I totonu o la’u vasega o le Aoga Sa e i ai nisi tagata e le migao. Ua uma ona ou talanoa i le faiaoga ma le epikopo. O le a se isi mea e mafai ona ou faia?

Muamua, ia fai se faataitaiga mo isi i lau vasega. Ia faaali le fiafia i mea ua saunia e le faiaoga. Afai latou te vaai mai o loo e fia aoao, atonu o le a latou iloa o mea o loo aoaoina e i ai se aoga.

O le a faalogo ma le toto’a tagata o le vasega pe a faaauai i latou, o lea ia e auai i le talanoaina o le lesona, ma tatai atu i latou e ala i le fesili ma tali atu i fesili e faamalosia ai fetufaaiga ma manatunatuga loloto e uiga i le autu.

Ia tatalo ina ia aumai e le Agaga Paia le toafimalie ma uunaiga musuia i lau vasega ina ia mafai ai e outou uma ona aoao mai le lesona.

Ma le mea mulimuli, ia alofa ma faamagalo atu ia i latou o loo fai ma faalavelave. E ui lava atonu e te le fiafia i a latou amioga, ae e masalo o le a le suia lava i latou pe afai latou te lagonaina e te ita pea, pe o loo e vaai maualalo foi ia i latou. Ae ia e tatalo mo i latou ma auauna atu ia i latou. A latou vaai atu e te manatu ia i latou ma o loo e naunau i le lesona, e ono mafai ona sosolo atu lou lotonaunau.