យោបល់នានាសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« កុមារតូចៗ និងពិធីសាក្រាម៉ង់ » ទំព័រទី ១៦ ៖ ក្នុងនាមជាឪពុកម្តាយបន្ទាប់ពីអានអត្ថបទនោះហើយ អ្នកអាចពិភាក្សារបៀបនានាដើម្បីបង្រៀនកូនតូចៗរបស់អ្នកអំពីសារៈសំខាន់នៃពិធីសាក្រាម៉ង់ និង សេចក្តីសញ្ញា ដែលពួកគេនឹងចុះនៅថ្ងៃខាងមុខពេលបុណ្យជ្រមុជទឹក ។ អ្នកអាចប្រើការអធិស្ឋានសាក្រាម៉ង់ ( មាននៅក្នុង គោលលទ្ធិ និង សេចក្តីសញ្ញា ២០:៧៧, ៧៩ ) ដើម្បីបង្រៀនអំពីការសន្យាដែលយើងធ្វើពេលបុណ្យជ្រមុជទឹក ហើយរបៀបទទួលទានសាក្រាម៉ង់រាល់សប្តាហ៍អាចឲ្យយើងរំឭកការសន្យាទាំងនោះ ។ អ្នកអាចបង្កើតគំនិតដើម្បីជួយកូនតូចៗរបស់អ្នក ឲ្យផ្តោតចិត្តលើព្រះអង្គសង្គ្រោះអំឡុងពេលសាក្រាម៉ង់ ដូចជាបង្កើតសៀវភៅរូបភាពសាមញ្ញៗដែលមានរូបរបស់ព្រះអង្គសង្គ្រោះ ។
« រូបមន្តសម្រាប់ការរៀនសូត្រ » ទំព័រ ៦២ ៖ ប្រសិនបើអ្នកមានកូនធំៗដែលអាចសិក្សាព្រះគម្ពីរដោយខ្លួនគេបាន នោះសូមគិតពីការអានអត្ថបទនេះជាមួយពួកគេ ហើយអញ្ជើញពួកគេឲ្យសាកល្បងយោបល់នានាដែលមានក្នុងអត្ថបទនោះ ។ អ្នកអាចឲ្យសមាជិកម្នាក់ៗក្នុងគ្រួសារ បង្កើតសៀវភៅកំណត់ហេតុសិក្សាផ្ទាល់ខ្លួនមួយ ហើយដាក់គោលដៅសរសេរវាឲ្យបានទៀងទាត់ ។ សមាជិកគ្រួសារអាចអាចស្ម័គ្រចិត្តចែកចាយគំនិត និង ការបំផុសគំនិតមកពីសៀវភៅកំណត់ហេតុសិក្សារបស់ពួកគេក្នុងកម្មវិធីរាត្រីជួបជុំក្រុមគ្រួសារនាពេលខាងមុខ ។