Vukea e Dua Nikua

iVakatakilakila

Christ healing at Bethesda

Na itukutuku mai na Veivakabulai i Karisito mai Paciseta, mai vei Carl Heinrich Bloch, ka soli vakailoloma mai na Tabana ni Yaumaroroi ni Cakacaka ni Liga ni Univesiti na Brigham Young

Au sa nuidei tu ni sa lomadra na leweni Lotu yadua me ra qaravi ira era gadreva na veivuke. Eda sa veiyalayalatitaka ena papitaiso me da “veivuketaka na noda icolacola me mamada kina.” [Mosiah 18:8]. E sa vakavica na kena tarai na yalomu ni o vakadinadinataka na nodra gagadre eso? E dau vakawasoma beka na nomu gadreva mo sa na veivuke kina? Ia e vakawasoma beka ena bula ni veisiga e sa vakaosooso tiko ga na bula ka o sa vakalaiva ga vei dua tale me veivuke, ni o vakila tu “io, ena dua tale ena qai mai veivuke ka qarava na veika oqo.”

Eda sa dau vesuki tu ga ena osooso ni bula. Kevaka e da duri vakatikitiki, me da raica vakavinaka na veika eda cakava tiko, eda na raica ni … e levu na gauna eda vakayagataka tu ni da qarava tiko na veika e sega soti ni bibi ena taucoko ni tuvatuva ni ka kece, ka vakaweleweletaki na veika e bibi cake. …

“Eda sa vakavolivoliti mai vei ira era na gadreva na noda veivuke, veivakatatataki cake, veitokoni, veivakalomavinakataki, loloma—se era noda matavuvale, noda itokani, veikilai, se vulagi. Eda sa liga ni Turaga e vuravura edaidai kei na itavi ni veiqaravi ka vueti ira cake na luvena. O Koya sa vakararavi tu vei keda. …

Me tara madaga na lomada e dua na serenilotu kilai … .

[“Na Caka Vinaka?” Serenilotu, naba 131].

… Me da qai dui tarogi keda ena taro … : “Na cava au sa bau cakava vua e dua nikua?” Na noqu ivakasala vei ira na lewenilotu e vuravura raraba me ra vakasaqara e dua e sotava tiko na dredre se tauvimate se galili, ka cakava e dua na ka vua nikua.