Ua tai‘o tamau noa vau e ua tuatapapa ho‘i i te Liahona mai te matahiti 1967 mai â, e ua tauturu te reira ia’u ia tupu i te pae varua. E tia‘i noa vau i te mau ava‘e atoa i te ve‘a no te haapii mai ia’u, no te faaroo mai i te muhumuhu o te Varua a te Fatu e no te faarahi mai i to’u iteraa papû no ni‘a i te evanelia. Ua au taa ê au i te parau poro‘i « Imiter et honorer notre famille céleste » (Liahona, Fepuare 2012, 80) Ua ti‘a ia’u ia taa maitai i te parau a te taata papa‘i no te mea ho‘i, e taata opua tauihaa nihi (designer) atoa vau.

Ua here au i te Liahona—te haapii mai nei te reira ia’u, te turu nei ia’u e te faatitiaifaro nei i to’u oraraa. Ia tai‘o vau i te tahi mea maitai i te po‘ipo‘i, e tamata vau i te haamaitai a‘e ia’u i te mahana taatoa. E puai a‘e to’u here e to’u faaroo ia tai‘o vau i tera ve‘a. Te horo‘a atoa nei au i te Liahona i to’u mau hoa ei tao‘a horo‘a. Mauruuru maitai no teie orometua maitai e teie hoa maitai !