Na iLesilesi ni Veivakalesuimai Na Apositolo Taumada
Ena ika 8 ni Feperuari, 1835, a kerei rau na veitacini o Brigham kei Josefa Young o Josefa Simici me rau lagasere vua. Na Parofita a qai ciqoma e dua na vakatakila ni sa kena gauna me kacivi kina o ira na Apositolo Le Tinikarua.1
A kerei Brigham o Josefa Simici me vakauta e dua na notisi ni na caka e dua na koniferedi ena Siga Vakarauwai ka tarava. A tukuna o Koya vei Brigham o koya na dua vei ira na Tinikarua.2
Oti e ono na siga, era soqoni vata na Yalododonu. A kaya o Josefa Simici ni yavu ni soqoni oqo me ratou na digitaka o ratou na Tolu na iVakadinadina ni Vola i Momani—Oliver Cowdery, David Whitmer, kei Martin Harris—“e tinikarua na turaga mai na lotu me ra Apositolo.”3 E rau a ciqoma na ilesilesi o Oliver kei David ena June 1829, ia dina ni rau a “vaqara na Kalou ena lolo kei na masu” me rau vaqara na le Tinikarua, ia ena gauna ya se sega ni kena gauna donu.4 Qo, a kaya o Josefa, sa qai yaco mai na kena gauna.
Le Tinikarua (ena tuvatuva a vakaraitaki ena bose) o Lyman Johnson, age 23; Brigham Young, 33; Heber C. Kimball, 33; Orson Hyde, 30; David W. Patten, 35; Luke Johnson, 27; William E. McLellin, 29; John F. Boynton, 23; Orson Pratt, 23; William Smith, 23; Thomas B. Marsh, 34; and Parley P. Pratt, 27. Era a veiqaravi kece vakaulotu. Ratou lewe walu era lako vata kei Josefa Simici ena Keba kei Saioni ena vula ikatakata sa oti.5
Oti na nodra digitaki, ira na Apositolo era a vakatikori.6 Nodra veivakakalougatataki ni vei vakatikori ka sinai kina na yalayala ni rawa ka ni kaulotu. O Heber C. Kimball a qai vakananuma na veivakakalougatataki qo “parofisaitaki e vuqa na ka ena soli na kaukauwa ni veivakabulai vei ira na tauvimate, kaliraki ituba na tevoro, vakabulai ira na mate, solia lesu na solisoli ni rai vei ira na mata boko, … toso ulunivanua, kei na ka kece ena yaca i Jisu Karisito.”7
O Oliver Cowdery a vakabibi taka talega na vei dredre era na sotava: “Mo tu vakarau tu mo ni na solia na nomuni bula [sic] kevaka ena gadreva na Kalou mo solia taumada ena kena tarai cake ena nona inaki.” E vakauqeta o Oliver vei ira na Apositolo me ra na vaqara na kila ka nei Jisu Karisito mo rawa ni vakadinadinataka ni o Koya e bula tiko: “Kua ni cegu na nomu sasaga yacova ni kemuni sa raica na Kalou, e matamu.”8
Ena Me 1835, ira na Apositolo era qarava e vica na golegole ni kaulotu ena Lotu, na nodra veiliutaki raraba a vakakalougatataki ira vakalevu na lewe vuqa.