Kasem Ol Blesing Tu Taem Moa
Mitim Sofi mo Elodi A. blong Antananarivo, Madagaska.
Tufala twin sista, we tufala i gat ten yia, tufala i stap long Madagaska. Hemia i wan bigfala aelan long saed solwota blong Afrika. Famle blong tufala i gat wan gudfala tru stori. Elodi i talem: “Fas taem we papa blong mi i bin mitim ol misinari, hem i bin save se Jos i tru. Hem i konvet wantaem.” Mama blong tufala i bin kasem baptaes sam manis afta.
Bifo we tufala gel i bon, papa mo mama blong tufala i bin livim kakae, mo tufala i bin prea se tufala i save gat wan gel. Sofi i talem: “Be tufala i no bin gat wan gel, be Mama i bonem tu gel i kam long wol.”
Hem i bin wan blesing we i bigwan tu taem moa stat long taem ia!
Famle blong Sofi mo Elodi i bin sevem mane blong tri yia blong save go long Joanesbeg Saot Afrika Tempol blong oli sil tugeta. Oli mas travel moa long 2,100 kilometa mo oli mas krosem Bigfala Solwota blong India blong kasem ples ia.
Mama blong tufala gel i gat helt klinik narasaed long haos blong olgeta. Tufala i stap help taem tufala i stap brum mo stap help blong kipim ples ia i klin.
Long flag blong Madagaska, waet i ripresentem samting we i klin evriwan, red, i blong indipendens, mo grin i ripresentem hop.
Sofi mo Elodi, tufala i gat 2 puskat, mo tufala i laekem tumas blong holem tufala.
Wan kaen mangi we oli singaotem limars, mo ol bigfala lised we oli singaotem kamilion, oli fulap long Madagaska.
Ol famle foto oli kam long Rijad M. Romni; ol narafala foto oli kam long Kreg Daemon © IRI; iStockphoto.com/GlobalP; iStockphoto.com/Lipowski