iYaloyalo ni Vakabauta
Ilir Dodaj
Durrës, Albania
Ilir a vakaraica vaka voleka na nona yaya ni cakacaka na luvena tagane saga me vakarautaka na kena balavu.
Ilir kei na watina o Gjystina ratou dau tekiduru ka masu kei ira na luvedrau.
Ilir e veiqaravi vaka bisopi ka biuta e dua na vakaraitaki vinaka vei ratou na luvena tagane, ka kaya. “E tiko na noqu ivakadinadina kaukauwa. Au lomana na noqu matavuvale ka au masuti ira na tamata era gadreva tu na veivuke ena veisiga.”
Ilir kei na luvena tagane rau dau taubale taka tu na gaunisala e Durrës.
Ilir kei Gjystina sa rau sivia na 10 na yabaki na nodrau lewena tiko mai na Lotu.
Na veiqaravi e sega ni ka rawarawa, ia me vaka niu tama ka bisopi talega, Ilir Dodaj e dau saga me dauvakaraitaka vei ira na luvena ni qo e cakacaka yaga dina.
Cody Bell, dau ni veitaba
E dua na marama ena neitou tabana e tubu tiko e ketena na tumor ka gadreva tu na veivuke ena vei siga baleta ni sega ni yavala rawa mai ena delani nona loga. A mani qai kerea o koya meu lako yani, ka me kua ni dua tale na matabete se dua tale na tamata, baleta ni sa bibi na nona tauvimate ka sa kila tiko o koya ni na mate. Koya a vakacegu ni kila ni mai vukei koya tiko na nona bisopi.
Dua na siga a sele na noqu uto, ka sega niu rawa ni lai sikovi koya ena dua na gauna lekaleka. Na gauna au lesu kina meu lai raici koya, a kaya mai o koya, “Bisopi, ena rawa vakacava vei iko mo mai vukei au kevaka o sa qai sele oti madaga mai?”
Au tukuna vua, “Na noqu ilesilesi meu veiqaravi vei ira na tani.”
Sa voleka mai na gauna ni nona mate sa tekivu me ca mai na yagona. A dredre dina ena noqu raici koya tiko vaka oya, ia koya a sega ni rerevaka na mate. Koya a lomana na Kalou ka kila na ituvatuva ni veivakabulai. “Au kila na Kalou e tiko na nona tuvatuva vei au,” a kaya o koya.
Na gauna a leqa kina o koya, au vakananuma lesu na vei gauna vata kei koya kei na vinaka ni noqu ilesilesi vaka bisopi. Au vakavinavinaka niu qaravi ira na tani, lomani ira na tani, ka vukei ira. Au taleitaka na kosipeli oqo.