Heber J. Grant

Si Heber J. Grant mao ang ikapito nga Presidente sa Ang Simbahan ni Jesukristo sa mga Santos sa Ulahing mga Adlaw. Natawo sa Siyudad sa Salt Lake niadtong 1856, si Grant gipadako sa iyang mama, si Rachel Ridgeway Ivins Grant, human nga ang iyang amahan, si Jedediah Grant (usa ka magtatambag ni Brigham Young) namatay dihang si Heber pipila ka adlaw pa lang ang pangidaron. Si Heber gitawag isip presidente sa stake sa edad nga 23 ug giordinahan nga Apostoles human sa duha ka tuig. Atol sa 36 ka tuig nga apostolikanhong pagserbisyo, siya nakigtambayayong sa Lumad nga Amerikanong mga miyembro, miorden og daghan isip mga lider sa pagkapari, miorganisar ug nangulo sa unang misyon sa Japan, ug nangulo sa British ug European nga mga misyon. Usa sa labing dramatikanhon nga mga panghitabo sa iyang apostolikanhong pagserbisyo miabut niadtong 1893, sa dihang siya nangayo og balaanong tabang nga makautang aron maluwas ang Simbahan. Nianang higayona, ang Simbahan nakasinati og grabe nga kalisud sa pangwarta gikan sa mga epekto sa balaudnon batok sa pagpangasawa og daghan ug dili maayo nga mga pamuhunan; ang mga paningkamot ni Grant nakapanalipod sa Simbahan gikan sa pinansyal nga pagkahagba atol sa usa ka nasudnon nga ekonomikanhong krisis.¹ Isip usa ka Apostoles ug sa wala madugay isip Presidente sa Simbahan, si Grant mihatag og gibug-aton sa paghupot sa Pulong sa Kaalam ug misaad nga ang matinud-anon nga pagsunod modala og mas dako nga kahibalo og pagpamatuod sa mga Santos sa Ulahing mga Adlaw.

Imahe

hulagway ni Elder Heber J. Grant

Isip Presidente sa Simbahan gikan sa 1918 hangtud sa 1945, si Heber J. Grant midumala sa pag-uswag sa Simbahan sa gawas sa mga dapit nga gipuy-an sa daghang mga Santos sa Ulahing mga Adlaw subay sa Rocky Mountains. Iyang gipasaligan ang mga Santos nga ang pagpamalhin gikan sa layo nga mga sentro nga pundukanan sa ika-19 nga siglo nahasubay sa mga pagtulun-an sa Simbahan, ug niadtong 1923 iyang giorganisar ang Los Angeles Stake, ang unang stake nga naa sa usa ka siyudad diin gamay ra ang mga Santos sa Ulahing mga Adlaw. Gipahinungod ni Grant ang mga templo sa Laie, Hawaii; Cardston, Alberta, Canada; ug Mesa, Arizona. Iya usab nga gidumala ang pagmugna og mga institute of religion, usa ka programa sa relihiyosong edukasyon alang sa mga Santos sa Ulahing mga Adlaw nga mitambong og mga kolehiyo ug mga unibersidad, ug uban pang mga paningkamot sa pagpalig-on sa mga miyembro sa Simbahan samtang sila nag-eskwela, nagtrabaho, ug nagpuyo sa tibuok kalibutan.

Samtang si Grant nangulo sa Simbahan, daghang miyembro ang nag-antus sa ekonomikanhong paagi tungod sa Great Depression. Human sa pagsulay og pipila ka nagkalain-laing mga pamaagi sa pagtabang sa mga miyembro nga makalahutay sa nagpadayon nga ekonomikanhong krisis, ang Unang Kapangulohan mitukod sa Church Security Plan, sa wala madugay gitawag og Church welfare program, aron sa pagpadayon sa mga paningkamot sa Simbahan nga makahupay sa ekonomikanhong pag-antus.

Alang sa dugang pang impormasyon mahitungod sa mga panghitabo ug mga tema sa kinabuhi ni Heber J. Grant, tan-awa sa Prophets of the Restoration nga mga video sa history.Churchof JesusChrist.org o diha sa Gospel Library nga app.

May Kalabutan nga mga Hisgutanan: Pulong sa Kaalam [Word of Wisdom] (D&P 89), Japan