Ena Rawa ni VeisautakaVakacava na Nomu Bula na iTukutuku ni Koniferedi

Mai vei Hadley Griggs

E vakaitikotiko mai Utah, Amerika, o koya e vola.

Ena rawa ni da vakataki Jisu Karisito. Na iyaya ni cakacaka oqo ena rawa ni vukei iko mo na raica na kena na caka.

iVakatakilakila

desk with laptop and general conference issue

Vakila ni vaka e lailai na kaukauwa ni bula vakayalo? Nanuma me dua na idusidusi lailai vakayalo? Io o sa sotava donu tu na kena madigi, baleta na koniferedi raraba ena rawa ni vukei iko! Elder Robert D. Hales ena Kuoramu ni iApositolo Le Tinikarua a kaya: “Vei ira na itabagone ena Lotu, au yalataka ni kevaka mo ni na vakarorogo ki na [vei koniferedi raraba], ko ni na vakila vakavinaka saraga kina na Yalo vei iko. Ena tukuna vei iko na Turaga na veika mo ni na vakayacora ena nomuni bula.”¹

Ena sega walega ni na cava ena macawa ni koniferedi—o na vakila na Yalo ena gauna o vulica kina na tukutuku na gauna e oti kina!

E levu na sala e rawa ni vukei keda kina na koniferedi. Ia dua na tikina bibi, na kena kauti keda vaka voleka mai vua na iVakabula ena vakavuvuli meda vakai Koya. E dua na sala vinaka me da taura na vei vakavuvuli ena gauna ni koniferedi meda vakarorogo vakavinaka ena veika baleta na ivakarau va Karisto—ena gauna e kaburaki kina se vulica na gauna e oti kina na vosa. Na gauna eda vakarorogo kina ena vica na vakarau va Karisito ena noda vakasama, na vosa kei na Yalo ena rawa vukei keda me da vulica me da vakai Karisito.

Na rawa ni taura e vica taro qo me raica kina na ivakarau se rua o na via vakatabakidua kina na nomu na vulica na vei tukutuku ni koniferedi. (Vuqa na taro titobu, ni raica na Okotova 2016 New Era wase 6 ena Vunautaka na Noqu Kosipeli.)

Ena ciwa na iVakarau Va Karisito e toqai toka e ra, digia e dua na yatuvosa e tukuni kemuni vakavinaka.

Vakabauta:
1. Au sega ni vakadeitaka kevaka o Jisu Karisito e noqu iVakabula.
2. Au vakabauti Jisu Karisito ka ciqomi koya me noqu iVakabula.
3. Au nuitaka ni o Jisu Karisito e noqu iVakabula.
iNuinui:

iVakatakilakila
young man
1. Au vakila na vakacegu ka nuidei me baleta na bula e se bera mai.
2. Au rerevaka na bula se bera mai!
3. Au dau vakawelewele taka na bula se bera mai—kevaka au sega ni na vakasamataka, au na sega ni leqataka.
Loloma Uasivi, kei na Loloma:
1. Au dau saga meu lomani ira na tamata tani, ia e se so na tamata vakaninivaki era dau vakacudrui au.
2. Au sa osooso vakalevu ena saga tiko madaga na noqu bula ka dredre vakalevu meu vakasama taki dua tale.
3. Au dau gadreva na nodra marau kei na bula vaka yago tawamudu na tamata tani.
iValavala Dodonu:
1. “Me savasava tiko na noqu ivalavala kei na noqu ivukivuki.” E sega ni rogo marautaki!
2. Au savasava ka savasava na lomaqu.
3. E dau dredre vei au meu tiko savasava ka taucoko.
Kila-ka:

iVakatakilakila
young woman reading scriptures with younger sister
1. E levu saraga na ka e caka tiko au se ni rawa vaqara rawa e dua na gauna meu sauma kina na noqu taro.
2. Oilei. Vuli lesoni? Eso na gauna sa dau sega ni malele kina vuli ka.
3. Au dau saga me kila na dina ka vaqara na sau ni noqu taro.
Yalovosota:
1. Au rawa ni dau waraka na ka kau sega ni cudru se vaka vu vei cudruvi kina.
2. Au kila niu rawa ni waraka na ka, ia audau rarawa taka talega.
3. E dredre vakalevu sara na kena dau waraki na ka. Au vinakata na ka kece qo.
Yalomalua:
1. Au vinakata meu dau cakava na ka kece vakai au.
2. Au dau vakararavi vua na Turaga me veivuke.
3. Niu dau cakacakataka e dua na ka, au dau gulecava ena vuqa na gauna au dau gulecava meu kere veivuke mai vua na Tamada Vakalomalagi.
Gugumatua:
1. Au dau vakayagataka vakalevu noqu gauna ena sara TV, tikovata kei ira na noqu itokani, ka levea na itavi!
2. E dredre vei au meu vakanamata ena vei ka e bibi ni bula, ia au dau saga.
3. Au dau solia noqu gauna kei na yaloqu ena vei ka bibi.
Talairawarawa:
1. Au dau vakamuria na vakasala mai vei ira na noqu iliuliu kei na noqu itubutubu.
2. Au dau lewai au tu ga vakai au—e vuqa na gauna e dau dredre meu dau vakarogoci ira tale eso.
3. Au dau vakamuria na vakasala mai vei ira na noqu iliuliu kei na noqu itubutubu.

iVakatakilakila

young woman

Raica mada yani na nomu isaunitaro. Na itovo cava tale o na gadreva mo cakacakataka? Mo rawa ni vakatorocaketaka oqori, e rawa ni o digitaka e dua se rua ka raica matua sara ena gauna o vakarogoca kina na koniferedi.

Kevaka o sa sauma ni o sa cakava vinaka tiko ena kena kece, taura matua tiko! E rawa ni o digia e dua se rua e matalia vei iko ena gauna ni veitarogi ka vakanamata kina oqori ena gauna ni vuli ena koniferedi. Ena vanua cava ga ena nomu ilakolako mo vakataki Karisito, ena rawa ni o dau goleva na nodra ivakavuvuli na iliuliu me vukei iko ena nomu sala.

Kevaka e sega ni rawa ni o lewa e dua na ivakarau vakarisito ena gauna oqo, kakua ni lomaleqa! E rawa ni o dau vakarorogo ena koniferedi ka raica na veika e matalia vei iko.

Ni o sa digia na ivakarau vakakarisito mo vakanamata kina, o na vinakata beka mo vola me rawa ni o ciqoma na ivakatakila ena gauna o vakarorogo tiko kina ki na koniferedi se ena nomu vuli tiko ni oti oqori. Ni o vakarorogo ka vuli tiko, vakatara me liutaki iko na Yalo kina sala matata me rawa ni o cakacakataka na ivakarau vakarisito oqori. Raica mada na ivakaraitaki e ra!

Na Loloma me baleta e Lima na noqu iTokani Vou.

E koronivuli e tiko e dua na ilawalawa lailai era dau vakatokai tu mai vei ira na gone o ira na “sega ni dua na tamata” baleta ni ra duidui. Au sega ni dau vosa vei ira. Au a sega ni gone ca kau a sega talega ni gone vinaka.

Ni a rogoca na nona ivakamacala o Peresitedi Dieter F. Uchtdorf, na iKarua ni Daunivakasala ena Mataveiliutaki Taumada, “Na iSolisoli Veivakurabuitaki ni Loloma Soliwale” (koniferedi raraba ni Epereli 2012), e a veisau e dua na ka. E kaya o koya e dua na ka e dodonu meda cakava ni sa yaco mai na vakalelewa: “Yalana!” E a vukei au na nona vosa meu kila ni sega ni dodonu meu vakalewai ira na gone oqo e koronivuli, e dodonu meu dau vakaisosomitaka na vakasama ni veivakalewai kei na yalo ni veivakalewai ena “yalo e vakasinaiti tu ena loloma vua na Kalou kei ira na Luvena.

Ena Moniti oya niu a gole ki koronivuli, au a gole yani kivei ira na ilawalawa era dau nanuma tu na tamata me ra “sega ni dua na tamata”, kau sega ni laki sotavi iratou na noqu itokani. Sa tekivu me keitou veitalanoa, kau vakila ni o ira na tamata oqo era sega saraga ni duidui mai vei ira tale eso. Niu a taura na gauna meu kilai iratou, a mai vaqaqacotaki sara na neitou veiwekani. Sa mai lima na noqu itokani vou.

Au a vakila ni o iratou na noqu itokani eratou a sega ni “sega ni dua na tamata”—vua na Kalou eratou “dua tiko na tamata” ena veigauna kece. Au marau vakalevu niu sa mai vulica vakalevu sara me baleta na Nona Loloma na Kalou vei ira na Luvena.

Holly H., yabaki 19, California, Amerika

Taraicake na Loloma Uasivi ena Kalasi ni Vuli Vakatagi

Ena koniferedi raraba ni Okotova 2015, e dua na vosa e matalia vei au. E vosa ena ulutaga oqo o Elder Dale G. Renlund ni Kuoramu ni iApositolo Le Tinikarua, “Through God’s Eyes”. E vosa o koya ena bibi ni noda dau raici ira na tani ena nodra rairai na itubutubu. Ena gauna au rogoca kina oqori, au vakila niu gadreva meu cakacaka vakaukauwa ena noqu sasaga meu lomani ira era tu wavoliti au.

Dua na mataka ni oti na koniferedi, au a vakaraica tiko e dua na gauna meu vakamarautaka e dua. Au a lako kina noqu kalasi ni vuli vakatagi kau raica kina e dua na cauravou au sega ni dau kawaitaka vakalevu. Au siqema rawa ni a rarawataka tiko e dua na ka, kau mani laki taroga vua se sa vakacava tiko na nona siga. E sega so ni dau vosa, kau mani tarogi koya e vakacava na nona taleitaka na kalasi ni vuli vakatagi. E tukuna o koya vei au ni a sega ni se kila na kabakaba ni sere ka sa lomaleqataka tiko na tuvaitutu. Au a tukuna vua ni rawa ni keirau raica vata, ka keirau mani qiria vata na ivakatagi. A totoka vakaidina! Ni oti oya, keitou qai veivosaki me baleta na neitou ivakatagi. Keirau sa qai veivolekati sara, kau vakavinavinaka niu a taura na gauna meu vosa vua.

Christa M., yabaki 12, Texas, Amerika.