Na MRI kei Sarah

iVakatakilakila

Sarah and the MRI

“E rairai ena gadrevi me na caka e dua na MRI kina dakui Sarah,” e kaya o Dr. Frank. E matadredre yani vei Sarah. “Au sa na tuva me sa na caka ni mataka. Au na lesu tale mai ni oti e vica na miniti.”

E sa mai mosi toka ena dua na gauna na dakui Sarah. Ni yadra mai o koya ena mataka oya, e sa dua na ka na kena mosi ka sa mai dredre kina me tucake vakadodonu, ka voleka ni sega ni taubale rawa. E lako mai o Sarah kei tinana me rau mai raici Dr. Frank me kilai na cava beka e leqa.

“E dua tale na MRI?” e taroga o Sarah, ni sa raici Tinana tu yani. E sa caka oti mada vua e dua na MRI. E vakananuma o koya na nona rere ena gauna e tu kina ena lomani misini levu oya ka tabaka na lomani yagona.

“Vosota Sarah,” e kaya yani o Tinana. “Ia, na itaba era na vukei Dr. Frank me kila na cava e leqa tiko e dakumu. Au kila ni rawa mo cakava. Au na tiko ekea kei iko. E boboka yani na ligai Sarah o Tinana.

“Ia, o iko o na sega ni rawa ni curu e loma kei au”, e kaya o Sarah. E cuva na uluna ka drodro mai na wainimatana. E rawa ni tiko ena lomani rumu kei koya na Tinana, ia, na gauna e curu kina o Sarah ena lomani misini, e sa tu taudua o koya.

E a mokoti Sarah o tinana. “E dina oqori, ia, o kila tiko ocei ena rawa ni tiko e keya me vakacegui iko?”

E a nanuma o koya e dua na yaca ni Yalo Tabu e a rogoca o koya: na Dauniveivakacegui. De dua beka ena rawa ni vukei Sarah na Yalo Tabu me kua ni rere.

“Na Yalo Tabu?” E taroga o Sarah.

E deguvacu o Tinana. “Donu vinaka. E rawa ni o masu me vukei iko na Yalo Tabu. Keirau na masulaki iko talega kei Ta.”

Na ka oqori e solia vei Sarah e dua na vakasama totoka. “E rawa niu kerea vei Ta e dua na veivakalougatataki?”

A dredre o Na. “Sa dina sara. Au kila ena vinakata o koya me vakayacora vakakina.”

Na bogi oya e kotora na ligana o Ta ena ulu Sarah ka solia vua e dua na veivakalougatataki vakamatabete. Ni a masulaki Sarah me vakacegui mai na Yalo Tabu, e a drodro na yagona e dua na katakata malumu. Na veika e vakila oqori o koya e tiko kei koya ena bogi taucoko.

Ena siga tarava e davo toka o Sarah ena idabedabe ka na vakasisi koya yani ena lomani misini ni MRI. E vakasamataka tale o koya na vosa e a cavuta o Tamana ena gauna ni veivakalougatataki: Na Yalo Tabu ena tiko me vakacegui iko. E a boboka matua na ligai Tinana o Sarah. Sa ratou qai vakasisi koya yani ena loma ni misini na nasi.

Na misini ni MRI e levu na kena rorogo ena gauna e tabaka tiko kina na dakuna. E davo sara toka vakadua o Sarah me rawa ni matata vinaka na itaba. E a lomaleqa mada vakalailai, ka qai vakila tale na katakata oya. E vakasaraga na nona dau mokoti au o Na. Se dua na itutuvi katakata. Au kila ni sa na VINAKA mai na veika kece. E sega walega ni kidava o koya sa oti tale! na MRI

E qai vakaraitaka na itaba ni dakui Sarah vei Tinana kei Sarah, o Dr. Frank ena nona valenivolavola. “Sa dua na ka vinaka ni o davo sara tu ga vakamalua,” e kaya yani o Dr. Frank vei Sarah ni tekiduru yani i yasana. “Na itaba ni dakumu e vakaraitaki kina ni o na gadreva mo sele me rawa ni vukei iko mo taubale tale vakavinaka.”

E tilo vakaukauwa sara o Sarah.

“Keitou vinakata me sa caka saraga ena gauna totolo duadua na veisele,” e kaya o Dr. Frank, ni raicake yani vei Tinai Sarah. Sa qai vuki tale mai vei Sarah. “Ena taura tale e vica na macawa e rawa ni o vakila tale na kemui tuvakivata ga e liu, ni oti noqu raici iko nikua, au kila o sa na vinakacake sara.”

E tovolea o Sarah me vakasamataka na veika kece e rawa ni cakava o koya ni sa na vakavinakataki koya o Dr. Frank. Au na rawa ni cici ka qalo ka lade ena dua na ibinibini draunikau. E sa malele tu o koya me na rawa ni cakava na veika oya. Ia, na veisele e rerevaki cake mai na MRI! Qai nanuma o Sarah na nona masu kei na veivakalougatataki a soli vua. E a tala mai na Dauveivakacegui na Tamada Vakalomalagi. Ena vukei koya tale o koya.

E a vakaraici Dr. Frank o koya. “Ena rawa beka niu lade yani ena binibini draunikau oqori?” e kaya o koya.

E dredre o vuniwai. “Ena rawa beka niu lade yani ena binibini draunikau oqori?”