2012
Stap Dresap Olsem Wan Dikon
Oktoba 2012

Stap Dresap Olsem Wan Dikon

I Kam long Hilari M. Hendriks

I kamaot long wan tru stori

  1. Tedei, hem i betdei blong Eli. Hem i gat fo yia.

    Long fo moa yia, bae yu kasem baptaes.

    Mo fo moa yia afta long hemia, bae yu kam wan dikon, mo bae yu save pasem sakramen.

  2. Afta, Mama i bin helpem Eli blong jenisim klos blong silip blong hem, mo werem ol klos blong Jos.

  3. Ol dikon oli stap werem ol traosis blong ol supahiro i go long jos?

    No. Ol dikon oli werem ol naesfala traosis.

  4. Ol dikon oli stap werem ol sot blong ol supahiro i go long jos?

    No. Ol dikon oli stap werem ol waet sot mo nektae.

  5. Mi wantem werem wan waet sot mo naes traosis. Mi wantem blong dresap olsem wan dikon.

    Mama i bin helpem Eli blong werem naes traosis blong hem, wan waet sot, mo wan nektae.

  6. Long jos, Eli i foldem han blong hem taem hem i stap luk ol dikon oli stap pasem sakramen.

  7. Taem wan dikon i tekem sakramen i kam long Eli, Eli bin tekem wan pis bred, mo afta, i pasem trei i go long Mama.

  8. Mama i smael long Eli. Hem i bin glad blong help. Hem i filim i semmak olsem dikon ia.

Ol pikja oli kam long Simini Bloka