Dia Amiga

Halo i kam long Meksiko! Mi bin glad tumas blong kasem leta blong yu mo harem abaot betdei blong yu we i stap kam. I luk olsem se yu wari smol blong aot long Praemeri. Bae mi save storian long yu long taem we mi mi bin go long Yang Woman?

Mi tu, mi bin fraet lelebet blong aot long Praemeri. Mi bin wari se bae mi no save gat eni fren. Mi bin fraet blong stap olsem wan long ol gel we i moa yangfala, be i no wan we i moa olfala.

Be i bin kamaot gud. Bisop i bin intaviu long mi bifo we betdei blong mi, mo hem i bin talem long mi se jenis ia bae i wan gudfala samting. Long Sandei, mi harem se mi fraet smol mo mi bin stap long rum blong Praemeri. Laki, wan long ol lida blong Yang Woman i faenem mi long ples ia. Hem i talem se: “Mi ting se bae mi save faenem yu long ples ia! Yu kam, i taem blong go long klas.”

Sista Dias i bin welkamem mi long taem we hem i openem taem, mo hem i bin givim tri buk long mi we mi kam blong laekem tumas: Blong Ol Yut Oli Kam Strong, Progres blong Miwan, mo wan jenol. Taem mi bin lukluk i go raon long rum, mi bin luksave se mi bin save sam long ol gel we oli bin aot long Praemeri. Sam long ol gel we mi no bin save long olgeta oli talem halo long mi. I no longtaem afta, mi bin filim pis, be i no fraet.

Ol samting oli jes gohed blong kam gud moa afta long hemia. Ol Miutuol aktiviti oli kam spesel long mi from se oli bin tijim mi olsem wanem blong laef folem gospel, mo olsem wanem blong helpem famle mo ol fren blong mi. Mo blong stap go long kamp evri yia, i wan gudfala taem tumas! Naoia, we mi stap olsem wan Lorel, mi hop se bae mi finisim Progres blong Miwan i no longtaem. Mi no save wet blong werem medol blong Yang Woman, blong mekem se hem i mekem mi tingbaot hamas mi bin gro i kam kolosap long Papa blong mi long Heven, taem ol yia oli bin pas.

So, yu no fraet fren blong mi. Openem wing blong yu, mo flae i go long Yang Woman. Mi promesem yu se bae yu no harem sore from.

Wetem lav,

Maribel