Veivakavulici ena iVakarau ni iVakabula
E DUA NA ELEFANITI ENA LOMA NI VALENIVULI
Na matabose ni qasenivuli e sega walega ni veisautaka na sala ni noda veivakavulici; e veisautaka na sala ni noda vuli.
E dua na dredre e dau sotava o Mzwakhe Sitole. Ena nona itutu vakaperesitedi ni Wilivola ni Sigatabu ena tabalevu, a nona itavi ka lesi vua va-Kalou me vakavinakataka na vulici ni kosipeli ena Tabanalevu.1
Io o ira na lewe ni nona tabana levu e Johannesburg, Sauca Aferika, e so era lako mai ena ituvaki kei na nanamaki e duidui. Eso era vuli vinaka; ka vuqa e sega. Levu era vakavulici ni nodra itutu na gonevuli me ra vakarorogo, ka sega ni dau vosa. Levu era sotava tu na dredre ni tovo qo kei na nodra kila ni dodonu ruarua vua na tagane kei na yalewa me ra vakaitavi ena veika e vakavulici e valenilotu kei na vuvale.
“E tu tale tu ga o ira era duidui vosavosa tu na nodra vosa.” a kaya o Brother Sitole. “Ia e uqeti ira yadua na Yalotabu.”
Ena gauna a sevutaki kina na matabose ni qasenivuli kei na Veivakavulici ena iVakarau ni iVakabula ena yabaki sa oti, na veitabanalelevu kei na tabana ena lomani Lotu era tekivu qarava na nodra matabose ni qasenivuli me ra veitalanoataka, ka vulica, ka cakacakataka na ibalebale ni sala ni veivakavulici vaka na iVakabula.
E sa qai raica kina o Brother Sitole na veivakalougatataki e kauta mai ena nona tabanalevu na matabose ni qasenivuli. Na dredre ni itovo vakavanua ena rawa ni veivosakitaki, na vakaitavi ena kalasi ena vakalevutaki, kei na duidui ni nodra rai na lewenilotu ena rawa ni kalougata.
Me vaka ira na lewe vuqa e vuravura, o Brother Sitole e vakila na Turaga e sega ni vakayagataka tiko na matabose ni qasenivuli me veisautaka na walewale ni veivakavulici; Ia o Koya e vakayagataka tiko me veisautaka na iwalewale ni noda vuli.
Na Duidui ni Noda Rai me Baleta na Elefaniti
E dua na ka a kunea o Brother Sitole ni o ira na qasenivuli era dau vakauqeti ira na gonevuli mera vakaitavi ena nodra vuli, ena yaga vei ira mai na railevu mai na duidui ni rai e vakarautaki.
Na kila oqo e lako mai vei Brother Sitole ena gauna ni bose ni matabose ni qasenivuli e dua na leweni nona tabana e wasea na italanoa me baleta na tamata mataboko kei na elefaniti, ia a dua na kena veisau. Na italanoa qo e baleta e ono na tamata mataboko, eratou a dui vakamacalataka me baleta na elefaniti (dua na yavana e vaka na duru, na buina e vaka na dali, na ucuna e vaka na paipo ni wai ka mani tomani sara yani) baleta ni ratou dui tara na dui tikini yagona.2
“Tou taura mada na elefaniti e matataka tiko na ivakavuvuli ni kosipeli,” a kaya o Brother Sitole. “Meda solia na galala vei ira na lewe ni kalasi me ra wasea na nodra dui rai, me rawa ni ra mai kila vata ena vakalougatataki ira vakacava na kosipeli.”
Sa ikoya oya na vuna era dau dabe wavoki kina ena teveli o ira na qasenivuli ena tabana nei Brother Sitole na gauna ni matabose ni qasenivuli—me dusimaki vakavinaka na veitalanoa. “E vakadeitaka vei keda ni tautauvata na kena na rogoci na domoda,” e kaya o koya.
Ena vakatau ena Nodra Gagadre
Mai Tokyo, Japan, Natsuko Soejima a dau vakatitiqataki koya ni sega ni rawa ni veivakavulici vinaka. “Gauna au kacivi kina meu Qasenivuli ni Wilivola ni Sigatabu ni itabagone,” au kaya vei noqu bisopi niu na rere. Ia a qai tukuna o koya na vei kacivi oqo sa mai vua na Kalou, au a mani ciqoma.”
iVakalawalawa, e vakayalolailai taki koya na kalasi baleta na vei dredre yadua era vakaraitaka. E rua na itabagone e dredre na nodrau rogoca na ka. E levu vei ira na lewe ni kalasi era toki mai Japani mai na vei matanitu tale eso era vosa ga vaka Valagi. A rerevaka talega o koya na veisivi ni yabaki mai vei koya kei ira na lewe ni nona kalasi.
Ena gauna ni matabose ni qasenivuli, a qai kunea na sau ni nona taro o Sister Soejima. “Keitou veitalanoataka na nodra lomani o ira na leweni kalasi, kila na yacadra, masulaki ira yadudua, kei na veivakavulici—ka tuberi vakayalo—ena vuku ni nodra gagadre,” na ka vakaraitaka o koya, “oqori saraga na eka au tekivu meu cakava.” Au cakava talega e dua na ka au vulica mai ena matabose: “Au vakayagataka ga na vosa e vakasavuya na noqu loloma.”
Na kena macala? “E veisau na yaloqu. Au tekivu vakila na nodra loloma na gonevuli. Au kauwaitaki ira era yali tu kau masulaki ira talega. Ni cava ga e dua na lesoni, au sa tekivu vakarautaka na lesoni ka tarava, me rawa niu vakasamataka na noqu isolisoli ni veivakavulici. E sa dua na ka na noqu marau.”
Sau ni Taro Matailalai
O Brad Wilson, e Qasenivuli ni Wilivola ni Sigatabu mai Minnesota, USA, e dau raica me kua ni dua na qasenivuli e gole, yacova ni ra veitalanoataka na veisau ena yacovi ira ena ka era na vulica ena gauna ni matabose.
“Eda muria na idusidusi vakarautaki ena Veivakavulici ena iVakarau ni iVakabula,” kaya o Brother Wilson. “Keitou veitalanoataka na bula era sotava ena nodra itutu vakaqasenivuli, ka keitou veitalanoataka e dua na ulutaga e vakaturi mai. Niu dauveituberi, au dau taro ka umana vata na noqu vakasama. Sa qai vakatovotovotaki ka muri. Keitou dau wase vakailawalawa lalai ka keitou veitalanoataka, ‘Na cava au na cakava mena duidui mai baleta na neitou bose nikua?’”
O Ron Goodson, e dua na qasenivuli ni koramu ni dikoni ena tabanalevu vata ga, a kaya ni dau kurabui vakalevu ena nona dau “veitavulici” o Brother Wilson ena matabose. “Keirau dau veitalanoataka na ivakarau ni veivakavulici na iVakabula,” a kaya o koya. “Ni o dau vakila na yalo, o na vakasamataka, ‘Oqo e dua na ka meu tovolea vata kei na noqu kalasi.’ Ni da vakasamataka na iVakabula ena veisautaka na noda rai. Esa vaka e lailai mai na “Meu vakarautaka na noqu lesoni.’ ka vaka oqo, ‘Na cava era na gadreva o ira na dikoni qo, kau na vukei ira vakacava?”
E nanuma o koya ni a vola ena nona ivolaniveisiga, “au a tiko ena bose ni matabose ni qasenivuli nikua, qo na ka au gadreva meu na vakayacora.” Ia na volaniveisiga oqo e sinai kina na vei ka au vola me baleta na ka oqo. Koya oqo sa dau vakavakarau yani ni se vo tu na gauna: “Tekivu totolo o na vakauqeti ena lomani macawa.” Koya e dau tarogi ira na dikoni na cava e yaco tiko ena nodra bula: “Au vukei ira vakavinaka niu kilai ira vakavinaka.” Ka dau sureti ira na dikoni mera dau vukei koya ena veivakavulici: “Ni ra cakava qo era vuli talega kina vakavinaka.”3
Au Lagasere Tikoga
“Ena neitou matabose, keitou veitalanoataka na kena rawa ni sureta na Yalo na sere,” a kaya o Jocelyn Herrington, e dua na qasenivuli nodra na Lalai mai na tabanalevu e Minnesota. “Au a vakavulici ira tiko na Matanisiga. Au nanuma meu lagasere ena gauna era kalakala tiko kina, kau kila ni na totoka.’ Au tekivu lagasere, era tu kece vakadua era qai vakarorogo. Au mani lagasere tikoga. E kauta mai na Yalo, ena gauna e oti kina na noqu lagasere, era dabe vakanomodi, era waraki au tu meu vosa. Keitou veitalanoataka talega na ka oqo [gauna ena matabose], mo wasea na nomu vakadinadina ena gauna donu. Au wasea na noqu ivakadinadina ena vosa era rawa ni kila kina na kena balebale.”
E kaya o Sister Herrington ni dua na ka na nona dau marautaka ni dau wili ena matabose o ira na qasenivuli ni Lalai. “Keitou dau veitalanoataka na nodra vakavulici na qasecake,” a kaya o koya,“ia na gauna e dau kaya kina o Brother Wilson, ‘Vacava na nodra vakavulici o ira na itabagone? Vacava na nodra vakavulici o ira na gonelalai?’ E kauta lesu mai o koya ni duidui ni yabaki ni bula e tiko kina.”
Mai na Matabose kina Matabose
E Peresitedi tiko ni Wilivola Sigatabu o Adam Martin, ena Tabanalevu mai Calgary, Alberta, Canada, e dau marautaka o koya na veivakasama e dau kau cake mai ena gauna ni matabose ni tabanalevu. “Na Peresitedi ni Soqosoqo ni Veivukei se na Peresitedi ni kuoramu ni talatalaqase ena tukuna, ‘Keitou na gadrevi ira na qasenivuli mera na vakanamata ena veika oqo.’ eratou sa na kauta cake sara ga mai ena gauna ni [bose] ni matabose ni qasenivuli,” a kaya o koya.
Ena matai ni gauna a tekivu kina na matabose ni qasenivuli, era sega ni namaka tu o ira na qasevuli na cava ena yaco, a mani biuta e vuqa na veisureti me vakamacala taka kina e vuqa na yaya ni vuli e tu ena teaching.lds.org “Qo sa qiqi tiko na polo.” a kaya o koya. “Qo na vanua me veivosakitaki kina na veika e yaco tiko.”
Dua na bose qai yaco wale tikoga e vakatabakidua ena kena muri tiko na Yalo. “Keirau dau veitalanoataka na vakavakarau vakavinaka ka sega ni leqataka na veika kece,” e kaya o koya. “E kaya e dua na marama ni dau vakila ni dodonu me dau wasea na veika kece e tu ena nona tuvatuva ni vuli. Eda rawa ni raica na rarama vei koya ena gauna ni veitalanoataki kina na noda muria na veivakauqeti me veidusimaki tiko ena gauna ni veivosaki.”
Vaqara Vata Na iWali
Na veituvaki kece ni vuli e tikovata kei na kena isolisoli e rawa ni vakayagataki, na dredre kei na veivakakalougatataki. Koya gona oya na vuna e dau yaga kina na matabose, baleta ni solia na galala vei ira na qasenivuli, ena nona veivuke na Yalo me ra vaqara na sau ni nodra dredre vakayadua.
E dua na peresitedi ni Wilivola Sigatabu o Geoffrey Reid mai Arizona, Amerika, e kaya na matabose ni qasenivuli e yaga kevaka era kila tiko na qasenivuli ni nodra inaki mera vei vakasalataki: “Era na qai raica ni rawa ni veivuke vei ira na tani.”
Na iteki, e kaya o koya, e saga tiko ni vukei ira na qasenivuli me toso mai na nodra vakanananu mai na “Au veiqaravi vinaka beka?” ia mo vakasamataka, “E ciqomi vinaka tiko na itukutuku?”
E dua na qasenivuli ni Lalai ena iteki o Marisa Canova, a kaya ena veivakauqeti a vakila ena gauna ni matabose ni qasenivuli, koya sa dau vakauqeti ira na Lalai mera dau vei masulaki. Qo e bau yaga, ia ena sega beka ni na vaka oya ena dua na kalasi e qase cake. “Nodra masulaki o ira na lewe ni kalasi levu ni Vakavuvuli ni Kosipeli ena via dredre toka,” a kaya o koya. “Kalougata, era kaya na qasenivuli, ‘Ena rawa vakacava me keimami na veisautaka rawa na ka oqo ena neitou kalasi?’ Ia eda na rawa ni vaqara vata na kena iwali.
“Na ka au vakavinavinakataka me baleta na matabose ni qasenivuli,” a kaya o koya, “ni dau soli veikeimami na gauna me keimami raica lesuva na ka keimami cakava tiko kei na cava keimami cakava tiko. E veivuke vakalevu ni tiko na veitokoni kei na railesu, eda vakila ni cakacaka tiko me da rawata vata e dua na inaki. Au taleitaka talega vakalevu na duidui ni rai era dau dui kauta mai ena teveli. E vukei au mei vakasamataka e vuqa na ka au na sega ni rawa ni vakasamataka vakai au.”
Ni da vaka itavi ka veiwasei ena gauna ni bose ni matabose ni qasenivuli, na noda rai me baleta na elefaniti “vakavuvuli ni kosipeli” ena tekivu me veisau. Vakai Brother Sitole mai Aferika, levu vei keda na lewe ni Lotu eda vaqara tiko na igu meda veivakavulici ena sala ni noda Vakabula meda vakavinaka, ka veisautaka na sala ni noda veivakavulici ka veisautaka talega na sala ni noda vuli.