi ko dispensasiõ rembiapo “peteĩ tembiapo hechapyrãva ha peteĩ prodigio”ramo”8 Ha’e oñe’ẽ peteĩ “konvénio[gui] oñekumplítava ára pahápe” ohejávo “opa…pe yvy tojehovasa.”9
Ko conferencia ñe’ẽnguéra oñembohasa en directo 55 ñe’ẽme. Upéi, ko’ã ñe’ẽ oñehendúta ha oñemoñe’ẽta 98 ñe’ẽme 220 retã ha territorio rupi.
Ñande Salvador ou jey vove Mahesta ha Gloria-pe, Jesucristo Tupao Santokuéra Ara Pahapegua miembrokuéra oĩta opa múndo tetãnguéra, opa tavayguakuéra, opa rrása, opa ñe’ẽ ha opa cultura apytépe.
Tupao influencia okakuaáva
Jesucristo tupao rrestaurado influencia noĩmo’ãi tupaogua miembrokuéra ári añónte. Umi yvagagua manifestasiõ ñande árape, pe escritura sagráda ojerrestaurava’ekue yvy ari ha Espíritu Santo don ipu’akapáva rupi, ñande ha’éta peteĩ tesape mimbi yvyty ári umi Jesucristo-re jerovia’ỹ kuarahy’ã omoypytũvo ko mundo. Jepe heta ohejáta ijerovia pe Redentor-re oñemoypytũ, “nañañeguenohẽmo’ãi ñane rendágui.”10 Umi cristiano noĩriva ñane miembro apytépe omomorãta ñane rembiapo ha ñande testimonio seguro Jesucristo-gui. Jepe umi cristiano ko’áĝa omañáva ñanderehe duda reheve peteĩ ára ñaneañuáta angirũicha. Umi ára oúvape ñañehenóita Jesucristo rérare.
Rome’ẽ aguyje peẽme pene ñeha’ã porã pemotenonde haĝua tupao réra. Ojapo mbohapy ary conferencia-pe, presidente Nelson oheja ko’ã ñe’ẽ profétiko: “Apromete peẽme ñandejesareko atã jaipuru haĝua pe Salvador Tupao … réra correcto ñandegueraháta tuichave jeroviápe ha major pu’aka espiritual.”11
“Ko promesa oñekumpli heta discípulo idevótova rupi ko mundo jerére.12
Hermano Lauri Ahola, Estados Unidos este-pegua, he’i sapy’ánte hasyrõ jepe chupe okomparti tupao réra completo, profeta consého rupi, oñeha’ã meme. Ha katu profeta konseho rupi ha’e okontinua. Peteĩ jave ovisita hína iñangirũme peteĩ tupao ambue religión-guápe. Ko’ãva ha’e iñe’ẽnguéra:
“Peteĩ tapicha oporandu ‘¿Nde piko mormón?’
“‘Heẽ, che Jesucristo Tupao Santokuéra Ára Pahapegua miembro’ ha’e chupe Ha’e oñepyrũ oporandu chéve heta mba’e, káda uno oñepyrũ: ‘Tupaao Mormón piko oguerovia … ?’ Ha káda ambohovái añepyrũ ko frase reheve: ‘Cristo tupao rrestaurádope, roguerovia …’
“Ohechakuaavo che nda’aseptaiha pe título ‘Mormón,’ oparundu chéve directamente ‘¿ ndaha’éi piko nde mormón?’.
“Upévare aporandu chupe oikuaápa mávapa Mormón; ha’e ndoikuaái. Amombe’u chupe Mormón ha’eha peteĩ proféta… [ha] añe’onrra chembojojárõ [hendie].
“‘Ha katu’, akontinua ‘Mormón nomanói che angaipakuérare. Mormón ndo …hasa’asýi Getsemani-pe ni nomanói kurusúre [cherehe]… Jesucristo ha’e che Tupã ha che Salvador. … Ha Hérare che ajeikuaase. …’
“… Kirirĩ sapy’ami rire he’i: ‘¡Entónse, ningo nde cristiano!’”13
Penemandu’ápa Presidente Nelson Ñe’ẽnguérare? “Apromete peẽme jajapóramo opa ikatúva jarrestaura haĝua Ñandejára Tupao réra correcto, Ha’e, pe Itupao ha’éva kóva, oñohẽta Ipu’aka ha Ijehovasakuéra Santokuéra Ara Pahapegua akã ári, ojehecha’ỹvaicha araka’eve.”14
Ñandejára akóinte oipe’a pe tape
Ñandejára okumpli tapiaite ipromesakuera Ha’e tapiaite oipe’a pe tape ñandéve ĝuarã jajapóvo Hembiapo.
Heta ary aja roha’arõ ikatu haĝua rojogua umi sitio de dominio de internet ChurchofJesusChrist.org ha ChurchofJesusChrist.com. Ni noĩrikuri a la venta. Presidente Nelson o’anucíavo, mokõive mba’e oĩmaha kuri disponible. Ha’ékuri peteĩ milagro.15
Ñandejára omomba’eguasu ore ñeha’ã rorrevisa haĝua umi téra oñembojava’ekue tupaóre heta tiempo aja.
Rohóvo tenonde gotyo jerovia reheve Pe Coro del Tabernáculo Mormón réra oñemoambue Coro del Tabernáculo de la Manzana del Templo-pe. Pe sitio web LDS.org, orresivívakuri más de 21 millones visitas káda mes, oñembohasa ChurchofJesusChrist.org.-pe.16 Lds Business College oñemoambue Ensign College-pe. Ko sitio web Mormon.org ombohasa ChurchofJesusChrist.org pe. Oñembo héra pyahu hetave mil producto-pe orekóva pe téra “Mormón” terã “LDS” hesekuéra. Santokuéra Árapahapegua hekojojova omoambue isitio web-kuéra, emisión multimedia, ha icuentakuéra Twitter-pegua.
Ore roñemomba’e Jesucristo rehegua ta’anga pyahúrehe.
“Pe símbolo mbytépe oĩ pe Thorvaldsen estatua de mármol ra’anga, Pe Christus. Orrepresenta Ñandejára orresucita ha oikovéva ijyva jepyso reheve oñañua haĝua opavave umi oúva Hendápe.
“Simbólicamente, Jesucristo oñembo’y peteĩ arco guýpe [ñanemomandu’ávo] pe Salvador oikovejeýva osẽ hague pe tumba-gui.”17
Jesucristo Tupao Santokuéra Ára Pahapegua oadapta pe tipografía 50 ñe’ẽme rupi. Dominio ipyahúva téra rehegua oñeconsegui ko mundo jerere.
Aprecio ambuekuéra pytyvõre
Oreaguije umi heta tapicha iguéno ha iñamábleva o’onrrava’ekue ñane rembipota ñañehenói haĝua ñande réra correcto rehe. Amoñe’ẽkuri peteĩ articulo ohenóiva’ekue peteĩ cardenal católico he’ívo “Santokuéra Ara Pahapegua.”18 Avisitávo peteĩ tupao cristianogua líder-pe ojapo peteĩ mes rupi Estados Unidos este-pe, ha’e ojerreferi tupaóre irreferencia peteĩháme oipurúvo ñande réra completo, ha osegi jey jey “Pe Jesucristo tupao.” reheve.
Rohechakuaa romoĩvévo seis palabras ore rérape ndaha’emo’ãi ideal umi medio de comunicacíon-pe ĝuarã, ha katu, presidente Nelson opredesiháicha, “umi medio de comunicación responsable orekóta consideracíon ombohováivo jajeruréva chupekuéra.”19 Ore aguyje peipysógui oréve upe consideración oñeme’ẽva umi organización cultural, deportiva, política térã comunitaria-pe peiporúvo ore réra roipotáva.
Oĩta umi pokã, oipe’aségui seriedad ñane misión-pe, ñanerenóitava gueteri “mormones” térã “Pe Mormón tupao.” Cortesía reheve rojerure jey umi medio de comunicacíon ijojávape to’onrra ore deseo roñehenói haĝua ore rérare orekómava 200 ary.
Santokuéra Ara Pahapegua py’aguasu
Oĩ miles ha miles Santokuéra Ára Pahapegua omomarandúva py’aguasu reheve tupao réra. Jajaporõ ñande parte ambuekuéra osegíta. Ahayhu ko Tahiti-gua rembiasakue.
Iriura Jean, diez años orekóva, odesidi osegitaha presidente Nelson consého
Imbo’ehao clásepe oñe’ẽ hikuái ifin de semana rehe …ha Iriura oñe’ẽ tupaó … re.
“Imbo’ehára, Vaite Pifao, he’i: ‘Oh, ¿nde mormón ra’e?’
“Irirura he’i py’agusúpe, ‘Nahániri, … ¡che ha’e Jesucristo Tupao Santokuéra Ára Pahapegua miembro!’
“Imbo’ehára he’i jey, ‘Heẽ, … nde peteĩ mormón.’
“Iriura he’i jey, ‘Nahániri mbo’ehára, che peteĩ Jesucristo Tupao Santokuera Ara Pahapegua miembro!’
“Kuñakarai Pifao oñesorprende Iriura convicción rehe ha oñeporandu mba’érepa ha’e oinsisti’eterei ojeiporu haĝua itupao réra. [Ha’e odecidi ijetypeka información Tupaopeguarehe.]
“[Uperire, hermana] Vaite Pifao oñemongaraívo [ome’ẽ aguyje] Iriura osegihague Presidente Nelson consého.”20
“Tupao réra noñemoambuekuaái”. Jaha tenonde gotyo jerovia reheve. Jasegi kyre’ỹvo Ñandejára rekombo’e orrevelaháicha Iproféta oikovéva rupive, especialmente ohórõ ñane pensamiento inicial kóntrape, oikotevẽvo humilda ha sacrificio, Ñandejára ñanderovasa pu’aka espiritual adicional reheve ha ombou Hi’anhelkuéra ñanepytyvõ ha ñanemo’ã haĝua.21 Rorresivi Ñandejára moañete ha Ijaprovasiõ.
Che peteĩ testigo ocular yvagagua pu’akágui oĩva ñande proféta jahayhuetéva Presidente Russell M. Nelson ári. Hembipota úniko ha’e ombovy’a Ñandejárape ha ohovasa Ñande Ru Yvagagua ta’yrakuérape. Che experiencia personal, ha experiencia sagrada rupive, che atestifika Ñandejára ohayhúha chupe. Ha’e ningo peteĩ Tupã profeta.
Atestifika Jesús ha’eha pe Cristo, Tupã oikovéva Ra’y. Jesucristo rérape, Amén.