Kunea na Veivuke ni oti nona Mate o Nancy
E vakaitikotiko mai Georgia, Amerika o koya e vola.
Na cava sa gadrevi meu cakava meu vakayavalata na kaukauwa ni vei vakabulai nei Jisu Karisito ena noqu bula?
Droini mai vei Apryl Stott
Ena Feperuari 2016 a mai takali kina na watiqu o Nancy oti e 11 na yabaki na nona valuta voli mai na kenisa ni sucu. Na bibi ni noqu rarawa au vakila na matai ni vula ena nona mai takali e na dredre vei au meu vakamacalataka vei dua e se sega ni lako curuma e dua na dredre vaka oqo. Na mosi ni yalo, na yaluma, na rarawa, na mosi—sega ni dua na vosa qo e bau volekata. E sa bau dredre dina.
Na Kaukauwa ni Veivakabulai ni Vakabula
Au kila ni o Jisu Karisito a “lako sobu mai ki ra sara” (V&V 88:6) me rawa kina vei Koya me “vukei ira kina na [soli vakacegu vei ira] nona tamata me vaka na nodra veimalumalumu” (Alama 7:12). E kena ibalebale ni kaukauwa ni Veisorovaki na iVakabula e lako sivita na kena vakarautaka na tucake tale kei na noda vakasavasavataki mai na valavala ca. Ena kaukauwa qo, o Koya ena rawa ni vakabulai keda ena noda gauna eda sotava tu kina na dredre kei na gagadre. Ena noqu tagi, au sasaga—ka saga sara vakaukauwa—meu vulica na cava au gadreva meu vakayavalata kina na kaukauwa ni bula ni Vakabula. Vica na macawa noqu vaqaqara tiko ena vosanikalou kei na nodra vosa na Vakaitutu Raraba ena Lotu. Au vakabauta ni ena sau ni mosi kei na soli bula vei Koya, na Vakabula e kila na mosi eda lako curuma tiko. Ia vakacava na Nona kila e vukei au? Me vaka ni sotava o koya na qo ena vukuqu, na cava au gadreva meu cakava meu ciqoma kina na nona veivueti ka kila ga o koya na vakarautaka?
Ni oti na noqu vaqaqara, masumasu, kei na noqu gole tiko i na valetabu, au sa qai tekivu meu kila mai. Matai sa tekivu matata mai na Turaga e sa tekivu vakacegui ka tokoni tiko mai na noqu matavule, vakabibi ena lomani macawa vakarau tiko kina na nona mai mate o Nancy. A levu na vei ka vinaka keitou curuma vaka yalo au sa tekivu raica ni veivakalougatataki ka lako mai ena nona kaukauwa ni veivakabulai ka tu vaka rawarawa tu baleta na nona Veivakabulai na iVakabula. Na noqu kila ni vei maroroi tikona Vakabula vei keitou e kauta mai vakalevu vei keitou na vakacegu. Me vakataki Setareki, Mesaki kei Apetiniko ena gauna makawa, sa tiko vata kei keda o Koya ena “yameyame ni bukawaqa” (Taniela 3:17) ni noda rarawa.
Nuitaka na Turaga
Au vulica talega ni tiko eso na ka e gadrevi vei keda meda ciqoma kina na vakacegu kei na veivakabulai ni Turaga. Na ka bibi, meda nuitaki Koya tiko. Ka dua na ka dredre meda cakava. Na cava meu nuitaka kina na Kalou ni o Koya a rawa ni tarova na mate nei Nancy ena matai ni gauna? Ia sa sau ni taro qo, au qai vakasamataka na ka a tukuna na Turaga vei na Parofita o Josefa Simici:
“Ia dou sa sega ni raica rawa oqo ena matamudou vakayago na veika sa vakarautaka tu na Kalou me yaco, io kei na veivakalougatataki ena rawati ni sa oti na veika rarawa” (V&V 58:3).
Keitou a vakakalougatataki ena levu na vakatakilakila ni nona mai takali o Nancy a nona ituvatuva na Kalou. Au mai kila ni Tamada e dolava na ka qo me yaco, me vaka na nona tuvatuva taucoko o Koya me vakacaucautaki na matavule eda na curuma na dredre vaka oqo. Eda vakacaucautaki Josefa sega walega baleta na nona rawata me vosota ia me “vosota [vakavinaka]” (V&V 121:8). Ena kena titobu au sausauvi ena vei dredre qo, au na vueti ka vakatabui kina. Au lako curuma na vei ka oqo ena vuqa na gauna.
Au sa vakasalataki ira na luvedaru mera cakava na ka au mai vulica ena lalawa oqo:
-
Laiva na mosi o lako curuma tiko me kauti iko ena vuqa na ka vinaka.
-
Sovaraka yani na lomamu ena gauna ni masu.
-
Kevaka o vakila tiko na cudru vua na Kalou ena nodra vakatara tiko na vei dredre me yaco tiko, kereya vua me sosomitaka na cudru qori vei na vakabauta kei na yalo ni nomu ciqoma na ka e sa yaco.
-
Yalataka iko na lomani Koya ka tokoni koya tu yacova na vakataotioti.
-
Gunu vakawasoma ena vosa ni Kalou—mai na volanikalou kei na vei vosa kei na volavola nodra parofita kei ira na qasenivuli.
-
Gole ena valetabu ena nomu via kana ka vakavulici ena veika baleta na bula tawamudu.
-
Vaqarai ira na tamata era sotava tiko na dredre ka vaka toka na tuvatuva ni noda vakabauta, ka vakaukautaka na nomu vakadinadina kei na vunau.
Na iVakadinadina vaka Apositolo
Ni oti toka e dua na vula na nona mate o Nancy, a yaco mai dua na bogi na tagi au vakila tiko au sa sega ni tarova rawa. Au a rarawa ka mosi tiko ena mosi kei na rarawa na siga taucoko oya Au nanumi Elder Jeffrey R. Holland ena Kuoramu ni iApositolo Le Tinikarua a vakavulica “na sala ni veivakabulai ena liutaki iko … iKecesimani.”1 Dina na noqu tagi e sega ni tautauvata kei na dredre e sotava na Vakabula, ia na bogi ya au lako curuma tu na gauna ni butobuto kei na drakidrakita ni bula.”2
Oti noqu lako curuma qo ena dua na gauna ka masulaka tiko na veivuke, au qai lako takosova mai e dua na ka au a wilika kau a maroroya tu ena noqu monalivaliva ena vica na yabaki yani imuri. Au a kunea na ivola qo kau a lako sobu yaki meu vaqara na cava au vaqara tiko. Qo na gauna a vakatarogi kina o Elder Richard G. Scott Leweni Kuoramu ni Apositolo Le Tinikarua (1928–2015) ena nona tarogi me baleta na nona mai takali kina na watina o Jeanene, ena kenisa ena 1995. A sauma o Elder Scott, “Matai ni ka, … au sega ni mai vakayali koya. O koya e tiko ena yasa kadua ni ilati. Keirau sa vauci tu ena cakacaka tabu vakalotu ena valetabu, ka keirau na tu vata tu ka tawamudu.”3
Droini mai vei Valetabu e Atlanta Georgia
Na bogi ya na mela ni vosa ya a lako mai vata kei na dua na kaukauwa au se sega ni vakila vakadua. E vaka edua na bikeni ni valenicina ka waqa tu ena bogi buto. Au se sega vakadua ni wilika e dua na italanoa ka lauti au saraga vakalevu. Na butobuto kei na mosi e sa yali yani. Qo e vakai Alama ka “vakananuma o koya na [nona] mosi” (Alama 36:19). Na vakadinadina vaka apositolo qo e tarai au saraga vakalevu. Au kurabui ni dua na yavu au se kila mai na gauna ni noqu se gone kina sa qai laurai mai qo. Au mai vaqaqa tiko yani e cakava vakacava o Elder Scott na ka oqo. Ia ena gauna o ya au vakila ni kila talega o koya. Kevaka au vakabauta au ciqoma e dua na nuinui a tiko talega vei Elder Scott. Dina ni sotavi vakalailai na rarawa kei na tagi, au sega tale ni vakila tale na titobu ni rarawa au a sotava ena bogi oya.
Qo na kaukauwa ni noda Vakabula ka dodo liga tu o koya me vueti keda mai ena vei dredre eda sotava tu. Au kila na tagi ni noda matavuvale e sega ni yali vakadua,ia ea tilomi tu ena ka e dau kacivi tu na “kaukauwa” kei na “taucoko” ni veivakalougatataki ni Veivakabulai ni Vakabula.4 Eda sa toso voleka yani vua na noda Vakabula, eda vakila na nona veivakadeitaki, eda vakatikori ena vica na yavu ni noda veiyalayalati.