Te ahuraa mai te hoê diakono

I teie mahana te mahana fanauraa o Eli. E maha matahiti to’na.

E maha faahou matahiti, e bapetizohia oe.

E maha atu â matahiti i muri iho, e riro oe ei diakono e e opere ïa oe i te oro‘a.

I muri mai, te tauturu ra mama ia Eli ia taui mai i te ahu taoto i te ahu pureraa.

E piripou « superhero » anei to te mau diakono i te pureraa ?

Aita. E piripou avae roa noa to te mau diakono.

E piriaro « superhero » anei to te mau diakono i te pureraa ?

Aita. E ahu oomo uouo noa e te taamu arapoa.

Ua hinaaro vau i te oomo i te ahu uouo e te piripou avae roa. Ua hinaaro vau ia ahu mai te hoê diakono te huru.

Tauturu mama ia Eli i te oomoraa i te piripou avae roa e te ahu uouo e te taamu arapoa.

I te pureraa, ua tufene Eli i to’na na rima a hi‘o noa ai i te mau diakono e opere i te oro‘a.

I to te diakono tororaa i te oro‘a ia Eli, rave mai nei Eli i te faraoa e horo‘a atura i te vairaa ia mama ra.

Ataata mai nei mama ia Eli. Ua oaoa roa oia i te tautururaa. Ua mana‘o roa oia ia’na mai te hoê diakono.