Fasin blong Fogiv I Givim Fasin blong Stap Glad

Presiden Ukdof i tijim se yumi mas fogivim ol famle memba blong yumi. Luk olsem wanem ol joes blong Josef mo Ana i bin afektem ol famle blong tufala.

Josef mo smol sista blong hem, Ana, i bin stap pleplei tugeta. Ana i karemaot pleplei blong Josef long hem. Wanem nao Josef i mas mekem?

Josef i kros long Ana. Ana i krae. Mama blong Josef i panisem hem from hem i faet wetem sista blong hem. Josef i sore from hem i no bin mekem wan gudfala joes.

Josef i fogivim Ana mo faenem wan nara pleplei blong plei wetem. Tufala i pleplei gud afta. Mama blong tufala i glad se Josef i bin kaen long sista blong hem mo mekem pis i stap long famle. Josef i filim hapi blong jusum blong fogiv.

Afta, Josef mo Ana i nidim blong helpem mama blong tufala blong rere long dina. Josef i no help. Wanem nao bae Ana i mekem?

Ana i komplen long mama blong hem. Ana i kros from hem i mekem wok hemwan nomo. Long taem blong kakae long naet, evriwan i no hapi from kros we i bin stap.

Ana i fogivim Josef mo help wetem kaekae blong naet. Mama blong tufala i talem tangkyu from help blong Ana. Famle ia i bin glad blong stap tugeta long taem blong kakae long naet. Ana i filim gud se hem i jusum blong fogiv.

Olsem wanem ol joes blong yu blong fogiv i save mekem se famle blong yu i hapi?